Sveitarstjórnarmál - 01.09.2003, Blaðsíða 37

Forfallakennsla með
borgarfulltrúastarfinu
Guðrún Ebba á sæti í fræðsluráði Reykja-
víkurborgar og segir bakgrunn sinn í
skólastarfinu eflaust eiga þátt f því að
henni var falið að starfa á þeim vettvangi.
„Ég hef starfað í grasrótinni, í skólastof-
unni og hef nú tekið þann þráð upp að
nýju mér til mikillar ánægju þar sem að
ég hef sinnt forfallakennslu jafnframt störf-
um borgarfulltrúa og borgarráðsmanns.
Það kann að vera að einhverjum finnist
það galli að koma nánast beint úr skóla-
stofunni til sveitarstjórnarstarfa en ég lít á
að það sem ótvíræðan kost að búa að
þeirri reynslu sem kennarastarfið hefur
gefið þegar kemur að því að fjalla um
málefni grunnskólans og skólana í Reykja-
vík. Vegna stærðar borgarinnar og fjölda
grunnskóla er sú vinna er lýtur að skóla-
málunum með talsvert öðrum hætti hjá
Reykjavíkurborg en öðrum sveitarfélögum.
Nú eru yfir 40 grunnskólar starfandi í
borginni en í mörgum sveitarfélögum er
aðeins um tvo til fjóra grunnskóla að ræða
að ótöldum þeim sveitarfélögum sem hafa
aðeins fyrir einum grunnskóla að sjá eða
jafnvel hluta úr skóla í samvinnu við önn-
ur sveitarfélög. Ég lít á það sem kost fyrir
mig að þekkja til flestra skólanna og
stjórnenda þeirra. Það hjálpar mér við að
setja mig inn í málefni viðkomandi skóla og
mér finnst eðlilegt og raunar nauðsynlegt að
þeir sem fjalla um skólamál í sveitarfélög-
unum þekki nokkuð til skólastarfsins."
Ótti við breytingar
Nú fara fram umræður um mis-
munandi rekstrarform skóla og
hversu fast sveitarfélögin eiga
að halda í rekstur skólanna eða
hvort fela eigi öðrum að hafa
hann með höndum. Nokkrir
skólar sem reknir eru af einkaaðilum eiga
sér rætur og hefðir í Reykjavík en á síðari
árum hefur þessi umræða aukist og skoð-
anaskipti átt sér stað um málið. „Mér
finnst þetta spennandi umræða," segir
Guðrún Ebba, „og mín skoðun er að við
eigum að leyfa fleiri skólum utan hins
hefðbundna reksturs sveitarfélaganna að
fá tækifæri. Þeir verða að sjálfsögðu að
uppfylla ákveðin skilyrði og þær kröfur
sem gerðar eru til kennslu-, uppeldis- og
þjónustuhlutverks grunnskólans." Guðrún
Ebba segir að skólastarf sé íhaldssamt í
eðli sínu og það taki nokkurn tíma að
þróa og kynna breytingar þannig að hægt
sé að reyna þær. „Ég held að þótt ákveðin
íhaldssemi sé af hinu góða þá megi hún
ekki standa eðlilegri framþróun fyrir þrif-
um eins og mér finnst að stundum eigi sér
stað innan skólakerfisins. Ég held að þessi
íhaldssemi fólks liggi að nokkru leyti í eðli
kerfisins og þar með sú ályktun að ávallt
sé best að fara með gát þegar um breyt-
ingar á skólakerfinu er að ræða."
Meiri fjárþörf til félagsmála
Borgarmálastarf Guðrúnar Ebbu snýst um
fleira en skólamálin. Hún á sæti í borgar-
ráði og segir það hafa verið mjög góðan
skóla. Hún á einnig sæti í félagsmálaráði
og áfrýjunarnefnd þar sem viðkvæm mál-
efni einstaklinga koma til umfjöllunar.
„Starfið í áfrýjunarnefndinni hefur ef til
vill reynst mér lærdómsríkast. Þegar mað-
ur hefur lifað í tiltölulega öruggu umhverfi
og alltaf átt einhvern að er ákveðin lífs-
reynsla fólgin í því að kynnast málum
fólks sem minna má sín. I þessum einstak-
lingsmálum ræður pólitíkin ekki för heldur
er unnið að málefnum skjólstæðinga eftir
ákveðnum reglum. Það hefur vakið athygli
mína að sífellt virðist þurfa að verja meiri
fjármunum til þessa málaflokks."
Annasamt starf
„Það sem kom mér á óvart og er helst til
marks um að ég gerði mér ekki fulla grein
fyrir hvað felst í störfum borgarfulltrúa og
borgarráðsmanns er að eftir kosningarnar í
fyrra fóru flestar nefndir borgarinnar í
sumarfrí. Ég hélt að þá gæti ég tekið mér
gott frí sem ég hafði ekki alltaf átt auðvelt
með í fyrra starfi hjá Kennarasambandinu.
En það fór á annan veg. Verkefnin tóku
strax að kalla. Þótt borgarfuIItrúastarfið sé
ekki föst vinna frá níu til fimm þá er þetta
meiri vinna en ég hafði gert mér grein fyr-
ir. Reyndar er talið fullt starf að sinna
störfum í borgarráði og einhverjum nefnd-
um borgarinnar jafnhliða starfi borgarfull-
trúans. Því má segja með sanni að starf
borgarfulltrúans sé erilsamt þótt borgar-
stjórnarfundir standi ekki langtfram á
nætur eins og stundum gerðist fyrr á
árum." Guðrún Ebba segir að fundarsköp
borgarstjórnar hafi komið sér nokkuð á
óvart og þrátt fyrir að nýir borgarfulltrúar
hafi fengið smá tilsögn í þeim þá hafi sér
tekist að brjóta þau á fyrsta borgarstjórnar-
fundi! „Fundarsköpin eru nokkuð formföst
og eiga sér rætur í þingsköpum Alþingis.
Þetta er því nokkuð ólíkt þeim fundar-
sköpum og venjum sem ég var vön en
það var fljótt að lærast."
Góð og nauðsynleg námskeið
Annað sem Guðrún Ebba kveðst vilja
nefna í þessu sambandi eru námskeið fyrir
sveitarstjórnarmenn, sem Samband ís-
lenskra sveitarfélaga stóð fyrir á liðnum
vetri. „Þegar fólk kemur úr ólíku umhverfi
til starfa að sveitarstjórnarmálum er mjög
gott fyrir það að eiga kost á námskeiðum
þar sem farið var yfir hina ýmsu þætti
þeirra mörgu og oft flóknu málaflokka
sem sveitarstjórnir þurfa að fást við. Ég er
þeirrar skoðunar að með
þessu hafi mjög gott starf farið
af stað og nauðsynlegt að
framhald verði á því. En á
heildina litið hefur þetta hefur
verið mjög lærdómsríkur og
gefandi tími. Sveitarstjórnar-
málin eru fjölbreytt og þar skortir aldrei
verkefni," segir Guðrún Ebba Ólafsdóttir,
borgarfulltrúi og borgarráðsmaður.
„Mín skoðun er að við eigum að leyfa fleiri skólum
utan hins hefðbundna reksturs sveitarfélaganna
að fá tækifæri."
37