Sveitarstjórnarmál - 01.02.2004, Blaðsíða 8
Fréttir
Hugmyndasamkeppni um
miðbæ á Egilsstöðum
Stefnt er að miðbæ með fjölbreyttu mannlífi, menningu og þjónustu er þjóni öllu Austurlandi.
Á Egilsslöðum eru krossgötur Austurlands og því eiga margir leið um
miðbæinn þar.
Bæjarstjórn Austur-Héraðs hefur efnt til
opinnar hugmyndasamkeppni um nýtt
skipulag miðbæjarsvæðisins á Egilsstöð-
um. Er þetta í fyrsta sinn sem sveitarfélag
af þessari stærð efnir til svo viðamikillar
og metnaðarfullrar samkeppni. Verðlauna-
fé í samkeppninni er fimm milljónir
króna. Fyrstu verðlaun munu nema 2,5
milljónum, önnur verðlaun 1,5 milljónum
og þriðju verðlaun verða 1,0 milljón
króna.
Öflugt framboð verslunar-
og þjónustu
Hugmyndasamkeppnin á sér rætur í ört
vaxandi byggð á Egilsstöðum auk þess
sem þjóðvegurinn frá Lagarfljótsbrú liggur
í gegnum miðbæjarsvæðið og skiptir því í
hluta. Á miðbæjarsvæðinu eru einnig
helstu krossgötur Austurlands og þau
gatnamót í fjórðungnum þar sem mest
umferð er.
Markmið bæjarstjórnar Austur-Héraðs
með hugmyndasamkeppninni er að í mið-
bæ Egilsstaða verði öflugt framboð versl-
ana og þjónustu þannig að miðbærinn
geti þjónað öllu Austurlandi sem vettvang-
ur verslunar, menningar og mannlífs á
sem flestum sviðum. Til að ná þeim mark-
miðum leggur bæjarstjórnin
áherslu á að skapa hlýlegt og
manneskjulegt umhverfi með
skilvirkum samgöngum og
hagkvæmum möguleikum
fyrir þau fyrirtæki eða stofn-
anir sem þar starfa og munu
starfa í framtíðinni. Áhersla
er einnig lögð á að miðbær-
inn verði miðkjarni Egils-
staða og eigi þannig ríkan
þátt í að styrkja sjálfsímynd
bæjarins sem byggðareining-
ar. í dag þjónar miðbær Eg-
ilsstaða á bilinu sex til átta
þúsund manns auk þess sem
þar fer fram mikil þjónusta við ferðafólk,
einkum að sumarlagi. Þá auka yfirstand-
andi framkvæmdir við virkjun og stóriðju
á Austurlandi verulega við umferð og
einnig þjónustuþörf á Egilsstöðum.
Heildarlausn með tilliti
til mannlífs
I sjónarmiðum dómnefndar kemur fram
hvaða atriði munu vega þungt þegar kem-
ur að úrskurði hennar. í fyrsta lagi að
skipulagstillögur myndi heildarlausn sem
byggi á skýrri meginhugmynd, hagkvæmni
og hugkvæmni með tilliti til mannlífs, um-
hverfis og umferðar. í öðru lagi rýmis-
myndun innan miðbæjarsvæðisins sem
stuðli að góðu mannlífi. I þriðja lagi heild-
aryfirbragð sem taki mið af sérkennum
svæðisins. í fjórða lagi lausn umferðar-
mála og í fimmta lagi áhrif veðurfars og
árstíða. í dómnefnd eiga sæti Soffía Lárus-
dóttir, forseti bæjarstjórar Austur-Héraðs,
sem er formaður, Eyþór Elíasson bæjarfull-
trúi, Gunnar Vignisson, verkefnisstjóri Þró-
unarstofu Austurlands, Richard Ó. Briem
arkitekt og Hrefna Björg Þorsteinsdóttir
arkitekt.
Unnið að sameiginlegri framtíðarsýn
Austurbyggðar og Fjarðabyggðar
Sveitarstjórnarmenn í Fjarðabyggð og hinu
nýstofnaða sveitarfélagi Austurbyggð eru
að hefja undirbúning að vinnu við skil-
greiningu á framtíðarsýn sveitarfélaganna.
Á sameiginlegum fundi forseta bæjar-
stjórna þeirra nýlega var ákveðið að skipa
nefnd til þess að hafa þessa vinnu með
höndum.
Með tilkomu jarðganga á milli Reyðar-
fjarðar í Fjarðabyggð og Fáskrúðsfjarðar í
Austurbyggð verða samgöngur milli sveit-
arfélaganna mjög greiðar. Með byggingu
álvers Alcoa í Reyðarfirði og umsvifum,
Séð niður í Eskifjörð í Fjarðabyggð.
sem af byggingu þess og rekstri munu
leiða, skapast einnig nýir atvinnumögu-
leikar. Með jarðgöngunum verða þessi
sveitarfélög eitt atvinnusvæði. í frétt frá
fundi sveitarstjórnarmannanna segir að
væntanleg nefnd skuli hafa það hlutverk
með höndum að vinna að framtíðarsýn
sveitarfélaganna hvað varðar sameiginlega
hagsmuni og uppbyggingu samfélagsins í
heild. Einnig segir að afar brýnt sé á þess-
um tímamótum í austfirsku athafnalffi að
sem breiðust samstaða náist í þessum
sveitarfélögum um sameiginlega ábyrgð á
framtíðarskipulagi svæðisins. Með þessari
vinnu er fyrirhugað að tengja byggðirnar
frá Reyðarfirði í norðri til Stöðvarfjarðar í
suðri sterkari böndum og skapa þá sýn að
um eina sameiginlega byggð verði að
ræða.
SF$
8
TÖLVUMIÐLUN
www.tm.is