Sveitarstjórnarmál - 01.08.2001, Blaðsíða 47

Ýmislegt
269
þróa aðferðir sem stuðla að gagnkvæmri aðlögun
aðfluttra og þeirra sem fyrir eru.
• Að börn af erlendum uppruna geti nýtt sér
skólakerfið til jafns við önnur börn. Lögð
verði áhersla á kennsluhætti sem henta börnum
af erlendum uppruna og að koma til móts við
þarfir þeirra, m.a. í kennslu á íslensku sem öðru
tungumáli. Einnig með kennslu i og á móðurmáli
þeirra eftir því sem við verður komið.
• Að öllum útlendingum sé gefinn kostur á ís-
lenskunámi við hæfi og þeir hvattir til að læra
íslensku. Utlendingum sem vilja læra íslensku
skulu sköpuð tækifæri til þess. Hvorki vinnuálag,
aðstöðuleysi eða fátækt, einangrun né skortur
á hæfilegum námsleiðum komi í veg fyrir að þeir
geti nýtt þessi tækifæri.
• Að þekking og menntun útlendinga nýtist
bæði þeim og öðrum borgarbúum. Gengið
skal út frá því að útlendingar séu gefendur og
þiggjendur í íslensku samfélagi. Unnið skal að
því að þeir fái störf við hæfi svo þeir festist ekki
í láglaunastörfum og fái sömu tækifæri og aðrir
til að miðla samfélaginu af hæfileikum sínum,
reynslu og menntun.
• Að Reykvíkingar nýti sér menningarlega fjöl-
breytni samfélagsins. Stuðla skal að því að
borgarbúum gefist tækifæri til að læra hverjir
af öðrum. Unnið skal gegn því að útlendingar
einangrist hvað varðar búsetu og atvinnu.
• Að borgaryfirvöld hafi aðgang að áreiðanleg-
um upplýsingum um hagi útlendinga.
Reglubundið þarf að kanna hagi útlendinga og
taka mið af öðrum upplýsingum sem að gagni
koma við ákvarðanir í borgarmálum.
• Að útlendingar þekki rétt sinn og skyldur.
Tryggja þarf að útlendingar fái fræðslu um skrif-
aðar og óskrifaðar reglur samfélagsins. Þeir
þurfa að þekkja rétt sinn, svo ekki sé á þeim
brotið og þeir fái notið þess sem samfélagið
hefur að bjóða.
• Að brugðist sé við ef brotið er á fólki vegna
uppruna þess. Mikilvægt er að lög og reglur
varðandi brot gagnvart útlendingum og réttindum
þeirra séu skýr og afdráttarlaus. Sé á þeim brotið
skulu viðeigandi úrræði vera tiltæk.
Framkvæmd stefnunnar
Gert er ráð fyrir að þróunar- og fjölskyldusvið
Ráðhúss Reykjavíkur hafi fyrst um sinn eftirlit
með því að stefnunni sé framfylgt og fylgi eftir
samhæfingu borgarstofnana í samráði við jafn-
réttisráðgjafa Reykjavikurborgar. Er starfandi
starfshópur sem fylgir eftir framkvæmd hennar
og er gert ráð fyrir að stefnan verði metin árlega
og endurskoðuð í heild fyrir árslok 2004.
Um framkvæmd stefnunnar segir að allar stofn-
anir borgarinnar þurfi að laga sig að fjölmenning-
arlegu samfélagi og útfæra stefnu borgarinnar um
fjölmenningarlegt samfélag í starfsáætlunum sín-
um. Þær skulu gera ráð fyrir útlendingum bæði
sem notendum og veitendum þjónustu, taka tillit
til sérþarfa útlendinga, án þess að litið sé á þá sem
einsleitan hóp. Þá er einnig lögð áhersla á að þeir
útlendingar sem hingað flytjast þurfi að aðlagast
íslensku samfélagi og að þeir sem fyrir eru þurfi
að aðlagast ibúum af mismunandi uppruna. í öllu
starfi borgarinnar skuli leitast við að nýta kosti
fjölbreytninnar.
Alþjóðahúsið ehf.
Við framkvæmd stefnunnar var áætlun um að
komið yrði á fót Alþjóðahúsi á árinu 2001 í sam-
starfi sveitarfélaga á höfuðborgarsvæðinu og fleiri
aðila. Alþjóðahúsi er þar ætlað að gegna veiga-
miklu hlutverki við framkvæmd stefnunnar bæði
hvað varðar stuðning við samþættingu og gagn-
kvæma aðlögun. Mikilvæg viðfangsefni Alþjóða-
húss yrðu þróunarstarf, miðlun og öflun upplýs-
inga, túlkaþjónusta, sérhæfð ráðgjöf, fræðsla og
menningarstarf.
Umfangsmiklu undirbúningsstarfi sveitarfélag-
anna þriggja, Reykjavíkur, Hafnarfjarðar og Kópa-
vogs, og verkefnisstjórans leiddi til þess að hinn
8. maí sl. undirrituðu borgarstjórinn í Reykjavík,
bæjarstjórarnir í Kópavogi, Hafnarfirði svo og
Seltjarnarnesi og formaður Reykjavíkurdeildar
RKI stofnsamning um einkahlutafélagið Alþjóða-
húsið ehf. og er stofnhlutafé 10 millj. kr. Starfsemi
Alþjóðahússins ehf. er tilraunaverkefni til fimm
ára og skuldbinda stofnhluthafar sig til greiðslu
árlegs rekstrarframlags þann tíma.
Rekstrarframlag sveitarfélaganna skv. sérstökum