Sveitarstjórnarmál - 01.08.2004, Blaðsíða 16

Blönduóssbær

Þjóðvegurinn er auðlind
Meginmálin eru endurskipulagning fjármála, efling matvælaiðnaðar og kynning bæjarfélagsins.
„Frá því ég tók við starfi bæjarstjóra fyrir
um tveimur árum höfum við lagt áherslu á
endurskipulagningu fjármála bæjarfélagsins.
Við settum þá vinnu strax á oddinn og
ákváðum að kanna allar leiðir til endurfjár-
mögnunar lána og hagræðingar í rekstri. Ég
tel að okkur hafi tekist ágætlega til í þeim
efnum þótt okkur sé vissulega þröngur
stakkur skorinn eins og flestum sveitarfélög-
um í landinu um þessar mundir," segir Jóna
Fanney Friðriksdóttir, bæjarstjóri Blönduóss-
bæjar, í spjalli við Sveitarstjórnarmál.
Uppbygging og blóðtaka
- Eru fjármálin þá í góðu lagi um þessar
mundir?
„Þótt ég sé á margan hátt ánægð með
hvernig til hefur tekist vil ég engu að síður
benda á að Blönduóssbær er alls ekki eina sveitarfélagið sem er
að kljást við fjármálin. Þau mál eru alls staðar uppi á borðum
nema ef til vill hjá stærstu sveitarfélögunum á höfuðborgarsvæð-
inu. En það er alveg Ijóst að við getum ekki endalaust haldið
áfram að hagræða og skera niður án þess að skerða þjónustuna.
Það þarf engan fjármálasni11ing til að upplýsa að það er rangt
gefið í þessu spili um verkaskiptingu rfkis og sveitarfélaga. Oft
hefur komið fram í máli sveitarstjórnarmanna um allt land að sú
verka- og tekjuskipting, sem nú er unnið eftir gangi ekki lengur
að öllu óbreyttu. Sveitarfélögin hafa verið hvött til þess að auka
þjónustuna jafnframt því að yfirtaka ýmis fjárfrek verkefni á borð
við rekstur og einsetningu grunnskólans. Þau hafa þurft að upp-
fylla stórauknar kröfur í umhverfismálum, til að mynda vegna frá-
veitumála og meðferðar á sorpi auk vaxandi félagsþjónustu. Þetta
eru verkefni sem sveitarfélögin hafa þurft að taka að sér og vinna
úr en ekki fengið nægjanlegar tekjur á móti. Fráveitumálin hafa
verið tekin föstum tökum hjá Blönduóssbæ og ný hreinsistöð var
tekin í notkun fyrir tveimur
árum. Sú framkvæmd sam-
ræmist raunar markmiðum um
eflingu atvinnulífs á svæðinu
og ég get nefnt sem dæmi að
áformað er að hefja starfsemi
ullarþvottarstöðvar á Blöndu-
ósi í sumar. Engin spurning er um að hin góða aðstaða í frá-
rennslismálum vó þungt þegar ákvörðun var tekin um staðsetn-
ingu ullarþvottarstöðvarinnar. En uppbygging fráveitumála er
mjög stór útgjaldaliður miðað við rekstur bæjarfélagsins, yfir 130
milljónir króna og þótt ríkið hafi endurgreitt um 30 milljónir eða
um andvirði virðisaukaskattsins, þá standa eftir um 100 milljóna
króna útgjöld fyrir sveitarfélagið og framkvæmdum er ekki að
fullu lokið sunnan Blöndu. Vissulega standa
þó vonir til að þessir fjármunir muni skila
sér til baka í bæjarsjóðinn á næstu árum í
öflugra og fjölbreyttara atvinnulífi."
Kannað með eignasölu
- Hefur bæjarfélagið möguleika til þess að
standa undir greiðslum vegna þessara fram-
kvæmda og öðrum útgjöldum án þess að
ný tekjuöflun eða lántaka komi til í framtíð-
inni?
„Við megun ekki gleyma því að þótt
bæjarfélagið skuldi verulegar upphæðir á
það einnig umtalsverðar eignir. Ég hef bent
á þá staðreynd og reynt að tengja hana við
umræðuna um daglegan rekstur og skuldir
bæjarfélagsins. Við eigum mjög góða hita-
veitu, fráveitu og vatnsveitu og það er engin
launung að aðilar hafa sýnt áhuga á að koma inn í veitustarfsem-
ina hér á Blönduósi eins og víðar." Jóna Fanney segir að þótt við-
ræður séu að hefjast séu þessar hugmyndir enn á frumstigi. Bæj-
arstjórnin hefur skipað þverpólitískan hóp til að meta kosti og
galla þess að selja veiturnar og fara yfir alla þætti málsins. Ætlun-
in er að nota sumarið til þess að vinna að þessu og kanna stöðu
málsins, meta kosti þess og galla þannig að með haustinu geti
fólk farið að velta vöngum yfir því af alvöru.
Efla þarf sveitarstjórnarstigið
- Ýtir fjárhagsstaða bæjarfélagsins undir að unnið verði að frekari
sameiningu sveitarfélaga á þessu svæði?
„Hvað sem fjármálum bæjarfélagsins líður þá er það sannfær-
ing mín að efla verði sveitarstjórnarstigið og það sameiningarátak
sem félagsmálaráðuneytið stendur fyrir er að mínu mati á allan
hátt til góðs. Ég tel að sveitarstjórnir hér á svæðinu verði, og það
fyrr en síðar, að hefja alvarleg-
ar viðræður um sameiningu,"
segir Jóna Fanney og bætir við
að breytt verkaskipting ríkis og
sveitarfélaga og sameining
þeirra í öflugri einingar muni
hafa umtalsverð áhrif, ekki
einungis á rekstur þeirra, heldur einnig á þjónustu við íbúana og
sóknarfæri á landsvísu.
íbúafjölgun er staðreynd
- Nú hefur fólki fækkað á Norðvesturlandi og þessi landshluti oft
verið talinn standa einna veikast hvað byggðaþróunina varðar. Er
það ekki áhyggjuefni?
Jóna Fanney Friöriksdóttir, bæjarstjóri Biönduóss-
bæjar.
„Á 21. öldinni getum við ekki lengur leyft okkur
að hugsa þróun svæðisins út frá afmörkuðum döl-
um, lækjum, ám eða afréttum."
16
tölvumiðlun H-Laun www.tm.is