Sveitarstjórnarmál - 01.10.2001, Síða 67

Húsnæðismál
385
Gert er ráð fyrir að íbúðir í öðrum og þriðja
áfanga verði auglýstar fljótlega á árinu 2002 og að
þær verði afhentar á árinu 2003. Á lóðinni verður
einnig byggt sérstakt sameiginlegt hús til afnota
fyrir Búmenn við Prestastíg. í þessu húsi verður
100 fm hæð með eldhúsi og wc ásamt sal. í kjall-
ara verður 50 fm aðstaða fyrir t.d. húsvörð og tæki
og tól sem tengjast lóð Búmanna.
Afhending íbúöa í Bessastaöalireppi
Um þessar mundir er verið að afhenda síðustu
raðhúsaíbúðirnar við Suðurtún 1-35 í Bessastaða-
hreppi. Byggðar voru samtals 18 íbúðir með bíl-
skúr. Tíu íbúðir eru 120 fm og átta eru 90 fm. Bíl-
skúr fylgir öllum íbúðunum.
Byggingaráform Búmanna
Grindavik
Hafin er bygging 10 íbúða í fimm parhúsum í
Grindavík. í fyrsta áfanga verða byggðar sex íbúðir
við Skipastíg 2-12 til afhendingar á árinu 2002. Af
þessum sex ibúðum verða ljórar 3ja herb. og tvær
2ja herb. í seinni áfanga verða byggðar ijórar íbúð-
ir við Árnastíg 1-7 til afhendingar á árinu 2003. I
þessum áfanga er gert ráð fyrir því að byggðar
verði 3ja og 4ra herb. íbúðir.
Hveragerói
Gert er ráð fyrir að fljótlega á árinu 2002 verði
auglýstar íbúðir í Hveragerði og í framhaldi af því
verði hafin bygging átta parhúsaíbúða til afhend-
ingar á árinu 2002. Búmenn hafa fengið úthlutað
reit sem félagið hefur fengið að skipuleggja þar
sem gert er ráð fyrir samtals 16 íbúðum. Gert er
ráð fyrir að íbúðirnar verði um 70 fm að stærð.
Kirkjubœjarklaustur
Búist er við því að hafin verði bygging tveggja
íbúða af sex íbúðum í þremur parhúsum á Kirkju-
bæjarklaustri eftir áramótin 2001-2002.
Egilsstaðir
Viðræður fara nú fram um byggingu tveggja
íbúða í parhúsi á Egilsstöðum.
Grœnlandsleið í Grafarholti
Gert er ráð fyrir því að hafin verði bygging 16
íbúða í átta tvíbýlishúsum við Grænlandsleið í
Grafarholti í Reykjavík vorið 2002 ásamt bíla-
geymslu með 16 bílastæðum. íbúðirnar verða um
90 fm.
Fyrir hvað standa Búmenn?
1. Valkost í húsnæðismálum þeirra sem eru 50 ára
og eldri. Búseturéttarform sameinar kosti eign-
ar- og leiguíbúða. Fólk kaupir sér 10% eða 30%
búseturétt í íbúð og öðlast rétt til að vera í íbúð-
inni án þess að eiga á hættu að verða sagt upp.
2. Það rólega umhverfi sem hópur 50 ára og eldri
skapar.
3. Landsfélag þannig að félagsmenn geta farið á
einfaldan hátt á milli landshluta.
4. Hentugt skipulag, í nálægð við þjónustu.
5. Vandaðar ibúðir á sanngjörnu verði.
6. íbúðir fyrir þá sem eru að minnka við sig, þ.e.
af hentugum stærðum og litlum lóðum.
7. íbúðir með aðgengi fyrir alla/miðað er við að
íbúar geti búið i íbúðunum eins lengi og
kostur er.
8. Minni fjárbindingu, þ.e. 10-30% eiginfjár-
mögnun.
9. Þjónustu við íbúana, þ.e. félagið heldur utan um
rekstur íbúðanna. Félagið sendir íbúunum mán-
aðarlega greiðsluseðil vegna þeirra gjalda sem
falla mánaðarlega á íbúðina. Allt er innifalið í
þessu mánaðarlega gjaldi nema rafmagnsnotkun
íbúðarinnar sjálfrar skv. mæli. Eftirfarandi gjöld
eru m.a. innifalin:
• afborganir lána
• fasteignagjöld
• tryggingar
• viðhaldssjóður
• hússjóður (hiti á ibúð og rafmagn og hiti á
sameign)
• þjónustugjald til Búmanna.
Stjórn Búmanna
í stjórn Búmanna eiga sæti Guðrún Jónsdóttir,
arkitekt og varaborgarfulltrúi, formaður, Steinunn
Finnbogadóttir, fyrrv. borgarfulltrúi, varaformaður,
Sigurveig Sigurðardóttir, hjúkrunarfræðingur,
Steinar Júlíusson feldskeri og Sigurður Steindór
Pálsson, sem er gjaldkeri stjórnar félagsins.
í varastjórn eiga sæti Pétur Jónsson varaborgar-
fulltrúi, Úlfur Sigurmundsson hagfræðingur og
Guðmundur G. Þórarinsson, verkfræðingur og
fyrrv. alþingismaður.