Sveitarstjórnarmál - 01.03.2004, Blaðsíða 17
eftir til þess að styðja við ýmsa góða starf-
semi sem hér er."
Vegatollurinn dregur
úr ferðaþjónustu
Sveinbjörn og Linda Björk Pálsdóttir, sveit-
arstjóri Borgarfjarðarsveitar, telja bæði
mikla möguleika felast í ferðaþjónustunni.
Hún sé önnur þeirra atvinnugreina er eigi
hvað mesta möguleika í Borgarfirði.
Cjaldið sem greiða þarf til þess að fara í
gegnum Hvalfjarðargöngin setji henni þó
ef til vill nokkrar skorður. Sveinbjörn
bendir á að fjölskyIdur af höfuðborgar-
svæðinu verði stundum að velja á milli
þess að greiða vegatollinn eða að kaupa
veitingar fyrir fjölskylduna. „Og hvert fer
fólk þá? Ef til vill fremur austur fyrir fjall
og eyðir þessum 2.000 krónum í pylsur og
drykk eða eitthvað annað matarkyns eða
fer í Borgarfjörðinn og greiðir vegatollinn
en býður fjölskyldunni svo upp á vatn.
Það hefur ef til vill ekki verið hugað nægi-
lega vel að því hvaða áhrif vegatollurinn
hefur að þessu leyti. Ég held að hann hafi
umtalsverð áhrif og þá einkum á styttri
ferðir fólks af höfuðborgarsvæðinu."
Búsetan ekki lengur tímabundin
Landbúnaðarháskólinn á Hvanneyri og sú
vísinda- og rannsóknastarfsemi sem teng-
ist honum skapa aðalþéttbýliskjarnann í
Borgarfjarðarsveit. Sveinbjörn segir skóla-
starfið og þá uppbyggingu sem þar hefur
verið afar mikilvæga fyrir sveitarfélagið.
Sem dæmi um hversu byggðin á Hvann-
eyri er að festast í sessi má nefna að íbú-
arnir hafa verið að kaupa það húsnæði
sem þeir búa í. Bæði skólinn og sveitarfé-
lagið hafi verið að selja heimamönnum
íbúðarhúsnæði sem komið hefur verið
upp vegna skólastarfsins. „Þetta segir
manni að fólk lítur ekki á búsetuna á
Hvanneyri sem tímabundið fyrirbæri held-
ur ætlar sér að búa þar til lengri tíma og
treystir því einnig að markaður skapist
fyrir fasteignirnar og maður komi í manns
stað. Þetta er ákaflega mikilvæg þróun og
sýnir að Hvanneyri er ekki lengur það
sem kalla mætti viðkomustaður," segir
Sveinbjörn.
Linda Björk Pálsdóttir, sveitarstjóri Borgarfjarðar-
sveitar, ásamt Císla Gíslasyni, bæjarstjóra Akranes-
kaupstaðar.
Sveinbjörn Eyjólfsson, oddviti Borgarfjarðarsveitar.
Linda Björk segir að fólksfjölgunin á
Hvanneyri sé nú 13,5% á milli ára. Þetta
staðfesti þá þróun sem verið hafi að und-
anförnu. Sveinbjörn segir að það þurfi
ekki að fara lengra aftur en til miðs ní-
unda áratugarins að aðeins tveir nemend-
ur hafi stundað nám við búvísindadeildina
á Hvanneyri. Nú stundi allt að 160 manns
nám á staðnum eða í tengslum við Land-
búnaðarháskólann þegar allt sé talið.
Skrifstofubygging á Hvanneyri
Borgarfjarðarsveit stóð að byggingu skrif-
stofu- og þjónustuhúsnæðis á Hvanneyri
sem kostaði um 100 milljónir króna.
Sveinbjörn segir að ráðist hafi verið í þá
fjárfestingu til þess að tryggja þeim stofn-
unum, sem áhugi var fyrir að flytja þang-
að, aðstöðu og auka rannsókna- og vís-
indastarf á staðnum. Sem dæmi um stofn-
anir sem flutt hafa að Hvanneyri á undan-
förnum árum má nefna Framleiðnisjóð
landbúnaðarins, Búnaðarsamtök Vestur-
lands, Héraðssetur skógræktar og land-
græðslu á Vesturlandi, Landsamband kúa-
bænda, Hagþjónustu landbúnaðarins og
Veiðimálastofnun, Vesturlandsdeild sem er
að flytja þangað auk þess sem nokkur
einkafyrirtæki eru á Hvanneyri. Nú er
búið að skipa nefnd til þess að sameina
yfirstjórn Rannsóknastofnunar landbúnað-
arins og Landbúnaðarháskólans á Hvann-
eyri. „Þetta kostar skipulagsvinnu. Við
þurfum að hafa til lóðir og aðstöðu fyrir
nýja íbúa vegna þess að ég geri ráð fyrir
að flestar nýráðningar til stofnunarinnar
miðist við uppbyggingu hennar á Hvann-
eyri," segir Sveinbjörn. Linda Björk segir
að tilbúið sé deiliskipulag fyrir Hvanneyri
sem hægt sé að byggja á þegar ráðist
verði í nýjar framkvæmdir vegna aukinnar
starfsemi og íbúafjölgunar.
Byggingaland í Reykholti
Sveinbjörn segir ekki hægt að skilja við
Borgarfjarðarsveit án þess að minnast á þá
ríku menningu sem þar sé til staðar. Hann
nefnir Snorrastofu í Reykholti sem dæmi
um sjálfseignarstofnun um menningarleg
verðmæti er hafi verið að eflast verulega
að undanförnu. Hann segir að fræðimenn
sæki þangað til þess að sinna ýmsum
störfum og töluverðu fjármagni hafi verið
veitt í þessa starfsemi erlendis frá.
Nú er verið er að vinna aðalskipulag
fyrir sveitarfélagið, sem verður að sögn
Lindu Bjarkar tilbúið á þessu ári og auk
þess er unnið að deiliskipulagi fyrir Reyk-
holt og nágrenni. Sveinbjörn kveðst gera
ráð fyrir að mesta uppbyggingin á svæð-
inu verði á þessum tveimur stöðum,
Hvanneyri og Reykhoiti. Ungir athafna-
menn hafa keypt land í Reykholti og eru
að skipuleggja þar heilsársbyggð og segir
Sveinbjörn að ef menn vilji fjölga íbúum
og efla byggðina þá sé grundvallarskilyrði
að til sé einhver aðstaða til þess að taka á
móti þeim sem vilja koma.
SFS
TÖLVUMIÐLUN
www.tm.is
17