Sveitarstjórnarmál - 01.06.1992, Qupperneq 11

FRÉTTIR FRÁ SVEITARSTJÓRNUM
„ímyndaðu þér kauptorg upp frá sjónum fyrir miðri
ströndinni og annað torg fallegra, með norðurvegg
kirkjunnar á eina hlið og til hinna þriggja háskóla,
menntabúr og ráðstofu, en á miðju torginu heiðursvarða
þess manns, er slíku hefði til leiðar komið. Settu enn-
fremur suður með tjöminni að austanverðu skemmti-
göng og kirkjugarð hinu megin sunnantil á Hólavelli, og
þá sérðu, hvurnin mig hefur dreymt að Reykjavík eigi
að líta út einhvumtíma."
Hinir hugumstóru leiðtogar, sem þorðu að láta sig
dreyma, hafa gjörla skynjað merkingu þess að efla einn
stað til forystu, þannig að hann hefði burði til að mæta
margvíslegum skyldum, sem fullvalda þjóð yrði nauð-
syn að rækja með samstilltu átaki. Ef slíks höfuðstaðar,
sem Reykjavík nú er orðin, nyti ekki við í landinu sem
miðstöðvar fyrir stjómsýslu, viðskipti og menningar-
mál, myndu Islendingar sækja til borga í öðrum löndum
til að njóta um lengri eða skemmri tíma margra þeirra
kosta, sem Reykjavík hefur að bjóða í listum, menntun,
þjónustu og þeirri dægrastyttingu, sem öllum er þörf á,
en þrífst varla annars staðar en í fjölmenni.
Þegar hillti undir lokaáfanga að óskertu sjálfstæði hjá
fullvalda þjóð á fjórða tug þessarar aldar, sáu menn
metnað sinn í því að ráðast í stórmerkar framkvæmdir
á fjölmörgum sviðum. Og bærinn stækkaði í Ijóðum
skáldanna. Þar ómuðu væntingar um reisulega, full-
vaxta borg, kosti hennar og fyrirheit:
Og þar sem allt var fyrrum blásið og bert
er brátt komið skínandi torg eða múraður veggur.
Og litlu kofarnir leggja á auðnina fyrst,
lágvaxin hreysi verkamönnum og konum.
En þar, sem þeir kúra við bæjarins endimörk yzt,
sofa óbornar hallir í mannanna framkvæmd og
vonum.
Draumsýn fyrri kynslóða og sjálfra okkar um veglegt
Ráðhús Reykjavíkur við Tjömina er orðin að vemleika.
í tímans rás og umræðu horfinna daga hafa ráðhúsið og
Tjörnin ávallt staðið ákaflega nákomin hvort öðru.
Stórbyggingum og samkomustöðum Reykvíkinga hefur
frá gamalli tíð verið valinn staður og þeim skapað rými
á nýju landi við Tjömina. Umhverfi hennar er svo ein-
stakt, lífríki og litbrigði svo fjölbreytt, aðdráttaraflið
svo ómótstæðilegt, að hvergi er að finna skilyrði, er
hæfi betur nýrri miðstöð í borgarlífi Reykvíkinga, húsi
allra borgarbúa, þjóðarinnar allrar.
„Tjörnin var sannarlega miðdepill alheimsins,” sagði
sá víðförli heimsborgari Eggert Stefánsson, söngvari,
og spurði: „Á maður nokkum tíma að fara frá tjöminni
sinni? Er það nauðsynlegt?“
Ráðhús Reykjavíkur er listaverk, er bera mun hæfi-
leikum og hugmyndaauðgi höfunda sinna vitni um
langa framtíð, ef ekki hundmð ára. Aðdáunarvert
handverk iðnaðarmanna, innst sem yzt í þessu húsi, er
árangur af einstæðu og krefjandi tækifæri, sem sjaldan
býðst, og verður öðrum sjaldséð augnayndi, sem þess
njóta í nútíð og framtíð. Húsið er aðlaðandi og hentugur
vinnustaður fyrir þá, sem hér munu starfa á vettvangi
borgarstjómarinnar og í daglegri þjónustu við borgar-
búa. Reykvíkingar og gestir í borginni munu eiga hér
skemmtilegan samkomustað til að njóta næsta um-
hverfis og sækja hingað fróðleik um líf í borg á líðandi
stund.
Öllum, sem hér hafa komið við sögu, ber að þakka
þennan stórkostlega skerf til íslenzkrar byggingarlistar
og sögu húsagerðar hér á landi.
En fyrst og fremst vil ég fyrir hönd Reykjavíkur-
borgar þakka forvera mínum í embætti borgarstjóra,
Davíð Oddssyni, forsætisráðherra, forystu hans um að
láta hugmyndir og tillögur að Ráðhúsi Reykjavíkur loks
verða að veruleika. Óbilandi trú hans á gildi ráðhús-
byggingar á þessum stað, hugrekki hans og seigla hafa
borið okkur í áfangastað að langþráðu marki.
Vor er í lofti, sól skín í heiði. Tjörnin skartar sínu
fegursta á þessari hátíðarstund. Einhvern tíma hefði
verið sagt, að nú væri veður til að skapa - og til að opna
nýtt Ráðhús Reykjavíkur.
Eg lýsi Ráðhús Reykjavíkur við Tjömina formlega
opnað og tekið í notkun.
ÚTIBEKKIR
Steyptir með upphleyptu
merki sveitarfélags eða
stofnunar, ef óskað er
Málmsteypan HELLAhí.
Kaplahrauni 5-220 Hafnarfirði—Sími 651022-telefax 651587
137