Sveitarstjórnarmál - 01.02.2004, Blaðsíða 26
Almenna verkfræðistofan
Veikleikinn felst í fjölda sveitarfélaga
Anna Cuðný Árnadóttir tók við starfi á vegum Al-
mennu verkfræðistofunnar á Fljótsdalshéraði í des-
ember. Nýja starfið, sem felst í skrifstofustjórn, þýddi
vinkilbeygju á starfsferli hennar, eins og hún kemst
að orði. Anna Guðný er hjúkrunarfræðingur að
mennt. Síðustu ár hefur hún starfað að atvinnumál-
um hjá Svæðisskrifstofu málefna fatlaðra á Austur-
landi, auk þess sem hún á sæti í sveitarstjórn Fella-
hrepps.
Algerlega nýtt starfsumhverfi
Hvernig bar það til að hjúkrunarfræðingur var ráð-
inn til eftirlitsstarfa við virkjunarframkvæmdirnar?
„Ég var mjög ánægð í starfinu hjá Svæðisskrifstof-
unni og hugsaði mér ekki til hreyfings, en finnst
spennandi að spreyta mig á nýjum verkefnum svo ég sló til og
mér líst afar vel á mig hér. Starfið er fjölbreytt og felst aðallega f
skjalastjórnun, dreifingu skjala og ýmsum „reddingum". Þótt ég
hafi reynslu af skrifstofustörfum er þetta starf ólíkt fyrri störfum
mínum og starfsumhverfið einnig. Til dæmis kem ég af kvenna-
vinnustað en er nú eina konan í hópnum. Eins og
gefur að skilja eru umræður í kaffitímum afar ólíkar
þeim sem áttu sér stað á gamla vinnustaðnum."
Anna Guðný segir áhrif framkvæmdanna keðju-
verkandi á svæðinu.
„Fólksfjölgunin hefur leitt til aukinnar þjónustu
sem eykur atvinnutækifæri og gerir auknar kröfur
um menntunarmöguleika. í Fellahreppi hefur verið
hæg en jöfn fjölgun undanfarin ár. En nú er gífurleg
spurn eftir byggingalóðum, bæði til íbúðabygginga
og fyrir fyrirtæki og fólksfjölgun í samræmi við það.
Þótt við fögnum vissulega nýjum íbúum og fyrir-
tækjum þá kalla framkvæmdir við ný íbúðahverfi á
auknar fjárskuldbindingar. Sem sveitarstjórnarmaður
upplifi ég veikleika vegna fjölda sveitarfélaga á
svæðinu. Ef við hefðum borið gæfu til að sameina Héraðið í eitt
sveitarfélag fyrir þessar framkvæmdir hefði verið auðveldara að
taka á flestum málum sem reynast sveitarfélögunum þung, svo
sem skipulagsmálum, skóla- og fræðsiumálum, félagsþjónustu
og öryggismálum, svo eitthvað sé nefnt."
Anna Guðný Árnadóttir.
Menn leyfa sér að hugsa stærra en áður
Geir Sigurpáll Hlöðversson verkfræðingur er fram-
kvæmdastjóri Arkitekta- og verkfræðiþjónustu Aust-
urlands eða AVA ehf. AVA er útibú á Austurlandi frá
Almennu verkfræðistofunni, verkfræðistofunni Hniti
og Arkþingi, sem hver um sig á þriðjungshlut í félag-
inu. AVA tók til starfa \ október í fyrra. Geir starfaði
áður hjá umhverfismálasviði Fjarðabyggðar og hafði
þar umsjón með verklegum framkvæmdum.
AVA hefur verið á Reyðarfirði en ákveðið er að
flytja til Eskifjarðar í byrjun mars. „Þá erum við meira
miðsvæðis í sveitarfélaginu, því þótt tilkoma útibús-
ins tengist virkjunar- og stóriðjuframkvæmdunum
eystra að nokkru leyti þá störfum við mikið fyrir
sveitarfélögin á Austurlandi."
Reynir á uppbyggingu sveitarfélaganna
„Bein afleiðing stóriðjuframkvæmdanna er þensla í sveitarfélög-
unum sem hefur í för með sér að það reynir á uppbyggingu
þeirra og innviði og þá þarf gjarnan að endurskoða og endur-
bæta hluti eins og vegakerfi, veitukerfi, skipulagsmál, stofnanir
og byggingar. Við höfum meðal annars verið að vinna að kort-
lagningu fráveitu og vatnsveitu á Eskifirði en það
hefur alveg vantað að geta gengið að þessum upp-
lýsingum á einum stað. Við höfum unnið við ráð-
gjöf á sviði hljóðvistar á hönnunarstigi grunnskól-
ans á Reyðarfirði. Sú framkvæmd er einmitt í út-
boði núna. Einnig höfum við verið að vinna að
deiliskipulagi fyrir „Víkina" í Neskaupstað."
Ys og þys, vélar og verkamenn
„Jú, jú, mikil ósköp. Það má búast við enn meiri
breytingum og umsvifum þegar framkvæmdir hefj-
ast við álver Alcoa," segir Geir Sigurpáll aðspurður.
„Þá fara menn virkilega að sjá og taka eftir þvf
hvað þetta er nú stórt allt saman. Hlutir sem hafa
verið hannaðir og teiknaðir inni á stofum hérlendis
eða erlendis fara að taka á sig mynd í nánasta umhverfi. Tilheyr-
andi ys og þys, vélar, verkamenn, iðnaðarmenn og tæknimenn.
Þessar framkvæmdir bera væntanlega með sér mörg fleiri verk-
efni á sviði eftirlits og ráðgjafar. Og við verðum svo sannarlega
til þjónustu reiðubúnir."
Geir Sigurpáll Hlöðvers-
son, framkvæmdastjóri
Arkitekta- og verkfræði-
þjónustu Austurlands.
26
TÖLVUMIÐLUN H-LaUtl www.tm.is