Sveitarstjórnarmál - 01.10.2001, Blaðsíða 74
392
Hafnamál
Slíkar skyldur verði ekki lagðar á hafnarsjóðina
nema á móti komi skýr ákvæði um tekjur hafnanna
til þess að þær geti staðið undir þeim kröfum sem
til þeirra eru gerðar. Bent er á að hafnirnar eiga í
samkeppni við aðra samgöngumáta þar sem vegir
og flugvellir eru að fullu ijármagnaðir úr ríkissjóði.
Jafnframt bendir fundurinn á að höfn hvers sam-
félags er hjarta þess og lífæð. Því er mikilvægt að
rekstrargrundvöllur hafna sé tryggður og þar með
grundvöllur hvers samfélags.
Telur fundurinn að skilgreina þurfi betur hvernig
greiðsluþátttaka ríkisins, hvort sem um er að ræða
í hafnaáætlun eða í gegnum hafnarbótasjóð, verður
í einstökum tegundum hafnarframkvæmda, en ljóst
er að litlar og meðalstórar hafnir geta ekki einar og
sér staðið undir kostnaði við slíkar framkvæmdir,
nema til komi verulega auknar tekjur hafnarsjóð-
anna.
Talið er ljóst að vandasamt verk sé að hverfa frá
samræmdri gjaldskrá hafna, þar sem aðstæður eru
mjög mismunandi bæði með tilliti til stærðar og
staðsetningar hafnanna. Ýmsar markaðsaðstæður,
s.s. skipulag strand- og landflutninga, val á löndun-
arstöðvum, samkeppni við erlendar hafnir o.fl.
hefúr einnig áhrif. Álit margra rekstraraðila hafna er
að fijálsræði í gjaldskrá geti leitt til lækkunar tekna.
Hafnasambandið telur að þar sem afkoma hafna
hefur farið versnandi ár eftir ár sé mikilvægt að
hafnirnar fái hækkun á gjaldskrám sinum til að
mæta kostnaðarauka líkt og aðrir aðilar i samfélag-
inu fá. Var því samþykkt að leggja til við sam-
gönguráðherra að gjaldskrá hafna hækki um 8% og
að aflagjöld hækki úr 1,03% í 1,1% af aflaverð-
mæti.
Þá var samþykkt að leggja til að allar undan-
þágur í gjaldskrám hafna séu felldar niður.
Starfshættir og skipulag hafnasambandsins
Að tillögu allsherjarnefndar fúndarins var sam-
þykkt að stjórn HS skipi starfsnefnd sem fjalli um
starfshætti og skipulag sambandsins og leggi fram
frumtillögur í janúarmánuði 2002.