Sveitarstjórnarmál - 01.08.2001, Blaðsíða 53
Öryggismál
Horft inn fjörðinn. Vel sést hve hátt neðri hluti Stóra bola gnæfir
yfir þeim íbúðarhúsum sem næst standa.
Horft til austurs úr dalnum sunnan Stóra bola. Skútudalur og
Hólshyrna handan.
byggingu sjálfra garðanna. Hönnun verksins var í
höndum Verkfræðistofunnar Hnits hf. og Verk-
fræðistofu Sigluijarðar, sem sá um snjótæknilega
hönnunarþáttinn. Verkfræðistofan Línuhönnun hf.
sá um eftirlit með framkvæmdum.
Verkið fólst í að hlaða tvo leiðigarða. Annar,
Stóri boli, er rúmir 700 m að lengd og hinn, Litli
boli, rúmir 200 m og er þeim ætlað að beina snjó-
flóðum úr Ytra-Strengsgili og Jörundarskál frá
syðsta hluta bæjarins. Lengri garðurinn er með
brattri hlið flóðmegin en flatari fláum hlémegin
sem snúa að bænum. Styttri garðurinn er með
bröttum fláum bæði flóð- og hlémegin. Um 410
þús. m3 af fyllingarefni, sem var annars vegar tekið
úr flóðfarvegi garðsins og hins vegar úr Nautskál-
arhólum, fór í lengri garðinn en um 70 þús. m3,
sem eingöngu voru teknir í Nautskálarhólum, fóru
í styttri garðinn.
Tjörn sunnan Stóra bola. Vakln er athygli á útsýnispalli uppi á
enda garðsins. Svæðið í kringum garðana er orðið mjög vinsælt
til útivlstar.
Lesendur velta sjálfsagt fyrir sér hvernig ofan-
greind nafngift á garðana er til komin. Þannig vill
til að á því svæði sem garðarnir standa á voru í
eina tíð manngerðir snjóstökkpallar fyrir skíða-
stökkvara en eins og flestir kannast við var skíða-
stökk mikið æft á Siglufirði á árum áður og komu
margir af bestu skíðastökkvurum landsins héðan.
Stökkpallar þessir stóðu undir svonefndri Nauta-
skál og voru ávallt kallaðir Stóri boli og Litli boli.
Stökkpallar þessir urðu að víkja þegar varnargarð-
arnir voru byggðir, enda óhætt þar sem langt er
síðan þeir voru notaðir til skíðastökks. Það þótti
hins vegar tilvalið að yfirfæra nöfn þeirra á hin
nýju mannvirki.
Framkvæmdir við byggingu garðanna hófust í
byrjun júní 1998 og var unnið allt til loka október
sama ár. Þá var kominn það mikill snjór á vinnu-
svæðið að ekki var unnt að halda framkvæmdum
Hátt gnæfir Stóri boli. Á enda hans er glæsilegur hlaðinn stein-
veggur á útsýnispalli.