Sveitarstjórnarmál - 01.10.2001, Síða 20

Skipulagsmál
Aðalskipulag Laugardalshrepps
2000 til 2012
Aðalskipulag Laugardals-
hrepps 2000-2012 er fyrsta
heildarskipulagið sem staðfest er
fyrir sveitarfélagið. Helsti til-
gangur aðalskipulagsvinnunnar
var að samræma áætlanir um
uppbyggingu þéttbýlis, um land-
búnað, nytjaskógrækt, ferðaþjón-
ustu, sumarhús og verndun nátt-
úru- og menningarminja. Leiðar-
ljós við vinnu aðalskipulagsins
var að styrkja Laugarvatn sem
þéttbýlisstað og skapa þar ný að-
laðandi íbúðarsvæði og stuðla al-
mennt að fjölbreyttum búskapar-
háttum og eflingu byggðar í
Laugardalnum. í upphafi vinn-
unnar var send út spurninga-
könnun til allra landeigenda og
þeir spurðir út í uppbyggingar-
áform á sinni jörð. Þeir landeig-
endur sem höfðu áform um upp-
byggingu voru síðan heimsóttir
af skipulagsráðgjöfum. Með
þessari aðferð var tryggt að sjón-
armiða landeigenda yrði gætt.
I aðalskipulaginu er sýnd ný
lega Gjábakkavegar en endur-
bætur á Gjábakkavegi rnunu
tryggja enn frekar búsetuskilyrði
í Laugardalnum.
Aðalskipulagið gerir ráð fyrir
eflingu skólastarfs og ferðaþjón-
ustu á Laugarvatni. Gert er ráð
fyrir stækkun þéttbýlisins til
austurs og er þar svigrúm til að
byggja allt að 76 íbúðir. í lok
skipulagstímabilsins er gert ráð
fyrir að íbúar Laugarvatns verði
i kringum 190.
í því er gert ráð fyrir all-
mörgum nýjum sumarhúsa-
svæðum í sveitarfélaginu. Litið
er jákvæðum augum á uppbygg-
ingu sumarhúsa enda er þess
gætt að sumarhúsasvæðin gangi
ekki á náttúru- og menningar-
minjar.
í aðalskipulaginu er lögð
áhersla á hverfisverndun svæða
með verndargildi. Svæði sem eru
hverfisvernduð lúta reglum og
yfirstjórn sveitarstjórnar en eru
ekki friðlýst samkvæmt náttúru-
verndarlögum.
Hér að neðan eru nefnd helstu
verndarsvæði sem aðalskipulag
Laugardalshrepps gerir ráð fyrir:
• Verndun Laugarvatns, Blöndu-
tjarna og fleiri tjarna ásamt
nærliggjandi votlendi, m.a. til
að koma til móts við náttúru-
verndarlögin, hugmynda-
fræðina með Staðardagskrá 21
og tilmæli ríkisstjórnar um
endurheimtun votlendis á ís-
landi.
• Birkiskógurinn í hlíðum Laug-
ardalsQalla er hverfisvernd-
aður og settar eru ákveðnar
reglur um trjárækt og sumar-
húsabyggingar á því svæði.
Akvæði um verndun birki-
skógarins sem sett eru fram i
aðalskipulagi Laugardals-
hrepps eru þau fyrstu sinnar
tegundar hér á landi.
• Lagt er til að Kóngsvegurinn
verði verndaður og viðhaldið
þar sem hann er heillegur.
Verndun hans er unnin í sam-
ráði við Biskupstungnahrepp.
Skólasetriö Laugarvatn. Lengst til vinstri
íþróttahúsið, því næst hús Héraðsskól-
ans að Laugarvatni, þá hús Menntaskól-
ans að Laugarvatni og loks heimavistar-
hús Menntaskólans. Ljósm. Mats Wibe
Lund.
• Sett eru ákvæði um verndun
Laugarvatnshella sem eru
hvort tveggja í senn merkar
menningarminjar og náttúru-
minjar.
• Gert er ráð fyrir víðáttumiklu
vatnsverndarsvæði á Brúarár-
svæðinu sem teygir sig alla
leið að Langjökli. Tilgangurinn
með skilgreiningu þessa
verndarsvæðis er að tryggja til
framtíðar verndun hinna miklu
vatnsauðlinda sem eru á svæð-
inu. Vatnsvernd á Brúarár-
svæðinu er unnin í samvinnu
við Biskupstungnahrepp.
Vinnan við aðalskipulagið
hófst árið 1998 og var unnin af
Milli fjalls ogfjöru - skipulags-
ráðgjöfúm fyrir sveitarstjórn
Laugardalshrepps. Ráðgjafahóp-
inn skipuðu Pétur H. Jónsson,
skipulagsfræðingur og arkitekt,
Oddur Hermannsson landslags-
arkitekt og Haraldur Sigurðsson,
skipulagsfræðingur og sagnfræð-
ingur.