Sveitarstjórnarmál - 01.08.2004, Blaðsíða 5

Forystugrein
Nýtt húsnæði
Á landsþingi Sambands ísienskra sveitar-
félaga, sem haldið var á Akureyri í sept-
ember 2002, var samþykkt stefnumótun
fyrir sambandið til áranna 2002-2006.
Stefnumótunin nær til ýmissa þátta í
starfsemi sambandsins og m.a. segir í
henni að sambandið eigi að haga starf-
semi sinni þannig að á hverjum tíma sé
það virkt, nútímalegt, og svari þörfum
sveitarfélaga fyrir hagsmunagæslu og
þjónustu og það eigi að hafa sveigjan-
leika í starfsemi sinni og innra skipulagi
þannig að það geti á hverjum tíma gegnt
hlutverki sínu sem best.
Samband íslenskra sveitarfélaga hefur
í 23 ár haft skrifstofuaðstöðu sína, ásamt
samstarfsstofnununum Lánasjóði sveitar-
félaga og Bjargráðasjóði, að Háaleitis-
braut 11. Það húsnæði var tekið í notkun
árið 1981 og er á þremur hæðum og hef-
ur þjónað starfseminni mjög vel en var
þó langt frá því að vera lengur hentugt
og nútímalegt miðað við þær kröfur sem
nú eru gerðar til slíks húsnæðis.
Starfsmenn sambandsins höfðu því í
nokkurn tíma svipast um eftir hentugu
húsnæði sem félli vel að starfseminni og
þeim meginmarkmiðum sem samþykkt
voru á landsþinginu 2002. Lögð var
áhersla á að finna húsnæði sem væri vel
staðsett og gæti rúmað starfsemina alla á
einni hæð. Það húsnæði fannst á 5. hæð
Borgartúns 30. Húsið var byggt 1999 og í
því eru starfsstöðvar nokkurra opinberra
stofnana og félagasamtaka. Á undanförn-
um árum hefur ýmiss konar þjónusta op-
inberra stofnana og félagasamtaka vaxið
við Borgartúnið og því eftirsóknarvert fyr-
ir sambandið og samstarfsstofnanir þess
að fá húsnæði í því hverfi borgarinnar.
Húsnæðið liggur miðsvæðis og eru allar
aðkomuleiðir að því greiðar og stuttar
vegalengdir til þeirra stofnana sem starfs-
menn sambandsins eiga mest samskipti
við.
Þær innréttingar sem í húsnæðinu
voru hentuðu ekki starfsemi sambandsins
og varð því að ráðast í umtalsverðar
breytingar og endurbætur á húsnæðinu
áður en flutt var inn. Til að hafa umsjón
með þeim verkum var ráðið fólk með
mikla reynslu og þekkingu á framkvæmd-
um af þessu tagi. Samstarf við byggingar-
stjóra, arkitekta og aðra hönnuði var með
miklum ágætum og stóðust allar tíma- og
fjárhagsáætlanir sem gerðar voru um
verkið í upphafi. Reyndar var kostnaður
við breytingarnar nokkru lægri en áætlað
hafði verið í byrjun. Að því marki stefndu
allir aðilar sem að verkinu komu og ber
að þakka það. Hagsýni og útsjónarsemi
voru einkennandi fyrir þessa framkvæmd
og reynt var að endurnýta eins mikið af
byggingarefni og frekast var unnt.
Þeir sem komu að framkvæmdinni
voru á einu máli um það að velja ís-
lenska hönnun og framleiðslu alls hús-
búnaðar eftir því sem mögulegt væri og
sú varð raunin. Öll skrifborð, skápar og
hillur, gestastólar, fundarborð og fleira
eru íslensk hönnun og í nánast öllum til-
vikum íslensk framleiðsla. Húsbúnaður-
inn er vandaður og glæsilegur og stenst
fyllilega verðsamanburð við erlenda
hönnun og framleiðslu. Þetta framtak hef-
ur vakið athygli og verður vonandi til eft-
irbreytni hjá öðrum opinberum aðilum í
framtíðinni.
Við hönnun húsnæðisins var lögð
áhersla á að hafa það opið og bjart með
góðum tengslum milli vinnustöðva. Er
það samdóma álit þeirra sem til þekkja
að vel hafi tekist til og þrátt fyrir miklar
breytingar á vinnuaðstöðu starfsmanna,
sem flestir voru áður í lokuðum skrif-
stofuherbergjum, þá bendir allt til að
starfsmenn séu almennt sáttir við aðstöð-
una.
Það er einlæg von að þetta nýja hús-
næði styrki enn góðan starfsanda og efli
starfsmenn sambandsins og samstarfstofn-
ana þess til árangursríkrar hagsmuna-
gæslu fyrir sveitarfélögin í landinu.
Þórður Skúlason
framkvæmdastjóri
SVEITARSTJÓRMARMÁL
Útgefandi:
Samband íslenskra sveitarfélaga
Borgartúni 30, 5. hæð ■ 105 Reykjavík • Sími: 515 4900
samband@samband.is • www.samband.is
Ritstjórar:
Magnús Karel Hannesson (ábm.) • magnus@samband.is
Bragi V. Bergmann • bragi@fremri.is
Ritstjórn:
Fremri kynningarþjónusta ■ Furuvöllum 13 • 600 Akureyri
Sími 461 3666 • fremri@fremri.is
Blaðamenn:
Þórður Ingimarsson • thord@itn.is
Haraldur Ingólfsson • haraldur@fremri.is
Auglýsingar:
P. j. Markaðs- og auglýsingaþjónusta
Srmar: 566 8262 & 861 8262 • pj@pj.is
Umbrot og prentun:
Alprent • Glerárgötu 24 • 600 Akureyri
Sími 462 2844 • alprent@alprent.is
Dreifing:
ísiandspóstur
Forsíðan: Frá setningu X. norrænu sveitarstjórnarráðstefnunnar.
Mynd: Gunnar Vigfússon.
Tímaritið Sveitarstjórnarmál kemur út 10 sinnum á ári
Áskriftarsíminn er 461 3666
6. tbl. var prentað 5. júlí 2004