Sveitarstjórnarmál - 01.08.2001, Blaðsíða 77

Brunavarnir
Starfsmenn SHS voru kallaðir út nær 18 þúsund sinnum á síðasta ári vegna sjúkraflutninga. Þar af voru neyðarflutningar um þriðjungur.
stuðstæki og gefa raflost í neyðartilvikum.
Útköll vegna eldsvoða, verðmætabjörgunar og
fleira voru 1.232 á síðasta ári en starfsmenn liðsins
voru kallaðir út nær 18 þúsund sinnum vegna
sjúkraflutninga. Neyðarflutningar eru um 30 af
hundraði sjúkraflutninga liðsins.
Starfsmenn forvarnadeildar skoðuðu 1.605 eign-
arhluta í hefðbundnum eldvarnaskoðunum á
síðasta ári. Þeir skoðuðu einnig fjölda skemmti- og
veitingastaða á rekstrartíma og gerðu sérstakt eftir-
litsátak í stórverslunum í desember.
Eitt samstilit lið
Sameiningin hefur sett mark sitt á allt starf liðs-
ins. Mikið álag hefur verið á útkallsdeild, eldvarna-
eftirlitið hefur þurft að laga sig að breyttum að-
stæðum og á skömmum tíma hafa starfsumhverfi
og verkefni fjármála- og starfsmannadeildarinnar
breyst mikið. Starfsferlar hafa raskast, nýtt skipurit
hefur verið tekið í notkun og með því breyttust
störf margra. Enn er unnið að því að þjappa öllum
starfsmönnum saman, búa til eitt samstillt lið fólks
sem kemur úr mismunandi starfsumhverfi, með
ólíkan bakgrunn og ólíkar hefðir. Með samstilltu
átaki og einbeittum vilja stjórnar SHS, yfirmanna
og annarra starfsmanna hefur tekist að leysa úr
ýmsum byrjunarörðugleikum sem óhjákvæmilega
fylgja sameiningu af þessu tagi. Kostir sameining-
arinnar hafa hins vegar komið betur í ljós með
hverju verkefni. Nú er unnt að skipuleggja sem
eina heild mannafla og tækjabúnað sem áður lutu
þrískiptri yfirstjórn og það hefúr oftar en ekki
komið sér vel þegar mikið hefur legið við.
Þeim sem vilja kynna sér starf Slökkviliðs höf-
uðborgarsvæðisins betur en hér hefúr verið unnt að
skýra frá bendi ég á heimasíðu liðsins, www.shs.is.
Þar er meðal annars að finna ársskýrslu þar sem
itarlega er greint frá umfangi og starfsemi liðsins,
þjálfún starfsmanna, fjárhag á fyrsta starfsárinu og
fleiru. Á heimasiðunni birtast reglulega fréttir af
starfseminni. Ennfremur geta þeir sem þess óska
haft samband við skrifstofuna og pantað prentað
eintak af ársskýrslunni.