Sveitarstjórnarmál - 01.08.2004, Blaðsíða 25
Skólamál
Speglun við vinaskóla
Speglun við vinaskóla er verkefni til að bera saman aðferðir og árangur einstakra grunnskóla og reyna
þannig að nýta það besta frá hverjum og einum.
Nýtt verkefni er hafið á vegum skólayfir-
valda í Reykjanesbæ. Kallast það speglun-
arverkefnið eða „speglun við vinaskóla" í
daglegu tali og felst í því að vinna að
samanburði á árangri grunnskólanna í
bæjarfélaginu við skóla á höfuðborgar-
svæðinu. Árni Sigfússon bæjarstjóri átti
upphaflega hugmyndina að þessu starfi,
sem nú er verið að kynna og þróa á veg-
um grunnskólanna í bæn-
um og fræðsluskrifstofu
Reykjanesbæjar og er í
fullu samræmi við þá verk-
efnaskrá sem bæjaryfirvöld
settu sér á yfirstandandi
kjörtímabili. Samstarf er
hafið eða er að hefjast á
milli fjögurra grunnskóla í
Reykjanesbæ og að
minnsta kosti fjögurra
grunnskóla í Reykjavík um
gagnkvæma speglun þar
sem viðkomandi skólar
eiga að geta borið saman
árangur í tilteknum náms-
greinum eða á tilteknum
sviðum skólastarfs. Eðlilega
tekur nokkurn tíma að
þróa nýja hugmynd á borð
við speglunarverkefnið
innan skólanna og í sam-
starfi á milli þeirra og því
má segja að um lengri
tíma verkefni sé að ræða. Sveitarstjórnar-
mál ræddu við Eirík Hermannsson,
fræðslustjóra í Reykjanesbæ, um þetta
nýja verkefni og fræðslumálin almennt.
Tekið til við innra starf
Gríðarleg áhersla var lögð á
uppbyggingu grunnskólans í
Reykjanesbæ á síðastliðnu
kjörtímabili. Allt húsnæði var
endurnýjað og er að sögn Ei-
ríks örugglega með því besta
sem gerist. Ákveðið var að
nemendamötuneyti yrði til
staðar í öllum fjórum grunnskólunum og
gert var átak í að tvinna starf grunnskólans
og tónlistarskólans þannig saman að tón-
listarskólinn er nú með útibú í öllum
grunnskólum. Forskóli tónlistarskólans er
rekinn með þeim hætti að allir nemendur
í fyrsta og öðrum bekk taka forskólann og
þar með töluverða tónlistarfræðslu sér að
kostnaðarlausu. Eiríkur segir að markið
hafi verið sett hátt til að mæta skólastarf-
inu með gríðarlegum metnaði. „Á síðast-
liðnu kjörtímabili var megináhersla lögð á
uppbyggingu á ytri umgjörð skólans,
gengið var vel frá öllum skólalóðum
þannig að þær eru glæsilegar og í fyrsta
flokks ástandi og allur ytri aðbúnaður er
frábær. Þá var einnig rætt um að þegar
þessum framkvæmdum lyki væri tími
kominn til að einhenda sér í uppbyggingu
innra starfs skólanna. Með því er ég ekki
að segja að það hafi setið á hakanum
vegna mikillar vinnu við útiverk ef svo má
að orði komast því unnið var að ýmsu er
varðar innra starfið. Nú erum við hins
vegar tekin að huga meira að uppbygg-
ingu þess en meðan unnið var af fullum
krafti að ytri framkvæmdum."
Á meðal þeirra bestu
Eiríkur segir skólastarfið byggjast á verk-
efnaskrá bæjaryfirvalda fyrir yfirstandandi
kjörtímabil þar sem áhersla
sé lögð á að grunnskólarnir
í bæjarfélaginu verði á
meðal þeirra bestu á land-
inu hvar sem á verði Iitið.
„Þessi stefnumörkum bæj-
aryfirvalda er eins konar
yfirmarkmið þeirrar verk-
efnaskrár sem við vinnum
eftir. Þar er komið nokkuð
víða við og eitt af því er að
meta eigin störf. Lögð er
áhersla á vandaðar um-
bóta- og sfmenntunaráætl-
anir fyrir skólastarfið og
reynt er að tryggja að
námsmat verði nemendum
til hvatningar. Aukin
áhersla hefur einnig verið
lögð á agamál og á hvern
hátt skólinn tekur á þeim
og leysir." Eiríkur nefnir
einnig samstarf við staðar-
blöðin um að þau fjalli um
skólamálin með jákvæðum hætti og að
skólarnir komi á framfæri við bæjarbúa og
almenning því sem vel er gert innan
þeirra. Með því sé í rauninni verið að
styrkja ímynd skólanna og minna á að þar
er unnið vel. Þeir þurfi rétt
eins og aðrir í samfélaginu að
vera á verði gagnvart ímynd
sinni og gæta þess að neikvæð
umræða skaði ekki störf þeirra.
Tvenn
hvatningarverðlaun
Eiríkur segir að ef tileinka eigi
sér bestu vinnubrögð sem völ er á, bæði á
meðal kennara og nemenda þurfi að læra
af þeim bestu í viðkomandi grein eða fagi.
Þannig hafi hugmyndin um speglunarverk-
Eiríkur Hermannsson, fræÖslustjóri í Reykjanesbæ, og Lára Cuömundsdóttir, aöstoöarskóla•
stjóri Njarövíkurskóla. Aö baki þeirra sér í mátverk Jóns Guömundssonar sem sýnir höf-
uöatvinnuveg Reyknesinga til skamms tíma en málverkiö hangir uppi á Fræösluskrifstofu
Reykjanesbæjar. Viðtalið við Láru er að finna á bls. 27.
„Lögð er áhersla á vandaðar umbóta- og símennt-
unaráætlanir fyrir skólastarfið og reynt er að
tryggja að námsmat verði nemendum til hvatn-
ingar."
25