Sveitarstjórnarmál - 01.09.2003, Blaðsíða 22

Fjarðabyggð
arfjarðar 15. nóvember 1997 og fylgdust
Hydromenn spenntir með kosningunum.
Fyrsti maðurinn sem hringdi í mig morg-
uninn eftir kosningar var einn af helstu
samningamönnum Hydro og taldi hann
að hin jákvæða niðurstaða kosninganna
væri ein meginforsenda þess að álver risi í
Reyðarfirði. Álfyrirtækin vilja byggja upp
fyrirtæki í sveitarfélagi sem hefur í grunn-
gerð sinni alla þá grundvallarþjónustu sem
gerð er krafa um og helst vilja þeir setja
sig niður þar sem önnur at-
vinnustarfsemi er öflug. Þau
vilja líka geta treyst því að
sveitarfélagið hafi burði til að
sinna þeim verkefnum sem
nauðsynlegt er að leysa. Fyrir
Norðmennina var það fullkom-
lega eðlilegt að koma inn í
sveitarfélag með fleiri en ein-
um þéttbýliskjarna og þeir áttu auðvelt
með að sjá Fjarðabyggð sem sterkari heild
en þau sveitarfélög sem fyrir voru. Sama
gildir um Alcoamenn. Menn verða því að
hafa það í huga að myndun Fjarðabyggðar
er ein meginforsenda þeirra jákvæðu
breytinga sem nú eru að eiga sér stað á
Austurlandi."
Urðu vægast sagt hissa
Smári segir að þegar Alcoamenn hafi
komið að málum fyrir austan hafi þeir ver-
ið búnir að setja sig nokkuð inn í aðstæð-
ur hér á landi og þá einkum aðstæður
Norðuráls í Hvalfirði. „Sannleikurinn er sá
að þeir urðu ekki sérstaklega hrifnir af
þeim aðstæðum sem ríktu í Hvalfirði hvað
varðar fyrirtækið og sveitarfélögin. Þeir
sáu til dæmis að ákvarðanataka varðandi
höfnina væri þunglamaleg en höfnin þar
er í eigu nokkurra sveitarfélaga. Eins urðu
þeir vægast sagt hissa þegar þeir voru
upplýstir um að álverið í Hvalfirði stæði í
tveimur sveitarfélögum. Þegar þeir áttuðu
sig hins vegar á aðstæðum fyrir austan og
að þar þyrftu þeir fyrst og fremst að hafa
samskipti við eitt tiltölulega sterkt íslenskt
sveitarfélag lýstu þeir yfir ánægju sinni."
Lýsir vanþekkingu
Smári ræddi nokkuð um þá andstöðu sem
myndaðist gegn virkjunar- og álversfram-
kvæmdum eystra. Hann segir flesta Aust-
firðinga þreytta á þeim fullyrðingum að
þeir hafi ekkert gert undanfarna áratugi
nema beðið eftir virkjun og álveri. „Þetta
eru fráleitar skoðanir og lýsa fyrst og
fremst vanþekkingu og áhugaleysi á því
að setja sig inn í austfirskar aðstæður. í
þessari umræðu hefur verið talað niður til
Austfirðinga og það jafnvel af fólki sem
sjálfsagt er að gera kröfu um að horfi á
mál frá fleiri en einum sjónarhóli. Stað-
reyndin er sú að þróunin í frumvinnslu-
greinunum hefur fækkað störfum mjög í
landshlutanum og á vissan hátt veikt sam-
félagið. Margt hefur verið gert til að hamla
gegn fólksfækkun en við þurftum stórverk-
efni til að breyta hugarfari og skapa trú
íbúanna á farsæla framtíð. Hugarfar ræður
nefnilega miklu um samfélagsþróun."
Margt að gerast
„Á undanförnum árum hefur margt gerst í
austfirsku samfélagi sem hefur verið afar
jákvætt. Sjávarútvegurinn hefur þróast og
til staðar eru mjög sterk og tæknivædd
sjávarútvegsfyrirtæki en tæknivæðingin
hefur þann fylgifisk að störfum
fækkar gjarnan. Ferðaþjónusta
hefur efist mjög og samstarf
ferðaþjónustuaðila hefur verið
í mótun. Ný og glæsileg Nor-
ræna er dæmi um stórátak á
sviði ferðaþjónustu og eins
beint flug milli Egilsstaða og
Þýskalands. Þá ber að nefna fiskeldið en
þar eru á ferðinni stórbrotnar áætlanir sem
vonandi hafa mjög jákvæð áhrif á aust-
firskt samfélag. Og ekki hafa menn gleymt
menningarmálunum því þar hafa verið að
gerast eftirtektarverðir hlutir hér eystra. Á

Sjávarútvegur hefur veriö undirstöðuatvirmuvegur í Fjarðabyggð og mun áfram setja mikinn svip á at-
vinnulífið þar. Tfðindamaður gekk fram á þennan fiskibát ! slipp í Neskaupstað.
„Menn verða að hafa það í huga að myndun
Fjarðabyggðar er ein meginforsenda þeirra já-
kvæðu breytinga sem nú eru að eiga sér stað á
Austurlandi."
22