Sveitarstjórnarmál - 01.10.2001, Side 56

374
Húsnæ&ismál
Halldór Halldórsson, bœjarstjóri Isajjarðarbœjar:
Félagslega húsnæðiskerfið
- leiðir til úrbóta
Hinn 7. desember 2000 skipaði félagsmálaráð-
herra nefnd til að vinna að úrbótum í húsnæðis-
málum. Hlutverk nefndarinnar er margþætt en því
er lýst svo í skipunarbréfi hennar:
• Að útfæra tillögur nefndar unr leigumarkað og
leiguhúsnæði er varðar breytingar á aðstoð hins
opinbera vegna félagslegra leiguíbúða.
• Að gera tillögur um breytt hlutverk og fjármögn-
un Varasjóðs viðbótarlána.
• Að hrinda í framkvæmd tillögum sem unnar hafa
verið á vegurn félagsmálaráðuneytisins urn lausn
á vanda sveitarfélaga vegna innlausnaríbúða sem
ekki er mögulegt að selja.
• Að kanna nauðsyn þess að endurskoða ákvæði
laga um kaupskyldu og forkaupsrétt.
• Að fjalla um samstarf Varasjóðs viðbótarlána og
Ibúðalánasjóðs og leysa úr ágreiningi sem upp
kann að koma vegna framkvæmdar laga og
reglugerða urn varasjóðinn, sbr. ákvæði X. kafla
laga um húsnæðismál.
• Að fylgjast með framkvæmd laga um húsnæðis-
mál og gera tillögur um breytingar ef þurfa
þykir.
Greinarhöfundur, Halldór
Halldórsson, frá Ögri við ísa-
JJarðardjúp, erfœddur 25. júlí
1964. Hann varð bœjarfulltrúi
í Grindavik 1994, sat í bæjar-
ráði og var varaforseti bœjar-
stjórnar og starfaði á vett-
vangi Sambands sveitarfélaga
á Suðurnesjum. Hann var
jramkvœmdastjóri Fjórðungs-
sambands Vestfirðinga frá 1. október 1996 til ll.júni
1998 er hann var ráðinn bœjarstjóri lsafjarðarbœjar.
Skipan nefndarinnar og fundir
I nefndinni eru Ingi Valur Jóhannsson, deildar-
stjóri í félagsmálaráðuneytinu, sem er formaður,
Guðmundur Bjarnason, forstjóri íbúðalánsjóðs,
Hallgrímur Guðmundsson, stjórnsýslufræðingur í
íjármálaráðuneytinu, Hermann Sæmundsson,
deildarstjóri í félagsmálaráðuneytinu, Gunnlaugur
A. Júlíusson, sviðsstjóri hagdeildar sambandsins,
Halldór Halldórsson, bæjarstjóri ísaQarðarbæjar,
og Helgi Hjörvar, forseti borgarstjórnar, Reykjavík-
urborg.
Nefndin heflir haldið 17 fúndi. Þann fyrsta 15.
desember 2000 og síðast var haldinn fundur 14.
desember 2001. Mikil vinna er að baki, samstarf
gott og línur verulega farnar að skýrast i veiga-
mestu málunum. Stærsta hlutverkið hefur verið að
hrinda í framkvæmd tillögum sem unnar hafa verið
á vegum félagsmálaráðuneytisins um lausn á vanda
sveitarfélaga vegna innlausnaríbúða sem ekki er
mögulegt að selja. Misjafnt var hversu vel
upplýsingar bárust. Frá sumum sveitarfélögum
barst ekkert efni. Nefndin hefur engu að síður ver-
ið þokkalega sett með upplýsingar til að vinna úr
enda úr miklu að moða hjá íbúðalánasjóði.
Félagslegt leiguhúsnæði
Fjallað var um leigumarkað og leiguhúsnæði í
nefndinni en ákvörðun hefur verið tekin af hálfu
félagsmála- og fjármálaráðherra að veita lán til allt
að 400 leiguíbúða á ári á 3,5% breytilegum vöxt-
um. Einnig að veita lán til allt að 150 leiguíbúða á
ári í fjögur ár á 4,5% vöxtum til að auka framboð
leiguhúsnæðis. Er það sérstakt átak. Þar að auki
hefur verið kynnt sú ákvörðun að skattleggja ekki
húsaleigubætur. Þessi ákvörðun ríkisvaldsins hefur
í för með sér að nefndin getur sett málið til hliðar í
bili en mun fjalla frekar um málið þegar lokið hef-
ur verið við tillögur og framkvæmdaáætlun vegna
innlausnaríbúða.