Sveitarstjórnarmál - 01.02.1982, Blaðsíða 66

STEFÁN KRISTJÁNSSON, íþróttafulltrúi
Reykjavíkurborgar:
SUNDLAUG
VESTURBÆJAR
TUTTUGU ÁRA
Þann 2. desember sl. voru liðin 20 ár frá því
Sundlaug Vesturbæjar var opnuð almenningi, en
vígsluathöfn hafði þó farið fram nokkrum dögum
áður, eða 23. nóvember 1961. Þá voru í Reykjavík
Sundhöll Reykjavíkur og gömlu sundlaugarnar í
Laugardal. Hafði það lengi verið mikið áhugamál
íbúa í vesturbænum, að byggð yrði sundlaug í þeim
borgarhluta. Höfðu íbúarnir gengizt fyrir fjársöfnun
til að leggja til byggingarinnar og sýna áhuga sinn.
Þegar borgarstjórn ákvað byggingu laugarinnar,
var Bárði Isleifssyni, arkitekt, falið að teikna hana.
Aðallaugin er 25x12.5 m að stærð, en út frá henni
gengur grunn laug með bogadregnum veggjum
samtals 180 m'- að stærð. Mun þetta þá hafa verið
nýjung á íslandi og gefur lauginni skemmtilegan
svip, auk þess sem börn njóta sín vel í þessari grunnu
laug.
Onnur nýjung ekki ómerkari var, að við laugina
voru byggðar tvær setlaugar, þar sem hitastigi er
haldið 38°—44° á Celsíus. Þriðju setlauginni var
síðan bætt við árið 1971.
Mun Þorsteinn Einarsson, sem þá var íþróttafull-
trúi ríkisins, hafa átt hugmyndina að því og vildi
með því endurvekja gamlar baðvenjur Islendinga,
sbr. Snorralaug í Reykholti. Þessar setlaugar urðu
strax mjög vinsælar, og er nú tæpast byggð ný laug á
íslandi, nema að við hana sé einnig setlaug, og
einnig hefur þeim verið komið upp við eldri laugar.
Fyrsta setlaug á islandi, sett upp við
Sundlaug Vesturbæjar árið 1961, fyrir
réttum tuttugu árum.
SVEITARSTJORNARMÁL