Sveitarstjórnarmál - 01.08.2004, Blaðsíða 24

Viðtal mánaðarins
breytinga á framlögum Jöfnunarsjóðs
sveitarfélaga á nýliðnu ári. í Ijósi sterkrar
samstöðu íbúanna hafi verið ákveðið að
hverfa frá þeirri hugmynd, að minnsta
kosti um skeið.
Mikilvægt að ná sátt
um skólamálin
„Til þess að ræða þá stöðu, sem upp var
komin ákváðum við að efna til íbúaþings.
Til þess var stofnað í framhaldi af óskum
íbúa um opinn fund um skólamál, meðal
annars vegna tillögu frá Elvari Árna Lund
sveitarstjóra um möguleika á að færa allt
skólahald til Kópaskers. Til þingsins var
boðið öllum íbúum Öxarfjarðar- og
Kelduneshrepps.
Fyrirmyndin að íbúaþinginu var að mestu
leyti sótt til grunnskólaþings
Sambands íslenskra sveitarfé-
laga á liðnum vetri þar sem
efnt var til hópvinnu þátttak-
enda að framsögum loknum.
Við fengum Rúnar Sigþórsson,
lektor við Háskólann á Akur-
eyri, til þess að hafa framsögu
á íbúaþinginu. Dagskrá þings-
ins var sett þannig upp að ég setti það og
kynnti tilefni þess, Elvar Árni Lund, sveit-
arstjóri skýrði og ræddi tölulegar upplýs-
ingar og staðreyndir um skólahaldið og
Rúnar Sigþórsson fjallaði um fagleg og fé-
lagsleg sjónarmið í grunnskólastarfi. íbúa-
þingið var vel sótt, yfir 100 manns mættu
þrátt fyrir eindæma leiðinlegt veður, sem
sýnir áhuga fólksins fyrir þessu málefni.
Við settum þingið þannig upp að fólk sat
við átta manna borð og síðan var hóp-
stjóri við hvert borð sem hafði verið und-
irbúinn fyrirfram og á hverju borði voru
tvö umræðuefni og drógu hópstjórarnir
um hver þau yrðu. Að loknum framsögu-
erindum var hópunum skipt upp þannig
að blöndunin yrði enn meiri og umræður
frjórri. Með þessu móti
fengust góðar umræður
og hópstjórarnir kynntu
síðan niðurstöður hvers
hóps. Að því búnu fóru
fram opnar umræður
áður en fundarstjóri tók
niðurstöður saman. I
stuttu máli má segja að
niðurstöður íbúaþingsins
hafi verið þær að þótt
fólk skilji kosti þess að
koma skólahaldinu fyrir
undir einu þaki þá sé
landfræðileg og félagsleg
staða með þeim hætti að
ekki sé unnt að fram-
kvæma það svo vel fari.
Skólinn er á sinn hátt
hjarta hvers samfélags og
með það að leiðarljósi var ákveðið að
halda samstarfi þessara sveitarfélaga áfram
um rekstur grunnskólans á Kópaskeri og í
Lundi en það var einnig ákveðið að spara
fjármuni, meðal annars með sölu eigna
sem ekki er verið að nýta. Þá hefur verið
ákveðið að segja upp aksturssamningum
og endurskipuleggja skólaaksturinn með
hagræði og sparnað í huga auk áfram-
haldandi aðgæslu í fjármálum í öllu tilliti,
þó innan þeirra marka að gæði skóla-
starfsins verði áfram í fyrirrúmi."
Skólastarf áfram í
tveimur deildum
Iðunn segir fólk hafa verið áhugasamt að
vinna að málefninu á þessum forsendum
og góður andi hafi verið á íbúaþinginu,
sem skipti miklu máli þegar þurfi að sam-
eina hugi og krafta fólks við ólíkar búsetu-
aðstæður. Hún kveðsttelja að uppsetning
þingsins og fundarform hafa auðveldað
umræðuna, einkum að breyta umræðu-
hópunum á miðju þingi, að rjúfa fyrstu
hópana og raða þeim saman upp á nýtt.
Reynslan af þessu íbúaþingi sýni að þarna
sé um góða aðferð að ræða þegar taka
þurfi til umræðu viðkvæm málefni, sem
skólamálin jafnan eru, og undirbúa
ákvarðanir sem ef til vill séu ekki öllum
að skapi. „Ég tel að á þessu íbúaþingi hafi
allt komið fram, sem koma þurfti og fólk
náð að tjá skoðanir sínar og lýsa því
hvernig það liti á málin frá sfnum bæjar-
dyrum."
Framtíðarsýn íbúa við Öxarfjörð til
næstu fimm ára er byggð á skólahaldi í
tveimur deildum og að samstarfsverkefni
sveitarfélaganna verði óbreytt þann tíma
Einnig segir Iðunn að fyrirhugað sé að
taka lán til þess að vinna að viðhaldsmál-
um bygginga og endurbóta á lóðum og
næsta umhverfi skólanna en það sé orðið
mjög brýnt. Áfram verði þó reynt að gæta
fyllsta aðhalds í rekstri skólanna. „Skóla-
málin eru ekki einföld til úrlausnar þar
sem byggðir liggja dreift og vegalengdir
eru miklar og geta skapast
hitamál út af róttækum breyt-
ingum eins og reynslan sýnir.
Það er erfitt að sjá þéttbýlis-
staðina fyrir sér án skóla en
einnig er erfiðleikum bundið
að flytja allt skólastarf burt úr
sveitunum. Því er ákaflega
mikilvægt að ná eins góðri og
víðtækri sátt um skólamálin og frekast er
kostur," segir Iðunn Antonsdóttir að lok-
um.
"Ég tel að á þessu íbúaþingi hafi allt komið fram
sem þurfti og fólk náð að tjá skoðanir sínar og
lýsa því hvernig það liti á málin frá sínum bæjar-
dyrum."