Sveitarstjórnarmál - 01.04.2004, Qupperneq 25
Fréttir
Fækka þarf norskum
sveitarfélögum verulega
Erna Solberg ráðherra sveitarstjórnarmála í
Noregi segir að það séu allt of mörg sveit-
arfélög á leiðinni til Gardemoen og á þar
við leiðina frá Osló til flugvallarins norður
af borginni. Erna telur að sameina þurfi
sveitarfélög í Noregi og þá ekki síst í ná-
grenni stærri borga og bæja þar sem sam-
starf sé þegar mikið og um sameiginleg at-
vinnu- og íbúasvæði að ræða. Hún telur
að fækka þurfi sveitarfélögum í landinu
niður í 100-1 50.
Auk byggðanna f kringum Osló bendir
Erna á byggðirnar í kringum Kristiansand
og Stavanger, Tönsberg og Sandefjord og
einnig Bergen þar sem nauðsynlegt sé að
sameina sveitarfélög. Erna telur nauðsyn-
legt að sveitarfélögin í kringum stærri bæ-
ina telji allt að 30-40 þúsund íbúa. Sú
stjórnardeild í norska stjórnarráðinu sem
hefur með málefni sveitarfélaga að gera
og samband sveitarfélaga í Noregi, KS,
hafa nú hafið samstarf um hugmyndir að
sameiningu norskra sveitarfélaga. Erna
Solberg leggur áherslu á að sveitarfélögin
gangi sjálfviljug til sameiningar en takist
það ekki komi til umræðu hugmynd um
svokölluð A og B sveitarfélög. Það eru
tvær gerðir sveitarfélaga sem hafa mis-
munandi hlutverkum að gegna og miðast
við stærðir þeirra. Hún neitar þó ekki að
Stórþingið verði að taka málið til með-
ferðar og þvinga sveitarfélög til samein-
ingar gerist ekkert með öðrum hætti.
Byggt á Aftenposten
Sveitarfélögum í Danmörku
fækkað um tvo þriðju
Gert er ráð fyrir að 94 sveitarfélög verði í
Danmörku að loknum breytingum sem nú
er unnið að á skipan sveitarfélaga í land-
inu. Sveitarfélögunum fækkar þá um tvo
þriðju frá því sem nú er en í dag eru 217
sveitarfélög í Danmörku og 128 þeirra eru
með færri en 10 þúsund fbúa.
Hugmyndir að nýrri skipan sveitarfé-
laga byggjast á því að stærri þéttbýI isstað-
irnir myndi kjarna sveitarfélaganna og að
íbúafjöldi þeirra verði á bilinu 30-80 þús-
und. Gengið er út frá því að eftir samein-
inguna verði 42 sveitarfélög á Jótlandi, um
40 á Sjálandi og dönsku eyjunum og 10
eða 11 sveitarfélög á Fjóni auk sveitarfé-
lags á Borgundarhólmi. Nokkuð er deilt
um hversu langt eigi að ganga í samein-
ingarmálunum og hafa einnig komið fram
hugmyndir um minni sveitarfélög með á
bilinu 20-30 þúsund íbúa. Ástæður sam-
einingarhugmyndanna eru einkum endur-
skipulagning á stjórnsýslunni sem miðar
að því að gera ömtin og sveitarfélögin öfl-
ugri til þess að taka við fleiri viðfangsefn-
um og efla þjónustu þeirra. Danska stjórn-
kerfið byggir á þremur stjórnsýslustigum
þar sem ömtin eru mi11istjórnsýslustig með
ákveðin verkefni. Nokkuð hefur verið rætt
um að leggja þau alveg niður en flest
bendir til þess að samkomulag verði um
að fækka þeim í takt við breytingar á
sveitarfélagakerfinu.
Byggt á Jyllands Posten
Úthlutað úr þróunarsjóðum
grunn- og leikskólanna
Grunnskólarnir í Húnavatnssýslum;
Grunnskóli Húnaþings vestra, Grunnskól-
inn á Blönduósi, Höfðaskóli og Húna-
vallaskóli, hlutu sameiginlega hæstu út-
hlutun úr Þróunarsjóði grunnskóla fyrir
árið 2004. Úthlutunin er að upphæð ein
milljón króna og hlutu skólarnir styrkinn
til verkefnisins „Læsi, lesskilningur og
orðaforði. Þróun kennsluhátta í hún-
vetnskum skólum."
Snælandsskóli í Kópavogi hlaut 700
þúsund krónur í styrk til verkefnisins
„Davis, náms- og lestrartækni í íslenskum
grunnskólum."
Alls hlutu 33 styrk að þessu sinni, skól-
ar og einstök verkefni innan grunnskólans,
samtals að upphæð 12,1 milljón króna.
Styrkupphæðir eru á bilinu 200 þúsund
upp í eina milljón króna.
Hæstu styrki úr Þróunarsjóði leikskóla
hlutu leikskólinn Iðavöllur á Akureyri
vegna verkefnisins „Bifröst - brú milli
heima" og Hildur Skarphéðinsdóttir vegna
verkefnisins „Litlu manneskjurnar í leik-
skólunum", 500 þúsund krónur hvor.
Samtals var úthlutað 2,7 milljónum króna
úr sjóðnum til tíu verkefna.
» Hvað eiga Foo Fighters &
Leikskólinn Barónsborg
SFS
TÖLVUMIÐLUN
www.tm.is
25