Sveitarstjórnarmál


Sveitarstjórnarmál - 01.04.2004, Qupperneq 28

Sveitarstjórnarmál - 01.04.2004, Qupperneq 28
Borgarfjörður Fórum ekki of snemma af stað Helga Halldórsdóttir, forseti bæjarstjórnar Borgarbyggðar, segir Borgfirðinga ekki hafa farið of snemma af stað þótt hugmyndir þeirra um sameiningu hafi verið komnar fram áður en sameiningar- átak Sambands íslenskra sveitarfélaga var kynnt. Formlegt starf sveitarstjórna og sameining- arnefndar sveitarfélaganna í Borgarfirði norðan Skarðsheiðar er hafið. Helga Hall- dórsdóttir, forseti bæjarstjórnar Borgar- byggðar, er í undirbúningsnefnd um sam- einingu Borgarbyggðar, Borgarfjarðarsveit- ar, Hvítársíðuhrepps og Skorradalshrepps. Hún segir undirbúningsvinnu hafa verið komna af stað áður en sameiningarátak Sambands íslenskra sveitarfélaga hafi ver- ið kynnt á fulltrúaráðsfundi sambandsins vorið 2003 og stefnt sé að því að kosið verði um sameiningu þessara fjögurra sveitarfélaga vorið 2005. Formlegar viðræður hófust vorið 2003 „Bæjarstjórn Borgarbyggðar ákvað á liðnu vori að fara í sameiningarviðræður eftir að formlegt erindi barst frá Borgarfjarðarsveit um að efnt yrði til formlegra viðræðna um sameiningu Borgarfjarðarsveitar, Skorra- dalshrepps, Hvítársíðuhrepps og Borgar- byggðar. í framhaldi af því hófu fulltrúar þriggja þessara sveitarfélaga að ræða sam- an og vinna ákveðna undirbúningsvinnu. Þegar samband íslenskra sveitarfélaga kynnti sameiningarátak sitt hinkruðum við aðeins við til þess að sjá hvernig það færi af stað. Við höfum síðan haldið þessum viðræðum áfram og nú er Skorradals- hreppur að koma að þessu verkefni með okkur þannig að öll fjögur sveitarfélögin munu eiga aðila að formlegum viðræðum og þeirri vinnu sem framundan er," segir Helga. Þrír vinnuhópar Fyrsti formlegi fundur sameiningarnefnd- arinnar með fulltrúum sveitarfélaganna þriggja var haldinn í Reykholti 18. maí 2003 og segir Helga þegar hafa verið haf- ist handa við að forma þessa vinnu og koma henni í ákveðinn farveg. Skorradals- hreppur bætist síðan í hópinn núna þegar verkefnavinnan hefst formlega. Þegar hafa Helga Halldórsdóttir, íorseti bæjarstjórnar Borgar- byggðar. verið skipaðir þrír vinnuhópar um tiltekin málefni sveitarfélaganna. Einn hópurfjall- ar um stjórnsýslu og fjármál, annar um umhverfis- og skipulagsmál auk sam- göngumála og þriðji hópurinn mun fást við þá málaflokka sem falla undir fjöl- skyldumál, nánar tiltekið fræðslumál, tóm- stundamál, menningarmál og félagsþjón- ustu. Samstíga öðrum í kosningum 2005 Helga segir að þegar hafi verið samið við Viðskiptaháskólann í Bifröst um ákveðin verkefni fyrir sameiningarnefndina og þar á meðal nauðsynlegt kynningarstarf til þess að upplýsa íbúana á sem bestan hátt um framvindu þessa verkefnis. Einnig er ætlunin að leita til Háskólans á Akureyri um að vinna úttekt á fræðslumálunum í héraðinu með tilliti til þess hvernig þeim verði best komið fyrir í sameinuðu sveitar- félagi en þar sé jafnan um viðkvæman málaflokk að ræða. Helga segir að brýn- ustu verkefnin nú séu að koma vinnuhóp- unum af stað og að efna til kynningar á meðal íbúanna, heyra sjónarmið þeirra og kynna þeim nánar f hvaða farvegi málin séu og hvar vinna við þau sé stödd. Hún segir stefnt að því að verða samstíga öðr- um sveitarfélögum um kosningu um sam- einingu vorið 2005. Helga telur að ekki hafi verið farið of snemma af stað meðal sveitarfélaganna í Borgarfirði. „Sveitarstjórnir og aðrir sem koma að þessum málum verða að ætla sér nægan tíma til þess að fara vel yfir þau og kynna fbúum viðkomandi sveitarfélaga hvað verið er að gera. Með því móti verð- ur unnt að ná betri árangri og sátt um þetta mikilvæga verkefni." Eitt atvinnu- og þjónustusvæði Helga bendir á að þessi sveitarfélög myndi eitt atvinnu- og þjónustusvæði og byggðin og mannlífið eigi margt sameigin- legt. Tveir háskólar séu starfandi á svæð- inu auk vaxandi ferðaþjónustu og öflugs landbúnaðar þrátt fyrir nokkurn samdrátt og breytingar á undanförnum árum. Hún bendir á að Borgarnes hafi lengi verið miðstöð verslunar og þjónustu í héraðinu og verði áfram en nýju háskólasamfélögin séu að vaxa. „Sveitarfélögin norðan Skarðsheiðar hafa einnig átt með sér margvíslegt sam- starf á vettvangi Samtaka sveitarfélaga á Vesturlandi og einnig á grundvelli byggða- samlaga. Við rekum sameiginlega Tónlist- arskóla Borgarfjarðar og Safnahúsið í Borgarnesi. Grunnskólinn áVarmalandi er rekinn í samstarfi Borgarbyggðar og Hvít- ársíðuhrepps. Auk þess hefur til dæmis Borgfirðingahátíð verið samstarfsverkefni þessara sveitarfélaga. Vegna þessa og ann- arra þátta hefur skapast margvísleg reynsla af því að vinna saman hér á svæðinu. 28 TÖLVUMIÐLUN H-LaUíl www.tm.is

x

Sveitarstjórnarmál

Direct Links

Hvis du vil linke til denne avis/magasin, skal du bruge disse links:

Link til denne avis/magasin: Sveitarstjórnarmál
https://timarit.is/publication/1063

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.