Sveitarstjórnarmál - 01.02.2004, Blaðsíða 15
stefnu þess í álagningarmálum spila ágæt-
lega saman og eiga verulegan þátt í því að
fólk sækist eftir að búa á Nesinu. „Þótt
íbúum hafi fremur fækkað en fjölgað á
milli ára þá segir það ekkert um að sá
áhugi sé að minnka. Þvert á móti hefur
áhuginn sennilega aldrei verið meiri og
umtalsverður hluti fasteignaviðskipta fer til
dæmis fram án þess að þurfi að auglýsa
viðkomandi húseign. Fólksfækkunin stafar
líklega einkum af tímabundnum breyting-
um á aldurskiptingu íbúanna þegar yngra
fólk flytur úr foreldrahúsum og hefur bú-
skap annars staðar."
Óbyggðu vestursvæðin hluti
lífsgæðanna
Stundum er rætt um að byggingarland Sel-
tjarnarneskaupstaðar sé fullnýtt. Með öðr-
um orðum að Nesið sé fullbyggt. Jón-
mundur segir þetta ekki alls kostar rétt.
Það fari þó nokkuð eftir því hvaða augum
menn líti málið. „Nesið er ekki fullbyggt í
þeim skiiningi að við nýtum allt land und-
ir byggingar. Ef við miðum við stærð
landsins þá er Nesið aðeins byggt til hálfs.
Á hinn bóginn er hér góð sátt um þá af-
stöðu að drjúgur þáttur í sérstöðu okkar
og lífsgæðum íbúanna sé fólginn í varð-
veislu náttúrunnar vestur við Suðurnes og
við Gróttu. Við viljum einfaldlega ekki
fórna þessari sérstöðu, þessari ríku teng-
ingu við náttúruna og útivistarsvæðin,
vegna þess að með því myndum við glata
hluta af þeim brag sem einkennir Seltjarn-
arnes sem samfélag. Við erum stolt af að
eiga náttúruparadís og útivistarsvæði fyrir
okkur sjálf en ekki síður fyrir nágranna
okkar hér á höfuðborgarsvæðinu og í
reynd landsmenn alla. FJingað kemurfólk
af öllu höfuðborgarsvæðinu til þess að
ganga um fjörurnar, fylgjast með iðandi
dýralífi yfir sumartímann og njóta útivistar.
Ég vil því líta á þessi óbyggðu vestursvæði
sem ákveðna fjárfestingu í lífsgæðum,
hluta af bæjarbrag okkar í Seltjarnarnes-
Þar sem himin ber viö fjöru! Miklar fjörur ein-
kenna Seltjarnarnes og þangað sækja ibúar höfuð-
borgarsvæðisins. Á innfallinu má ganga þurrum
fótum út f Cróttu en mannvirkin þar eru nú notuð
til náttúrurannsókna og heimsókna skóianema.
kaupstað og framlag til höfuðborgarsvæð-
isins."
Liggjum ekki á sjóðum
Stundum er sagt að Seltjarnarneskaupstað-
ur sé ríkt bæjarfélag. Jónmundur kveðst
játa því en þó ekki í þeim skilningi að
bæjarfélagið liggi á digrum sjóðum. „Þrátt
fyrir góða stöðu erum við ekki eins og
auðkýfingur sem hefur úr meiru að spila
en hann þarf. Á hinn bóginn er Seltjarnar-
nes þokkalega rekinn bær og okkur hefur
tekist að spila nokkuð vel úr takmörkuðu
fé. Hver einasta króna sem við öflum skil-
ar sér því aftur til íbúanna í margvíslegri
þjónustu, betrumbótum og fjárfestingum."
Blönduð byggð á
Flrólfsskálamel
En eru þá engir vaxtarmöguleikar fyrir
byggðina á Seltjarnarnesi? Jónmundur seg-
ir ákveðna möguleika fyrir hendi og nú sé
hafin vinna við nýtt skipulag við Suður-
strönd og Hrólfsskálamel sunnanvert á
Nesinu. Þegar hafi verið samið við VSÓ-
ráðgjöf um verkfræðiráðgjöf og Horn-
steina arkitekta, f samvinnu við dönsku
arkitektana Schmidt og Lassen, um gerð
deiliskipulags fyrir svæðið. Hann segir
þennan undirbúning byggðan á hugmynd-
um um nýja byggð á Nesinu sem komið
hafi fram á íbúaþingi í fyrra, sem var það
fjölmennasta sem haldið hefur verið til
þessa á landinu. Ráðgjafafyrirtækin Alta
og John Thompson & Partners hafi unnið
að útfærslu á niðurstöðum íbúaþingsins
og ein útfærsla þeirra var samþykkt sam-
hljóða í bæjarstjórn á liðnu vori. Áætlunin
gerir ráð fyrir allt að 180 íbúða byggð á
þessu svæði, sem er hófleg nýting, auk
takmarkaðs atvinnurýmis. Einnig er gert
ráð fyrir að byggja gervigrasvöll af D-
stærð samkvæmt reglum Knattspyrnusam-
bands íslands. Jónmundur segir markmið-
ið með þessu verkefni meðal annars að
tryggja skilyrði fyrir heppilegum vexti bæj-
arins í takt við þarfir íbúanna auk þess að
tryggja bæjarfélaginu, og þar með íbúum
þess, tekjur vegna sölu á byggingarlandi.
„Okkur vantar fjölbreyttari gerðir íbúðar-
húsnæðis og þarna fáum við rúm fyrir 300
til 400 íbúa. Með þessu opnast möguleik-
ar fyrir fólk sem hefur búið rúmt en vill
minnka við sig án þess að flytja úr bæn-
um, fólk sem komið er yfir miðjan aldur,
börnin flutt að heiman og tvær manneskj-
ur búa í stórum húsum þar sem áður
bjuggu fimm eða sex manns. Fólk vill
gjarnan halda áfram að búa hér á Nesinu
þótt það kjósi eða verði að minnka við
sig. Við höfum ekki haft svigrúm til að
koma til móts við mjög svo vaxandi áhuga
Seltirninga á fjölbreyttara húsnæði en við
ætlum meðal annars að reyna að bæta þar
úr með þessari framkvæmd."
Of naumt skammtað
íbúaþingið í bænum á liðnu ári vakti at-
hygli og þótti vel heppnað. Jónmundur
segir slíkar samkomur nauðsynlegar til
þess að kanna hug bæjarbúa til þess
Búnaður til reyklosunar O+Hi
og daglegrar útloftunar
D+H er leiðandi í framleiðslu útloftunarbúnaði
Danfoss hf
Skútuvogi 6 Sími 510 4100
www.danfoss.is
<$>
15