Sveitarstjórnarmál - 01.03.2004, Blaðsíða 23

Áheyrendur hlýða á kynningu á skipulagshugmyndum um Austurbakka
Reykjavíkurhafnar á fundi f Ráðhúsi Reykjavfkur á dögunum.
„Við stefnum að því að unnt
verði að byggja á bilinu 600 til
800 nýjar íbúðir á hverju ári. Ef
við sjáum fram á að okkur takist
ekki að uppfylla þá þörf þegar á
þessu ári með þéttingu byggðar
þá munum við spila ÚIfarsfelIinu
út um mitt þetta ár en þó ekki
fyrr. Ástæða þess er einfaldlega
sú að við viljum láta reyna á hvort okkur
tekst að uppfylla þetta stefnumið með
aukinni byggð vestan Elliðaár. Þá er ég að
ræða um nýja byggð í Sóltúninu, Skugga-
hverfinu, á Mýrargötusvæðinu í vestur-
borginni og víðar. Því má segja að Úlfars-
fellsbyggðin sé að þessu leyti skipulögð til
vara en þó fyrst og fremst til lengri fram-
tíðar." Steinunn Valdís segir að miðað við
áhuga verktaka og byggingaraðila í vestur-
og miðborginni sé tæpast ástæða til þess
að óttast að ekki náist að bjóða aðstöðu til
byggingar 600 til 800 íbúða eins og stefnt
er að. Þó verði að hafa í huga að sú
íbúðabyggð sem verið sé að bjóða í grónu
hverfunum sé nokkuð öðruvísi en í nýjum
úthverfum og auðvitað verði að gæta
ákveðins jafnvægis að því leyti. Því sé
meðal annars verið að skipuleggja svæði
fyrir um 50 einbýlishúsalóðir í Breiðholt-
inu sérstaklega til þess að geta boðið fleiri
valkosti. Steinunn Valdís segir að þegar
Úlfarsfellssvæðið verði fullbyggt fari að
þrengjast um byggingarland Reykjavíkur
að öðru leyti en að talsvert byggingarland
sé að finna á Kjalarnesi.
Liðin tíð að búa alltaf
á sama stað
„Öll sveitarfélögin á höfuð-
borgarsvæðinu búa við þetta
vandamál og í því sambandi
er nauðsynlegt að líta á það
sem eitt svæði. Ég held að
fólk horfi líka mun minna til
skiptingar byggðarinnar í
sveitarfélög í dag en var áður.
Búsetan byggist meira á þörf-
um fjölskyldunnar á hverjum tíma en því
hvort fólk býr í einhverju tilteknu sveitar-
félagi," segir Steinunn Valdís. Hún bendir
á fjölskylduhringinn; að fjölskyIdur þarfn-
ist mismunandi húsnæðis eftir tímabilum
og mjög eðlilegt sé að þær leiti eftir stærra
húsnæði í úthverfunum á meðan börnin
séu að vaxa úr grasi. Eftir að þau fari að
heiman og stofni sjálf heimili leiti fólk aft-
ur í minna húsnæði og þá gjarnan f eldri
hverfunum. Þannig færist í vöxt að bú-
skapur hefst í eldri hverfunum, fólk flyst
síðan um tfma í úthverfin en endar aftur í
eldri borgarhlutum. Búsetan gangi í hring
og það sé liðin tíð að fólk búi í sama húsi
eða jafnvel í sama sveitarfélagi alla ævi.
Uppbygging á hafnarsvæðinu
Nú hafa verið kynntar nýjar hugmyndir
um mikla uppbyggingu á Austurbakka
Reykjavíkurhafnar en þetta svæði hefur
verið fremur lítið nýtt frá því að afgreiðsl-
ur kaupskipa fluttust frá gamla hafnar-
svæðinu við miðborgina í Sundahöfn.
Steinunn Valdís segir ástæðuna fyrir því að
þetta verkefni fór af stað vera þá að eftir
að samkeppnin um byggingu tónlistarhúss
á Miðbakkanum fór fram hafi mörg sjón-
armið komið fram um nýtingu þessa
svæðis. Einnig hafi komið fram gagnrýni á
skipulag umferðar um svæðið og að það
vantaði öll tengsl við miðborgina. Stein-
unn Valdís segir að margt í þeirri gagnrýni
hafi verið byggt á málefnalegum rökum.
Þvf hafi verið tekin ákvörðun á síðastliðnu
hausti um að fá utanaðkomandi aðila;
Margréti Harðardóttur arkitekt og félaga
hennar hjá Stúdíó Granda og
Guðna Tyrfingsson arkitekt til
þess setjast yfir málið og sjá hvort
ekki væri unnt að koma fram
með hugmyndir sem leyst gætu
skipulag og nýtingu þessa svæðis
til frambúðar.
Steinunn Valdís kveðst ekki
hafa haft fulla sannfæringu fyrir
að þetta verkefni gæti gengið upp eins og
það leit þá út. „Við ýttum verkefninu því
af stað og settum okkur þau tímamörk að
búið yrði að vinna það um mánaðamótin
janúar - febrúar." Hún segir einkennandi
fyrir þessa vinnu að mikill fjöldi hug-
mynda og tillagna hafi orðið til sem síðan
hafi þróast í vinnuferlinu. „Þær voru síðan
skoðaðar frá öllum hliðum f vinnuhópn-
um sem starfaði að þessu og síðan unnið
úr þeim og valið eftir því sem málin þró-
uðust. Fyrstu hugmyndirnar sem komu
fram voru þannig allt öðru vfsi en þær
sem við erum nú að kynna. En ég held að
þetta hafi verið eina leiðin til þess að fá
eitthvað fram sem hægt verður að nota.
Þessi teymisvinna endaði með því að eftir
stóðu sex mismunandi valkostir og að lok-
um sú hugmynd sem nú liggur fyrir. Það
sem einkennir hugmyndina er fyrst og
fremst að gert er ráð fyrir miklu meiri
byggingum en áður hefur verið lagt til og
mér finnst að þær viðtökur, sem tillagan
hefur nú þegar fengið, sýna að hún muni
geta gegnið."
Fjárfestar hafa þegar sýnt þessum hug-
myndum áhuga og hafa verið að vinna til-
lögur til hliðar við starfshópinn sem unnið
hefur á vegum Reykjavfkurborgar. Tillögur
starfshópsins voru kynntar á
fjölmennum fundi í Ráðhúsi
Reykjavíkur í lok febrúar og
Steinunn Valdís segir að næstu
skref verði að vinna úr þeim
hugmyndum sem komu fram á
þeim fundi og einnig að sam-
hæfa hugmyndir fjárfestanna.
En með þessari vinnu sé von-
andi búið að kveikja neista að mikilli upp-
byggingu á hafnarsvæðinu sem styrkja
muni miðborgina á ýmsum sviðum.
„Það sem einkennir hugmyndina er fyrst og fremst
að gert er ráð fyrir miklu meiri byggingum en áður
hefur verið lagt til og mér finnst að þær viðtökur
sem tillagan hefur nú þegar fengið sýna að hún
muni geta gegnið."
SFS
TÖLVUMIÐLUN
www.tm.is
23