Sveitarstjórnarmál - 01.09.2003, Blaðsíða 34

Kárahnjúkavirkjun og Austurland
Erfitt að áætla fjölgun íbúa
Gert er ráð fyrir einhverri fjölgun íbúa í Fljótsdalshreppi vegna Kárahnjúkavirkjunar en sveitar-
félagið fer ekki að hafa ákveðnar tekjur af henni fyrr en stöðvarhúsið verður fullgert.
Stöðvarhús Kárahnjúkavirkjunar verður í
VaIþjófsstaðafja11i í Fljótsdalshreppi
þannig að sveitarfélagið tengist fram-
kvæmdum við virkjunina með ýmsu móti.
En hvaða áhrif koma þessar framkvæmdir
til með að hafa á íbúaþróun, tekjumögu-
leika, þjónustuþarfir og rekstur sveitarfé-
lagsins til frambúðar?
Fasteignatekjur 2007 til 2008
Gunnþórunn Ingólfsdóttir oddviti segir að
gert sé ráð fyrir að tekjur sveitarfélagsins
muni aukast eitthvað vegna hækkunar á
tekjum íbúa, sem sækja muni vinnu við
framkvæmdir Kárahnjúkavirkjunar. Tekju-
jöfnunarframlag úr Jöfnunarsjóði muni þó
lækka á móti sem nemi þeirri hækkun og
því verði ekki um raunverulega hækkun
tekna að ræða af þeim sökum. Tekjuaukn-
ing sveitarfélagsins muni í fyrstu einkum
byggjast á fjölgun íbúa, ef hún verði því
engar aðrar tekjur af virkjanaframkvæmd-
um utan áðurnefndra tekna og einhverra
þjónustugjalda komi til sveitarfélagsins á
framkvæmdatímanum. Hún segir að út-
gjöld sveitarfélagsins vegna þjónustu við
íbúa muni aukast. Tekjurnar muni aftur á
móti ekki aukast verulega fyrr en fast-
eignaskattsskyld mannvirki virkjunarinnar
verða tilbúin. Orkufyrirtæki njóti reyndar
víðtækrar undanþágu fasteignagjalda en
þau greiðist þó af stöðvarhúsi virkjunar-
innar og öðrum varanlegum húsum. Gert
sé ráð fyrir að afhending orku hefjist í apr-
íl 2007 og því megi gera ráð fyrir tekjum
2008 vegna þess að þá greiðast af stöðv-
arhúsinu fasteignagjöld eins og af öðrum
fasteignaskattsskyldum mannvirkjum í
hlutfalli við stærð þeirra og verðgildi.
Erfitt að áætla fjölgun
Áætlað er að íbúum Fljótsdalshrepps muni
fjölga í tengslum við framkvæmdirnar, að
minnsta kosti tímabundið. Erlendir verka-
menn, sem koma til starfa við virkjunar-
framkvæmdir og vinna lengur en J 80
daga, verði skráðir til lögheimilis í við-
komandi vinnubúðum. Aðrir, sem starfa
við framkvæmdina, afla meirihluta tekna
sinna í sveitarfélaginu og halda heimili sitt
þar, geti einnig samkvæmt núgildandi lög-
um skráð sig í sveitarfélaginu. Einnig sé
gert ráð fyrir að ungt fólk úr sveitarfélag-
inu, sem orðið hefur að leita eftir störfum
utan þess, muni í einhverjum mæli starfa
við framkvæmdina og afleidd störf af
henni og skrái sig því síður til heimilis í
öðrum sveitarfélögum. Að sögn Gunnþór-
unnar eru þegar tvær íbúðir í byggingu
sem ætlaðar eru til útleigu fyrir fólk sem
starfar að virkjunarframkvæmdum og vill
halda heimili á svæðinu. Hversu mikil
fjölgunin muni verða sé hins vegar erfitt
að áætla og ekki raunhæft að reikna með
mikilli viðvarandi fjölgun íbúa þótt hún
geti orðið nokkur á framkvæmdatímanum.
Vel sett í skólamálum
Framkvæmdirnar og íbúafjölgun sem af
þeim kann að leiða kalla á aukna þjón-
ustu sveitarfélaganna á framkvæmdasvæð-
inu, einkum í skólamálum. Fljótsdals-
hreppur rekur grunnskóla á Hallormsstað í
samstarfi við Austur-Hérað. Gunnþórunn
segir skólann vel settan. Hann búi að
góðu fagfólki auk þess sem hann geti tek-
ið við fleiri nemendum. Því sé ekki fyrir-
sjáanlegt að til stækkunar þyrfti að koma
þótt íbúum fjölgi nokkuð. Sveitarfélagið
hefur keypt þjónustu leikskóla á Hallorms-
stað af Austur-Héraði. Nú er gert ráð fyrir
að flytja leikskólann í húsnæði grunnskól-
ans og samnýta þannig yfirstjórn og ein-
hverja starfsmenn. Gunnþórunn segir að
samhliða þeirri breytingu muni Fljótsdals-
hreppur væntanlega koma inn í rekstur
Miklar vegaframkvæmdir hafa átt sér staö á hálendinu á Norður-Héraði í tengslum við byggingu Kára-
hnjúkavirkjunar enda margir og þungir hlutir sem flytja þarf á virkjunarsvæðið.
34