Sveitarstjórnarmál - 01.04.2004, Blaðsíða 8
Fréttir
SAMskjárinn tekinn í notkun
í Reykjanesbæ
Reykjanesbær tók nýlega í notkun svokallaðan SAMskjá eftir liðlega tveggja ára samvinnu við hug-
búnaðarhúsið cTarget á fslandi ehf. um þróun hugbúnaðarlausna fyrir sveitarfélög. Afrakstur þróunar-
starfsins felur í sér margþættar nýjungar að því er fram kemur í frétt frá fyrirtækinu.
Árni Sigfússon, bæjarstjóri Reykjanesbæjar, tekur SAMskjáinn í notkun meö dyggri aöstoö Lárusar Rúnars
Ástvaldssonar, framkvæmdastjóra SAM ehf. Mynd: Gunnar Salvarsson.
Lárus Rúnar Ástvaldsson, framkvæmda-
stjóri SAM ehf., segir SAMskjáinn sérsnið-
inn fyrir sveitarstjórnir. Hann bjóði til
dæmis upp á möguleika fyrir sveitarfélög
sem eru að huga að sameiningu og
spanna mjög víðfeðmt svæði. Hann geti
verið verkfæri til þess að létta mönnum að
stíga hin stóru og erfiðu skref í átt til sam-
einingar. „Ýmsir eiginleikar sem SAM-
skjárinn býður uppá gera það að verkum
að samskipti á milli dreifðra deilda sveit-
arfélaga verða auðveidari og ódýrari, ekki
er nauðsynlegt að flytja alla starfsemi
sveitarfélagsins í einn kjarna, heldur geta
ýmsar deildir verið áfram starfandi á jað-
arsvæðum. Síðan væri hægt að setja upp
snertiskjái á opinberum stöðum, svo sem í
verslunum, bönkum eða pósthúsum, fyrir
almenning, til að komast í samband við
starfsmenn bæjarins - án þess að þurfa að
aka langar leiðir," segir Lárus Rúnar.
Auðveldar samstarf sveitarfélaga
Helstu nýjungarnar felast í því að sveitar-
stjórnarmenn geta nú unnið samhliða í
þessu upplýsingakerfi á vefnum þótt þeir
séu ekki á sama stað, séð hverjir aðra og
talað saman. Allt það sem annar gerir sér
hinn á skjánum hjá sér. Til viðbótar felur
hugbúnaðurinn í sér nýjung sem ekki er
fyrir hendi í venjulegu vefumhverfi. Hún
felst í því að farið er beina leið (lárétt) á
milli sveitarfélaga innan sama málaflokks
á vefnum með möguleikum á beinu
mynd- og hljóðsambandi við aðra notend-
ur SAMskjásins gegnum fjarfundabúnað
um Netið.
í frétt fyrirtækisins segir að stjórnendur
sveitarfélaga þurfi oft að bera sveitarfélag
sitt saman við önnur sveitarfélög til að
samhæfa ákvarðanatöku. „Þessi saman-
burður hefur síðustu árin að mestu farið
fram í gegnum Netið og getur verið tíma-
frekur því heimasíður sveitarfélaga eru
oft flóknar og ólíkar að uppbyggingu.
SAMskjárinn einfaldar þessa vinnu
verulega og sveitarstjórnarmaður sem
vill bera saman ákveðna þætti í sveit-
arfélaginu við önnur sambærileg sveit-
arfélög þarf því ekki að eyða löngum
tíma í að vafra um Netið heldur flettir
innan sama málaflokks á augabragði
frá einu sveitarfélagi til annars með
SAMskjánum.
Samvinna stjórnenda í sveitarfélög-
um er mikilvæg en í mörgum tilfellum
kostar hún ferðir milli staða, milli skrif-
stofa ólíkra sviða sem oft eru staðsettar á
víð og dreif um bæjarfélagið. SAMskjárinn
hefur innbyggt video-/hljóðsamband um
Netið sem notendur lausnarinnar geta
hagnýtt til að hafa samband sín á miili,"
segir meðal annars í fréttinni.
„Ákaflega spennandi"
Árni Sigfússon, bæjarstjóri í Reykjanesbæ,
segir þessa íslensku hugbúnaðarlausn fyrir
stjórnendur í opinberum rekstri ákaflega
spennandi. „Allar góðar hugmyndir sem
hafa það markmið að auka skilvirkni við
stjórnun sveitarfélaga eru vel þegnar," seg-
ir hann. „Upplýsingatæknin hefur alla
burði til þess að auka hagræði og spara
tíma í opinberri stjórnsýslu og mér sýnist
SAMskjárinn vera kærkominn búnaður
með þessa kosti. Af þeim ástæðum höfum
við í Reykjanesbæ stutt þessa þróunar-
vinnu og fögnum því tækifæri að vera
fyrsta sveitarfélagið sem fær þetta öfluga
verkfæri í hendur," segir hann.
>«““1 .....................................................................................Uffilt
SAMskjárinn - lausnin eins og hún Iftur út í dag hjá
Reykjanesbæ.
8