Sveitarstjórnarmál - 01.10.2001, Side 71

Hafnamál
32. ársfundur
Hafnasambands sveitarfélaga
- haldinn í Fjarðabyggð 5. og 6. október
Hafnasamband sveitarfélaga (HS) hélt 32. árs-
fund sinn í Fjarðabyggð dagana 5.-6. október sl.
Fundinn sátu liðlega 120 fulltrúar frá 42 höfnum
víðs vegar af landinu. Meginviðfangsefni fundarins
var að fjalla um samkeppnisstöðu sjóflutninga
gagnvart landflutningum, frumvarp til nýrra hafna-
laga sem unnið er að í samgönguráðuneytinu, sam-
ræmda samgönguáætlun og fjárhag hafna.
í setningarræðu Árna Þórs Sigurðssonar, for-
manns HS, kom fram að hann telur mikilvægt að
hafnirnar búi við jöfn samkeppnisskilyrði gagnvart
vegakerfinu en athuganir bendi til að svo sé ekki
nú. Þá lagði hann áherslu á að sambandið væri
reiðubúið til að vinna að aukinni hagræðingu í
rekstri hafna með skilgreiningu á þjónustusvæðum
en benti á að skoða þyrfti í samhengi rekstrarum-
hverfi hafnanna, samkeppnisstöðu þeirra, hina
samræmdu samgönguáætlun og hlutverk hvers
samgöngumáta um sig í flutninga- og samgöngu-
kerfi landsmanna.
Sturla Böðvarsson samgönguráðherra ávarpaði
fúndinn og gat þess m.a. í ræðu sinni að sam-
keppnissjónarmið krefðust þess að samræmd gjald-
skrá hafna yrði afnumin og kvað tíma hennar lið-
inn.
Einnig fluttu ávörp Guðmundur Bjamason, bæj-
arstjóri Fjarðabyggðar, og gerði grein fyrir ætl-
uðum áhrifum álvers á rekstur hafnarsjóðs sveitar-
félagsins og Wollert Krohn-Hansen, formaður
norska hafnasambandsins, sem flutti fúndinum
kveðjur þess.
Framsöguerindi
Umhverfisstefna hafna
Már Sveinbjörnsson, framkvæmdastjóri Hafnar-
ijarðarhafnar, og Jón A. Ingólfsson, forstöðumaður
hafnarþjónustu Reykjavíkurhafnar, og fulltrúar í
umhverfisnefnd HS, ræddu umhverfisstefnu hafna
og mikilvægi þess að þær sýni gott fordæmi. Már
fjallaði um „óreiðuskip“ í höfnum og kvað könnun
hafa leitt í ljós að þau væru 158 að tölu í höfnum
landsins. Hann kvað mikla hættu á mengun frá
þessum skipum og að þau verði skjól heimilis-
lausra. Jón kvað nauðsynlegt að gera áætlun um
móttöku úrgangs frá skipum á hafnarsvæðum.
Nefnd voru dæmi um lausnir í sorpmálum hafna.
Samræmd samgönguáætlun
Hermann Guðjónsson, forstjóri Siglingastofn-
unar, gerði grein fyrir vinnu við samræmda sam-
gönguáætlun og hafnaáætlun sem nú er í vinnslu
og á að vera til tólf ára, 2003-2014, og er skipt í
þrjú fjögurra ára tímabil. Áætlunin nær yfir vega-
mál, hafnamál og loftsamgöngur og markmið
hennar er m.a. að vera hvatning til samnýtingar og
samspils þessara þátta og að auka hagkvæmni og
öryggi i samgöngumálum. Jafnframt gerði hann
grein fyrir nýrri hafnaáætlun sem samþykkt var á
Alþingi síðastliðið vor og nær til íjögurra ára,
2001-2004.
Frá ársfundinum sem haldinn var í Egilsbúð í Neskaupstað.
Sturla Böðvarsson samgönguráðherra og Guðmundur Bjarna-
son, bæjarstjóri Fjarðabyggðar. Ljósm. Kristín Ágústsdóttir.