Sveitarstjórnarmál - 01.04.2004, Blaðsíða 21

I
Nýlegur einkarekirm leikskóli í Grindavíkurbæ. Grindvíkingar hyggja á byggingu annars leikskóla á
næstunni.
Ekkert knýr á um
skjóta sameiningu
Hallgrímur Bogason, bæjarfulltrúi og bæjarráðsmaður í Grinda-
víkurbæ, segir Grindvíkinga vilja fara með gát í sameiningar-
málunum.
fólki oft ákveÓnar skorður hvað flutning á
heimili varðar ef aðeins annar aðilinn á
kost á viðunandi starfi í viðkomandi
byggðarlagi. Sjómennskan er þannig starf
að oft skiptir ekki höfuðmáli hvort menn
eiga heima á þeim stöðum sem skipin eru
gerð út frá." Hörður segir það ákveðið
vandamál í Grindavíkurbæ eins og raunar
víðar úti um land. Störf vanti fyrir fólk
með menntun og sérhæfingu. „Þótt annar
aðilinn eigi kost á góbu starfi dugar það
ekki alltaf til að fólk flytji á staðinn ef ekk-
ert er fyrir hinn að gera. Þetta er vanda-
mál sem getur verið erfitt að leysa á
minni stöðum þar sem atvinnulífið er ekki
eins fjölbreytt og til dæmis á höfuðborgar-
svæðinu."
Um 100 bílar
til höfuðborgarsvæðisins
Talið berst að þeirri íbúafjölgun sem átt
hefur sér stað í Grindavíkurbæ að undan-
förnu. Hörður segir enga eina skýringu á
þeirri þróun. Atvinnulífið hafi haldist
stöðugt og húsnæðismálin verið í góðu
lagi. Nálægðin við höfuðborgarsvæðið
skipti nú orðið umtalsverðu máli því tals-
vert sé um að fólk sæki vinnu þangað.
Hann nefnir að allt að 100 bílum muni
ekið þangað daglega frá Grindavfk vegna
atvinnuþátttöku Grindvíkinga. Slíkt hafi
heyrt til undantekninga fyrir nokkrum
árum, hvað þá áratugum. „Við fórum ekki
í neitt sérstakt markaðsátak til þess að fá
fólk hingað, heldur bættum við þjónustu
okkar við fbúana með markvissum hætti.
Til dæmis eiga öll börn 18 mánaða og
eldri aðgang að leikskóla. Við fórum
einnig út í að dýpka höfnina til þess að
hún gæti tekið stærri skip og er Grinda-
víkurhöfn nú orðin með betri höfnum
landsins. Fólkið hefur komið bæði af
höfuðborgarsvæðinu og einnig utan af
landi. íbúðaverðið á einhvern þátt í þessu
og einnig að við höfum átt nóg af lóðum
fyrir nýbyggingar." Hörður segir bjartsýni
ríkja á meðal Grindvíkinga nú á afmælis-
árinu. Jákvæð þróun hafi átt sér stað að
undanförnu og ekkert bendi til annars en
að hún muni halda áfram.
„Ég skal ekki segja til um hver niðurstaða
kosningar um sameiningu Grindavíkur-
bæjar við önnur sveitarfélög myndi verða.
Þegar við tókum átt í kosningum um sam-
einingu sveitarfélaganna á Reykjanesi á
sínum tíma þá voru um 90% þeirra sem
tóku þátt andvígir henni. Ég veit ekki hvort
sjónarmið bæjarbúa hafa breyst en vil
leyfa mér að efast um að þau sinnaskipti
hafi átt sér stað að sameining yrði sam-
þykkt," segir Hallgrímur Bogason, bæjar-
fulltrúi og bæjarráðsmaður í Grindavíkur-
bæ.
Samstarf er af hinu góða
Hallgrímur segir að Grindavíkurbær njóti
að sínum dómi nokkurrar sérstöðu á með-
al sveitarfélaganna á Reykjanesi. Bærinn
sé eina sveitarfélagið að sunnanverðu á
Nesinu og í nokkurri fjarlægð frá sveitarfé-
lögunum að norðan og vestan. Grindavík
sé eins konar útnári sem tengist ekki öðr-
um byggðum með beinum hætti og sam-
skipti því almennt lítil. Hallgrímur segir
stöðu Grindavíkurbæjar einnig góða og
rekstur bæjarfélagsins því ekki knýja á um
sameiningu. „Við erum vaxandi sveitarfé-
lag og getum með góðu móti stærðarinnar
vegna tekið við fleiri verkefnum. Við eig-
um einnig í talsverðu samstarfi við önnur
sveitarfélög á Reykjanesi í gegnum Samtök
sveitarfélaga á Suðurnesjum sem ég tel af
hinu góða," segir Hallgrímur og nefnir
sorpeyðingu sem dæmi um mjögjákvætt
samstarf.
Sameining við Ölfus
gæti verið kostur
Hallgrímur segir að menn geti einnig velt
því fyrir sér með hverjum Grindavíkurbær
myndi helst eiga samleið komi til samein-
ingar við önnur sveitarfélög. „Þar er að
mínum dómi um þrjá möguleika að ræða.
Óbreytt ástand, sameiningu við Reykja-
nesbæ eða sveitarfélögin á Reykjanesi í
einni heild auk þess sem hugsa mætti sér
sameiningu við Sveitarfélagið Ölfus."
Hallgrímur segir að með tilkomu Suður-
strandarvegar og þar með beinu vegasam-
bandi á milli Þorlákshafnar og Grindavík-
ur skapist grundvöllur meiri og nánari
samskipta en verið hafi. „Grindavíkurbær
og Þorlákshöfn eru um margt sambærileg
byggðarlög þar sem atvinnulífið byggist að
miklu leyti á sjávarútvegi. Ég sé fyrir mér
að þau geti átt ýmislegt sameiginlegt. Að
vísu er um meiri vegalengd að ræða og
svona mál yrði að skoða í mjög víðu sam-
hengi. Ný kjördæmaskipan getur einnig
opnað einhverja möguleika þar sem
Reykjanes og Suðurland eru nú í sama
kjördæminu."
Hallgrímur kveðst ekki halda þessu
fram sem skoðun sinni heldur aðeins vera
að viðra mismunandi hugmyndir og
möguleika í þessum málum. Grindvíkingar
muni ekki almennt áhugasamir um sam-
einingu við önnur sveitarfélög á þessari
stundu. „Ég tel að við eigum að fara með
gát í þessum málum. Ég sé ekki í hverju
hagræðingin væri fólgin fyrir okkur."
SFS
TÖLVUMIÐLUN
www.tm.is
21