Sveitarstjórnarmál - 01.10.2001, Blaðsíða 53

Menningarmál
371
Mikill fjöldi barrviða er í Grasagarðinum, til dæmis blágreni og
kákasusgreni.
Lifandi safn undir berum himni
Líkt og í öðrum grasagörðum víða um heirn er í
Grasagarðinum að finna sýnishorn af innlendum
gróðri. Þar vaxa um 380 tegundir af þeim u.þ.b.
485 háplöntum sem teljast til íslensku flórunnar.
Þetta er elsta safn garðsins og heitir Flóra Islands.
Aðrar plöntutegundir í Grasagarðinum eru af er-
lendum uppruna. Sérstök áhersla hefur verið lögð á
fjallaplöntur. í steinhæð sem blasir við aðalinn-
ganginum hefur verið komið fyrir villtum plöntum
frá fjallasvæðum í ýmsum heimsálfum, til dæmis
úr Alpafjöllum Evrópu, Himalajafjöllum í Asíu,
Sierra Nevada-fjöllum í Kaliforníu og í Japan.
Japanskvistur „Little Princess" er sérstakt ræktað yrki sem er
lágvaxnara og blómríkara en tegundin sjálf. Greinarhöfundur tók
Ijósmyndirnar sem greininni fylgja.
Þarna vaxa tæplega 500 tegundir, aðallega jurtir,
og á hvaða tíma sumarsins sem er má sjá ein-
hverjar þeirra í blóma.
Nytjajurtagarður var opnaður sumarið 2000 og er
hann yngsta safn Grasagarðsins. Honum er ætlað að
gefa sýnishorn af því sem hægt er að rækta hér á
landi af matjurtum, Iækningajurtum og fóðurjurtum.
Grasagarðurinn hefur tekið að sér að varðveita
íslenskt klónasafn af rabarbara fyrir Norræna gena-
bankann sem hefur alþjóðlegar skuldbindingar um
varðveislu á erfðaefni nytjaplantna fyrir hönd
Norðurlandanna. Nytjajurtagarðurinn hentar vel til
kennslu og fræðslu um plöntunytjar og ræktun
hinna ýmsu tegunda matjurta og kryddjurta. A
haustin er haldin þar uppskeruhátíð, matjurtir
teknar upp og gestum boðið að bragða á uppskeru
sumarsins.
Trjásafnið er frá árinu 1989 og nær það yfir
stóran hluta Grasagarðsins. Verið er að prófa fjölda
trjátegunda og runna en viðamest er safnið með
reyni en í því eru um 70 af þeim 100 tegundum
sem finnast í heiminum. Önnur söfn Grasagarðsins
eru fjölærar jurtir, garðskálaplöntur, lyngrósir, rósir
og skógarbotnsplöntur.
Vor- og sumardagskrá
í tilefni afmælisársins var skipulögð vor- og
sumardagskrá fyrir almenning. Leiðsögn var um
hin ýmsu söfn Grasagarðsins, til dæmis var fjallað
um vorblómstrandi plöntur og garðskálaplöntur,
plöntur sem notaðar eru til lækninga, reynitegundir
og þekjuplöntur. Einnig var lögð áhersla á að nota
hið friðsæla og fallega umhverfi Grasagarðsins til
annarra hluta sem ekki tengist beint söfnum garðs-
ins. Þetta var viðleitni til þess að auka notkunar-
möguleika Grasagarðsins. Dæmi um slíka viðburði
var fuglaskoðun, plöntuljósmyndanámskeið og tón-
leikahald innan um suðrænan gróður garðskálans.
Reynslan af skipulagðri dagskrá sl. sumar var afar
góð og stefnt er að því að bjóða árlega upp á slíkt
fyrir almenning.
Grasagarðurinn er opinn allt árið og aðgangur er
ókeypis. Hægt er að ganga um Grasagarðinn á
öllum tímum árs og njóta tilbrigða náttúrunnar á
hvaða árstíma sem er. Garðskálinn ásamt lystihús-
inu er opinn daglega á sumrin (apríl-september)
frá kl. 10 til 22 en á veturna (október-mars) frá kl.
10 til 17. Kaffihús er rekið í garðskálanum á
sumrin en á öðrum tíma er fólki frjálst að snæða
þar nesti og njóta gróðursins.