Sveitarstjórnarmál - 01.10.2001, Qupperneq 64

Húsnæfeismál
Daníel Hafsteinsson framkvœmdastjóri:
Húsnæðisfélagið Búmenn
Húsnæðisfélagið Búmenn er öllum opið en ein-
ungis þeir sem náð hafa 50 ára aldri geta sótt um
íbúðir hjá félaginu. Félagar greiða kr. 2000 ári og
fá þá félagsnúmer. Félagsmenn verða að bera sig
eftir því að sækja um íbúðir. Búmenn auglýsa
íbúðir í Fasteignablaði Morgunblaðsins sem kemur
út á þriðjudögum. Búmenn vekja einnig athygli á
lausum íbúðum í fréttabréfi sínu. Þegar Búmenn
auglýsa íbúðir þurfa áhugasamir félagsmenn að
hafa samband við skrifstofuna og óska eftir því að
fá send umsóknargögn. í umsóknargögnunum eru
allar nauðsynlegar upplýsingar um þær ibúðir sem
auglýstar eru, s.s. verð búseturéttar og mánaðar-
gjöld, ásamt teikningum o.fl. Þegar umsóknarfrest-
ur er liðinn vinna starfsmenn úr innkomnum um-
sóknum og raða þeim sem sótt hafa um íbúðir upp
í félagsnúmeraröð. Húsnæðisfélagið Búmenn er
skráð sem eigandi íbúðanna en íbúarnir geta notið
vaxtabóta eins og þeir væru skráðir eigendur. íbúð-
ir Búmanna eru þannig innréttaðar að miðað er við
að íbúar geti búið áfram í þeim þó að þeir verði
tímabundið að nota hjálpartæki, s.s. hjólastól.
Búmenn leggja mikið upp úr því að gott samstarf
náist við sveitarstjórnir áður en félagið hefur bygg-
ingarframkvæmdir á hverjum stað.
1. Draumastaða Búmanna er að fá að koma að
skipulagi byggingarreits.
2. Einnig þurfa Búmenn að koma að teikningu
íbúða.
3. Búmenn sækja um lánsheimildir hjá íbúðalána-
sjóði.
4. Gerður er samningur við byggingaverktaka.
5. Búmenn auglýsa íbúðir í samræmi við teikning-
ar og verð íbúða.
6. Ef viðbrögð verða góð meðal félagsmanna er
gerður samningur við þá um kaup búseturéttar
og þá fyrst geta framkvæmdir hafist.
Níutíu íbúðir í sex sveitarfélögum
Um þessar mundir hafa Búmenn afhent samtals
90 íbúðir i sex sveitarfélögum, en um áramótin
2000-2001 höfðu sjö íbúðir verið teknar í notkun.
Aldurssamsetning Búmanna i þessum 90 íbúðum
er þannig að um 48% er 67 ára og eldri og um
75% eru 60 ára og eldri. Félagsnúmer Búmanna
eru komin yfir 2400. A árinu 2002 er gert ráð fyrir
að Búmenn taki 108 íbúðir í notkun.
íbúóir afhentar á Höfn í Hornafirði
Hinn 17. ágúst sl. í frábæru veðri afhenti Guðrún
Jónsdóttir, formaður Búmanna, fimm íbúðir við
Víkurbraut 30 á Höfn. Byggð var ný álma við
íbúðir aldraðra á Höfn með samtals 9 ibúðum i
samstarfi við Ekrusamtökin á staðnum. Búmenn
önnuðust umsýslu og eftirlit verksins ásamt Guð-
Greinarhöfundur, Daníel Haf-
steinsson, framkvœmdastjóri
Búmanna, erfœddur 1956.
Hann er vélstjóri frá Vélskóla
Islands 1977 og rekstrartœkni-
frœðingurfrá Odense Teknik-
um 1985. Hann starfaði hjá
Sambandi islenskra tiygginga-
félaga frá 1992-2000 og var
framkvæmdastjóri Iðnþróun-
arfélags Kópavogs frá 1990-1992. Hann hafði áður
starfað í Danmörku í nokkur ár. Hann varð fármála-
stjóri Búmanna í nóvember 2000 ogframkvœmda-
stjóri i ágúst 2001.
Fyrir framan nýju álmuna á Höfn. Á myndinni eru, talið frá
vinstri, stjórnarmenn í Búmönnum, þau Úlfur Sigurmundsson,
Guðrún Jónsdóttir formaður og Sigurður Steindór Pálsson, svo
og Albert Eymundsson, bæjarstjóri á Höfn.