Sveitarstjórnarmál - 01.01.2004, Blaðsíða 23

Séö yfir Úlfljótsvatn að Búrfelli í Grímsnes- og Grafningshreppi. - Mynd: MKH
sameina sveitarfélögin felast í samgöngum þar sem nauðsynlegt
sé að tengja þetta svæði betur saman. Sem dæmi um samgöngu-
vanda megi nefna leiðina á milli Flúða og Reykholts í Biskups-
tungum sem nú er um 40 kílómetra löng. Með nýrri brú yfir
Hvítá styttist leiðin um allt að þrjá fjórðu og verður aðeins um 11
kílómetrar. Einnig má nefna nýjan veg um Gjábakka, sem verið
er að hefjast handa við en hann tengir Þingvallasvæðið og Grafn-
ingshluta Grímsnes- og Grafningshrepps við aðra hluta Bláskóga-
byggðar og þá f framtíðinni væntanlega nýtt sameinað sveitarfé-
lag í uppsveitum Árnessýslu. Gunnar segir að samgöngubæturnar
gjörbreyti allri aðstöðu til þess að reka stærri svæði saman í einu
sveitarfélagi. Ekki síst hvað varðar skólastarfið þar sem greiðar
samgöngur séu undirstaða þess að hægt sé að sameina grunn-
skólastarf í hinum dreifðu byggðum.
Þéttbýlismyndun við Borg
Ekkert eiginlegt þéttbýli er í Grímsnes- og Grafningshreppi en
nokkur byggð er tekin að myndast í kringum Borg í Grímsnesi og
segir Gunnar það vera aðaluppbyggingarsvæðið í sveitarfélaginu.
Nýlokið er gerð aðalskipulags fyrir sveitarfélagið í heild og í
framhaldi af þvf er áformað að endurskoða deiliskipulag Borgar-
svæðisins til að samræma það þeirri stefnu sem stuðst var við í
gerð aðalskipulagsins. Gunnar segir að á árum áður hafi verið
gert ráð fyrir þéttbýli á Ljósafosssvæðinu í tengslum við þær
virkjanir sem þar voru byggðar. Reyndin hafi hins vegar orðið
önnur og stefna Landsvirkjunar sé sú að hafa ekki fasta búsetu
starfsmanna á virkjunarsvæðunum. Því sé nær 100 manna byggð,
sem verið hafi við Ljósafoss á árum áður, næstum horfin.
Mikil frístundabyggð
En önnur byggð hefur komið í staðinn. Gunnar segir skipulags-
málin stóran þátt í starfsemi sveitarfélagsins og raunar allra sveit-
arfélaga á Suðurlandi og á þá einkum við þá miklu sumar- og frí-
stundabyggð sem þar hefur myndast. Stór hluti undirlendis
Grímsnes- og Grafningshrepps er nú lagður undir slíka byggð.
Um 360 manns búa í sveitarfélaginu en í úttekt sem gerð var
vegna sorphirðu á vegum þess kemur fram að á tímabilinu frá
júní og til loka ágúst svarar sorpmagn til þess að það komi frá allt
að sex þúsund manna byggð. „Þetta segir nokkuð til um áhrif frí-
stundabyggðanna," segir Gunnar en neitar því aifarið að þessi
byggð virki sem baggi á sveitarfélagið. Hann segir sveitarstjórn
eiga mjög góð samskipti við eigendur sumar- og frístundabústaða
og þjónusta við þessa íbúa sé nokkuð er efla þurfi í framtíðinni,
einkum hvað ýmiss konar afþreyingu varðar. Hann segir sífellt
færast í aukana að fólk dvelji f þessum húsum um vetrartímann;
um helgar og á öðrum frídögum, jafnvel stórhátíðum. Dæmi séu
um að fólk haldi jólin í frístundahúsum sínum og skreyti þau
með jólaljósum; kjósi að hverfa frá erli og þysi borgarlífsins og
njóta kyrrðarinnar. „Þetta er bara hluti af veruleika sveitarfélaga í
dreifbýlinu og sveitarstjórnir verða að líta á þetta fólk eins og
aðra fbúa þótt það eigi ekki lögheimili í bústöðum sínum né
stundi vinnu í viðkomandi sveitarfélögum," segir Gunnar Þor-
geirsson að lokum.
Miðbæjarsvæði á Egilsstöðum
Hugmyndasamkeppni
Austur-Hérað efnir, í samstarfi við Arkitektafélag fslands,
til hugmyndasamkeppni um miðbæjarsvæðið á Egilsstöðum.
Samkeppnin er öllum opin.
Verðlaunafé er samtals kr. 5.000.000.- auk kr. 500.000.- til
innkaupa á athyglisverðum tillögum.
Keppnislýsing og samkeppnisgögn verða afhent á skrifstofu
Arkitektafélags íslands, Engjateigi 9,105 Reykjavík, kl. 9-13,
frá og með 12. janúar 2004. Keppnisgögn eru afhent gegn
skilatryggingu, kr. 10.000,-
Keppnislýsingu má einnig nálgast á bæjarskrifstofu
Austur-Héraðs á Egilsstöðum, frá sama degi, og á heimasíðu
Austur-Héraðs; www. egilsstad ir.is.
Skilafrestur tillagna er til 24. mars 2004, kl. 18. Um nánari
tilhögun samkeppninnar er vísað til keppnislýsingar.
Bæjarstjóri Austur-Héraðs.
Austur-Hérað, Lyngási 12, 700 Egilsstaðir
Sími: 4 700 700, fax: 4 700 701
Netfang: egilsstadir@egilsstadir.is
Vefslóð: www.egilsstadir.is
23