Sveitarstjórnarmál - 01.02.1982, Qupperneq 43

pr. rúmlest (sbr. orkugjald). Varðandi einföldun á
vörugjaldskrá þá hefir stjórnin orðið sammála um að
leggja til, að vörugjaldaflokkar verði tveir, þ. e. al-
mennar vörur og stórflutningar (bulk) og annar
varningur, sem ekki er talinn bera hið almenna
vörugjald.
Hið almenna vörugjald yrði ákveðið sem vegið
meðaltal núverandi 2. og 3. flokks og búlkvörugjald
ákveðinn hundraðshluti þar af.
Frekari útfærsla þessarar hugmyndar, sem byggð
er að nokkru á gildandi vörugjaldskrá í Danmörku,
yrði gerð samhliða endurskoðun á reglugerðum og
gjaldskrám i kjölfar breytinga á hafnalögunum.
Raftenging skipa í höfnum
Á vegum norrænnar samstarfsnefndar (Nord-
forsk). er að hefjast samnorrænt rannsóknarverkefni á
sviði orkusparnaðar í fiskveiðum. Þátttakendur fyrir
Islands hönd eru Fiskifélag íslands og Raunvísinda-
stofnun Háskólans. Hafnasambandinu hefir verið
boðin þátttaka í umræðuhópi um verkefnið, einkum
hvað snerlir tengingu skipa við rafmagn úr landi, meðan þau
liggja í höfn.
Raftenging skipa í höfnum hefir oft verið rædd á
fundum okkar. Hér er um kostnaðarsamar aðgerðir
að ræða, sem gefa hafnarsjóðum engar auknar tekjur
með því fyrirkomulagi, sem nú rikir.
Reykjavíkurhöfn hefir á núgildandi verðlagi varið
2.5 m.kr. í rafdreifikerfi án nokkurs tekjuauka.
Hugmyndin var, að hafnarstarfsmenn tækju að sér
tengingu skipanna og hafnarsjóður sæi um inn-
heimtu og legði á orkusöluna til að mæta kostnaði.
Óljóst er, hvort þetta fyrirkomulag komist á.
Eina sjáanlega leiðin til að mæta þessum útgjöld-
um er, að gjaldskrá heimili hækkun á bryggjugjaldi,
þegar skip er tengt rafmagni. Mál þetta þarf að
skoðast við endurskoðun á gjaldskrá.
Af norrænum hafnamálum
Sænska hafnasambandið hefir boðið til norrœns
hafnaþings í Gautaborg dagana 2. og 3. september 1982.
Þeir, sem hugsanlega hefðu áhuga á að sitja þingið,
hafi samband við stjórn eða skrifstofu sambandsins.
Það fellur siðan í hlut okkar að halda norrænt
hafnaþing á árinu 1984. Þeir, sem áhuga hafa á, að
það fari fram hjá sér, láti um það vita.
Frá Svíþjóð berast þær fréttir, að ekki þurfi lengur
að leita staðfestingar stjórnvalda á gjaldskrám
hafna. Þetta er í samræmi við að þar, í landi áætl-
unarbúskaparins, hafa sveitarfélög og einstaklingar
getað byggt hafnir án afskipta ríkisvaldsins.
I Danmörku er að hefjast vinna við 6-ára hafna-
áætlun 1986—1992.
Kynnisferð til Bandaríkjanna
Eg átti þess kost skömmu eftir að við skildum á
síðasta ársfundi að fara kynnisferð til Bandaríkjanna
og kynna mér þar rekstur hafna. Ég heimsótti
nokkrar hafnir, bæði á austur- og vesturströnd
Bandaríkjanna, og fór alla leið til Alaska, þar sem ég
meðal annars sá eina fiskihöfn á eyjunni Kodiak, en
sem kunnugt er, var það þangað, sem Jón Ólafsson,
ritstjóri, lagði til, að Islendingar flyttust, er hann
kom úr Alaskaför sinni árið 1874. Rekstrarform
hafna í Bandaríkjunum eru margvísleg, þar eru
einkahafnir, hafnir í eigu eins sveitarfélags eða
fleiri, hafnarsamsteypur í ríkiseign og sjálfstæðar
hafnir með stjórnir kjörnar af íbúum ákveðins hér-
aðs (county). Tekjuform hafna eru mismunandi, en
mest þannig, að notendum eru leigð út hafnarmann-
virki, land og hús, og ákveðst leigan þannig, að hún
greiði niður fjármagnskostnað á eðlilegum ending-
artíma mannvirkjanna, venjulegast á 20—25 árum,
en sökum vaxandi verðbólgu hefur verið sett inn
ákvæði um, að upphæð leigunnar endurskoðast eða
leiðréttist með hliðsjón af verðbólgu. Einn tekjustofn
rakst ég á fyrir vestan, sem ég hef ekki vitað um, að
hafnir í Evrópu nytu, en það eru þær hafnir, sem eru
héraðshafnir. Þær hafa ákveðinn tekjustofn, sem er
óháður umferð, það er tiltekin hlutfallstala af fast-
eignasköttum alls héraðsins. I Bandaríkjunum eru
allar dýpkanir á siglingaleiðum meðfram ströndum
og eftir ám og vötnum svo og dýpkanir innan hafna
að hafnarbökkum fyrir almenna umferð kostaðar af
fullu af alríkisstjórninni, og sér verkfræðingadeild
hersins um þessar framkvæmdir.
Um öryggismál á sjó, framkvæmdir á siglinga-
SVEITARSTJÓRNARMÁL