Sveitarstjórnarmál


Sveitarstjórnarmál - 01.02.1982, Síða 61

Sveitarstjórnarmál - 01.02.1982, Síða 61
Benneche telur það skaðlegt réttaröryggi, að efa- semdir og ósamkomulag um ákvörðun skuli falið bak við samhljóða ákvörðun í stað þess, að fram komi rökstutt álit minnihluta. Veldur þetta því, að máls- aðilar hafa ekki tækifæri til að gagnrýna ákvörðun, heldur fá þá mynd, að nefnd hafi staðið einhuga að baki niðurstöðu. D. Úrskurðir. Ollum meiri háttar málum, er varða ráðstafanir gagnvart börnum eða forráðamönnum þeirra, skal ráðið til lykta með úrskurði, sbr. 14. gr. barna- verndarlaga. Engin skýring er gefin á því, hvaða mál er hér átt við, og hafa nefndirnar lagt mismunandi skilning í ákvæðið. I Reykjavík eru t. d. einungis kveðnir upp úrskurðir í forræðissviptingarmálum. I 13. gr. barnaverndarlaga eru tilgreindir nokkrir málaflokkar, sem teljast svo mikilvægir, að auknar kröfur eru gerðar um málsmeðferð þeirra. Sýnist ekki óeðlilegt að ætla, að ákvörðun í þessum málum eigi einnig að vera betur rökstudd en ýmsar aðrar og málsaðilum tilkynnt um hana með tryggilegum hætti. Virðist því sjálfsagt að túlka 14. gr. barna- verndarlaga með hliðsjón af 13. gr. og telja, að lág- mark sé, að upp séu kveðnir úrskurðir í málum, er varða töku barns af heimili, sviptingu foreldravalds, kröfu um, að barn skuli flutt frá fósturforeldrum, eða kröfu um, að felldur sé úr gildi úrskurður um töku barns af heimili eða sviptingu foreldravalds. 4.3 Starfshœttir bamaverndar- yfirvalda og réttaröryggi. Johs. Andenæs telur, að við stjórnvaldsákvarðan- ir, sem skipta borgarana miklu máli, eigi að beita þeim réttarfarsreglum, sem teljast ófrávíkjanleg for- senda þess, að rétt niðurstaða fáist.*>Þar hefur hann fyrst og fremst þrjú atriði í huga: í fyrsta lagi and- mælaregluna, í öðru lagi rökstuddar niðurstöður og í þriðja lagi áfrýjunarheimild. Ef litið er til þessara þriggja skilyrða, sem Ande- næs telur nauðsynlega forsendu réttaröryggis í stjórn- 1) Garantier for rettssikkerheten ved administrative avgjörelser. Förhandlingarna pá det nittonde nordiska juristmötet. Bilag VI, Stockholm 1952. valdsákvörðunum, kemur í ljós, að barnaverndar- lögin hafa að geyma ákvæði um öll þessi atriði. í 20. gr. er andmælareglan lögfest í nánar tilteknum málum, 14. gr. geymir ákvæði um rökstudda úr- skurði, einnig í nánar tilteknum málum, og loks heimilar 56. gr., að ákvörðun barnaverndarnefndar sé áfrýjað til barnaverndarráðs. Eru því ákvæði 14. og 20. gr. laganna ekki eins víðtæk og Andenæs telur nauðsynlegt. En augljóslega þarf ekki viðamiklar breytingar á núgildandi barnaverndarlögum, til að lagalega yrðu tryggð grundvallaratriði réttarörygg- isins við meðferð barnaverndarmála. Einungis þyrfti að rýmka andmælaheimild 20. gr., þannig að hún næði til allra mála, þá þyrfti og að taka af öll tvímæli um túlkun hennar. Þá þyrfti og að rýmka gildissvið 14. gr., þannig að allar ákvarðanir barna- verndaryfirvalda verði rökstuddar og skriflegar. 5.0 Lokaorö Árið 1974 var skipuð nefnd, sem falið var að end- urskoða lög nr. 53 frá 1966, um vernd barna og ungmenna. Nefnd þessi skilaði áliti og drögum að frumvarpi síðari hluta árs 1977 og mælti jafnframt með því, að hlutazt yrði til um heildarendurskoðun laga, sem snerta félagslega þjónustu sveitarfélaga og að um hana yrði sett samræmd löggjöf. Nefnd þessi var skipuð á árinu 1978 og falið að semja slíkt frumvarp, en var nýlega leyst frá störfum án þess að skila áliti. Óvíst er því hvenær nýrrar lagasetningar á þessu sviði er að vænta. Athugun mín á störfum og starfsháttum nokkurra barnaverndaryfirvalda leiðir í ljós, að ýmislegt í framkvæmd núgildandi barnaverndarlaga mætti færa til betri vegar. Einnig hefur verið sýnt fram á, að ekki þarf veigamiklar breytingar á núgildandi barnaverndarlögum til að tryggja að fullu réttarör- yggi þegnanna. í ljósi þessa virðist mér brýnt, að gengið verði eftir því, að framkvæmd núgildandi laga verði færð í betra horf. Myndi það eitt stuðla að miklum réttarbótum á sviði íslenzkra barna- verndarmála. SVEITARSTJÖRNARMÁL

x

Sveitarstjórnarmál

Beinleiðis leinki

Hvis du vil linke til denne avis/magasin, skal du bruge disse links:

Link til denne avis/magasin: Sveitarstjórnarmál
https://timarit.is/publication/1063

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.