Sveitarstjórnarmál - 01.08.2001, Blaðsíða 74

Brunavarnir
Hrólfur Jónsson slökkviliðsstjóri:
Farsæl sameining slökkviliðanna
á höfuðborgarsvæðinu
Nú þegar rúmt ár er liðið frá sameiningu slökkvi-
liðanna á höfúðborgarsvæðinu blandast víst fáum
hugur um að það var rétt ákvörðun hjá sveitar-
félögunum sjö að sameinast um rekstur öflugs
björgunarliðs undir merkjum Slökkviliðs höfuð-
borgarsvæðisins (SHS). Sameiningin tókst farsæl-
lega þótt vitaskuld hafi þurft að leysa úr ýmsum
vandamálum og erfiðum viðfangsefnum sem
tengdust starfsmanna- og skipulagsmálum. Sjö
sveitarfélög og ríkisvaldið áttu hlut að máli og taka
þurfti tillit til hagsmuna fjölda starfsmanna þeirra
liða sem fyrir voru. Loks þurfti að sannfæra hlut-
aðeigandi um að leggja niður stofnanir sem áttu sér
langa og farsæla sögu og sýndist sitt hverjum um
réttmæti þess.
Allt til 1. júní 2000 voru rekin þrjú slökkvilið á
höfuðborgarsvæðinu. Slökkvilið Reykjavíkur ann-
aðist slökkvistörf, eldvarnir og sjúkraflutninga
i Reykjavík, á Seltjarnarnesi, í Mosfellsbæ og
Kópavogi. Slökkvilið Hafnarijarðar sá íbúum
Hafnarfjarðar, Garðabæjar og Bessastaðahrepps
fyrir sömu þjónustu. Flugmálastjórn rak sérstakt
slökkvilið á Reykjavíkurflugvelli.
Talsverður aðdragandi
Sameining Slökkviliðs Reykjavíkur og Slökkvi-
liðs Hafnarfjarðar átti sér talsverðan aðdraganda.
Fyrstu formlegu viðræðurnar fóru fram árið 1994
Hrólfur Jónsson er
byggingatœlaiifrceóingitr að
mennt með rekstur sem
valsvið. Aukþess stundaði
hann nám í brunaverkfrœði
við háskólann í Lundi
1989-1990. Hann hóf störf
hjá Slökkviliði Reykjavíkur
1980, varráðinn vara-
slökkviliðsstjóri 1982 og
slökkviliðsstjóri 1990. Hann
tók við starfi slökk\>iliðsstjóra SIökk\’iliðs höfuð-
borgarsvœðisins við stofnun þess l.júní 2000.
en þær voru látnar niður falla ári síðar. Þráðurinn
var tekinn upp að nýju 1996 enda bentu allar at-
huganir til þess að sameining væri mun hagkvæm-
ari kostur en sá að reka slökkviliðin hvort í sínu
lagi. Engu að síður var málið enn sett til hliðar um
skeið. Verulegur skriður komst á málið þegar settur
var á stofn undirbúningshópur í árslok 1999. Hóp-
urinn vann hratt og vel að verkefni sínu og í apríl
2000 lá fyrir tillaga að samningi urn stofnun
byggðasamlags um rekstur Slökkviliðs höfuðborg-
arsvæðisins. Fulltrúar sveitarfélaganna sjö, Reykja-
víkur, Hafnarfjarðar, Kópavogs, Seltjarnarness,
Mosfellsbæjar, Garðabæjar og Bessastaðahrepps,
undirrituðu stofnsamninginn svo við hátiðlega
athöfn á Arnarneshæð 1. júní 2000. Jafnframt
gerði hið nýstofnaða Slökkvilið höfúðborgar-
svæðisins verksamning við flugmálayfirvöld um
rekstur slökkviliðs á Reykjavíkurflugvelli.
Með undirritun stofnsamningsins ákváðu sveitar-
félögin að sameina styrk sinn í öflugu, alhliða
björgunar- og slökkviliði og kostir þessa hafa
margoft komið í Ijós síðan. Útkallsstyrkur liðsins
er umtalsverður, tækjabúnaður er góður og liðið
hefur á að skipa vel þjálfuðum starfsmönnum sem
hafa metnað í starfi og eru ævinlega tilbúnir að
kynna sér nýjungar sem færa okkur enn nær þvi
ætlunarverki okkar að stuðla að betri lífsskilyrðum
fyrir íbúa höfuðborgarsvæðisins með sem bestri út-
kallsþjónustu og forvarnastarfi. Tilgangur liðsins
er að vinna að forvörnum og veita fyrstu viðbrögð
til þess að vernda líf og heilsu fólks, umhverfi og
eignir.
Margþætt hlutverk
SHS sinnir nú bruna- og eldvörnum á svæði þar
sem um 170 þúsund manns búa. Liðið annast jafn-
framt sjúkraflutninga á svæðinu, gegnir lykilhlut-
verki i viðbrögðum við umhverfisóhöppum og hef-
ur veigamiklu hlutverki að gegna í viðbúnaði
vegna almannavarna. Auk þess má nefna störf
vegna neyðarsímsvörunar, verðmætabjörgun, með-
al annars vegna vatnsleka, björgun vegna umferðar-