Sveitarstjórnarmál - 01.08.2001, Blaðsíða 84
Tæknimál
Lísa Björg Ingvarsdóttir markaðsstjóri, Form.is:
Bylting í þjónustu á Netinu:
Bæjarskrifstofan opin allan sólarhringinn!
Ný byltingarkennd þjónusta á Netinu gefur
sveitarfélögunum möguleika á að auka þjónustu
við bæjarbúa til muna. Fyrirtækið Form.is ehf.
býður sveitarfélögum, stofnunum og fyrirtækjum
að sjá um uppsetningu, rekstur og viðhald á
rafrænum eyðublöðum.
Kröfur nútímans
Likt og flestar stofnanir og fyrirtæki hér á landi
mæta sveitarfélögin sífellt auknum kröfúm um
meiri þjónustu á vefsvæðum sínum. Samkvæmt
nýjustu könnunum hafa tæplega 80% landsmanna
nú þegar aðgang að Netinu og er það nánast orðið
sjálfsögð krafa landsmanna að þeir geti afgreitt
sig sjálfir með ýmsa þjónustu á Netinu. Með þjón-
ustu Form.is geta sveitarfélög komið til móts við
þessar óskir og boðið sjálfsafgreiðslu á sínum vef-
svæðum, óháð stund og stað.
Hvernig er staðan hjá sveitarfélögunum
nú?
Flestöll sveitarfélög hafa nú þegar komið sér upp
vefsvæði þar sem hægt er að nálgast upplýsingar
sem tengjast sveitarfélaginu. Mörg sveitarfélög eru
dreifð og þurfa bæjarbúar oft að fara langan veg til
að sækja þjónustu á bæjarskrifstofuna. Því er mik-
ill kostur að geta boðið þjónustu á Netinu fyrir þá
sem ekki eiga heimangengt á afgreiðslutíma skrif-
stofúnnar.
Greinarhöfundur, Lísa
Björg Ingvarsdóttir, lauk
BSc-prófi í líffrœði firá
Háskóla íslands árið 1997.
Hún starfaði i markaðs-
deild Delta í þrjú ár en
hefur starfað hjá Form.is
frá árinu 2000 er fyrirtœhið
hóf formlega starfsemi sína.
Aður hafði hún starfað í
Prentsmiðju Suðurlands á Selfossi.
Sum sveitarfélög hafa umsóknareyðublöð af
ýmsum toga sem hægt er að prenta út og senda
í pósti. Sveitarfélögum berst einnig fjöldi fyrir-
spurna með tölvupósti sem meðhöndla þarf og
svara á hefðbundinn hátt. Það getur reynst erfitt
að hafa reiður á öllum erindum sem berast inn á
þennan hátt og einnig má velta fyrir sér áreiðan-
leika tölvupóstsendinga þar sem ekki er hægt að
sanna uppruna erindis og heilleika gagna.
Næsta skref - Hvað má bæta?
Næsta skref i þessari þróun er að gefa bæjarbú-
um kost á gagnvirkri þjónustu þar sem þeir geta
verið í öruggum rafrænum samskiptum við skrif-
stofu sveitarfélagsins. Þannig geta þeir sent um-
sóknir/erindi beint inn í kerfi sveitarfélagsins og
svör þaðan geta síðan borist til baka til umsækj-
anda, allt á rafrænan hátt með rafrænum undir-
skriftum.
Kostirnir
Kostirnir við slík samskipti eru margir fyrir bæði
bæjarbúa og sveitarfélagið:
- Sjálfsafgreiðsla óháð tíma og stað
- íbúar í dreifðri byggð eru alltaf með bæjarskrif-
stofuna við höndina á Netinu
- Minnkar álag á afgreiðslu bæjarskrifstofúnnar
- Tíma- og vinnusparnaður við innslátt og flokkun
gagna
Þjónusta Form.is við sveitarfélögin
Frá því í október 2000 hefur Form.is gefið kost
á nýrri þjónustu sem felur i sér miðlun erinda/um-
sókna milli umsækjenda og samstarfsaðila. Form.is
setur upp öll rafræn eyðublöð sveitarfélaganna
þannig að þau séu aðgengileg á vefsvæðum þeirra
og www.form.is. Ekki er nauðsynlegt fýrir sveitar-
félögin að fjárfesta í hugbúnaði til að koma þessari
þjónustu á, því eyðublöðunum er í raun miðlað frá
Form.is. Sveitarfélögin greiða ákveðið færslugjald
fyrir þær umsóknir sem berast um rniðlun Form.is.