Sveitarstjórnarmál - 01.08.2001, Blaðsíða 94

Umhverfismál

Flest hús í Sisimiut eru byggð á bjargi, enda lítill jarðvegur til
staðar. Hér er snyrtimennskan [ fyrirrúmi, en óneitanlega hafa
ofanáliggjandi lagnir töluverð áhrif á ásýnd bæjarins.
greina sameiginleg vandamál við gerð Staðardag-
skrár 21, t.d. annars vegar í Sisimiut og hins vegar
í Isaijarðarbæ, þar sem aðstæður eru um margt afar
ólíkar. Þannig er t.d. nær enginn jarðvegur til stað-
ar í Sisimiut, sem óhjákvæmilega hefur mikil áhrif
á útfærslur í úrgangsmálum og fráveitumálum. Af
þessum sökum eru aðstæður til sorpurðunar til að
mynda fremur frumstæðar. í október 2000 tók
sveitarfélagið hins vegar í notkun fullkomna sorp-
brennslustöð, sem leysir urðunarstaðinn af hólmi
Sleðahundur bíður vetrarins. Grunnskólinn í Sisimiut í baksýn.
og framleiðir auk heldur orku sem nýtt verður til
húshitunar í framtíðinni. Jarðvegsleysið hefur
einnig í för með sér mikla erfiðleika við að koma
fyrir lögnum fyrir vatn og frárennsli. Stofnlagnir
eru þó alla jafna neðanjarðar en lagnir að einstök-
um húsum eru yfirleitt ofanjarðar, sem vissulega
breytir ásýnd bæjarins.
Helsta vandamálið við gerð Staðardagskrár 21 í
Sisimiut er þó ekki skortur á jarðvegi, heldur öllu
fremur sú staðreynd að mjög erfiðlega gengur að
fá fólk til sérhæfðra starfa. Þrátt fyrir sterka fjár-
hagslega stöðu sveitarfélagsins er skrifstofa þess
mjög undirmönnuð og við slíkar aðstæður er hætt
við að langtímaáætlanir sitji á hakanum. Tungu-
málaörðugleikar innan stjómkerfisins geta einnig
skapað vandamál, þar sem hinir kjörnu fúlltrúar
eru allir eða nær allir innfæddir, en embættismenn
sveitarfélagsins hins vegar danskir. í sumum tilvik-
um þarf jafnvel að leita aðstoðar túlka til að koma
skilaboðum á milli.
Tilvísun:
1) Norræna ráðherranefndin. Nordisk handlingsplan for natur- og
kulturmiljobeskyttelse i Arktis - Grönland, Island og Svalbard.
Kaupmannahöfn, Nord 1999:25
Götumynd frá Sisimiut.