Sveitarstjórnarmál - 01.10.2004, Blaðsíða 24
Frá íbúaþinginu á Akureyri. - Ljósm. Þorgeir Baldursson.
Akureyrarkaupstaður
um 18 þúsund gulir miðar komið frá þátt-
takendum með ýmsum hugmyndum og
athugasemdum. „í því felst mikill fróðleik-
ur um sjónarmið bæjarbúa, hvað þeir vilja
gera og hvað þeim finnst að beri að var-
ast. Ég held að fólk hafi bæði fengið að
kynnast ólíkum sjónarmiðum og einnig
fengið mjög góða útrás fyrir sínar eigin
skoðanir, sem allt kemur verkefninu að
miklu gagni."
Öflugur miðbær er
nauðsynlegt afl
Sigrún segir flest þeirra viðhorfa, sem fram
komu, jákvæð og endurspegli hug fólks til
bæjarins. Ljóst megi vera að Akureyring-
um þyki vænt um bæinn sinn og séu
stoltir af honum sem heimkynnum sínum.
„Mér finnst það hafa komið berlega í Ijós í
ábendingum frá íbúaþinginu að Akureyr-
ingar eru ánægðir með margt þótt þeir
telji einnig að betur megi gera. Með þessu
verkefni hefur skapast ákveðin
stemmning fyrir því að gera
þetta sjálf og drífa í hlutunum.
Fólk hefur skilning á að öflug-
ur miðbær er nauðsynlegt afl
fyrir Akureyri."
Að gera gott betra
En nánar að þeim hugmyndum sem
komnar eru á borðið. Sigrún segir að fyrst
megi nefna hugmynd um að opna portin í
miðbæ Akureyrar á milli Hafnarstrætis og
Skipagötu. „Þau eru mun sólríkari en sjálf
miðbæjargatan frá Kaupfélagshorninu að
Ráðhústorgi. Þó má geta þess að hug-
mynd var líka varpað fram um að auka
sólina í Hafnarstrætinu með speglum, það
er sem sagt allt hægt. Einnig er áhugi á að
auka veg Strandgötunnar frá hafnarsvæð-
inu á Oddeyrartanga að miðbænum en
Strandgatan er sólríkasta gata Akureyrar.
Þar mætti auka möguleika á mannlífi til
muna með fjölbreyttari starfsemi,
þar á meðal verslunarstarfsemi.
Einnig má benda á að þjóðvegur 1
liggur í gegnum miðbæinn á Akur-
eyri og það er athugandi að gera
hann meira aðlaðandi, gera hann
hluta af bænum og þá með því að
reisa byggingar við hann. Þá má
nefna að fyrirhuguðu Menningarhúsi
á Akureyri er ætlaður staður við Ak-
ureyrarpoll þar sem Strandgatan og
þjóðleiðin mætast í austanverðum
núverandi miðbæ. Eins eru hug-
myndir um byggingar á þeim svæð-
um vestan við þjóðleiðina, sem nú
eru lögð undir bílastæði og svo má
nefna Akureyrarvöll, gamla íþrótta-
völlinn við Glerárgötu, þar sem upplagt
væri að skipuleggja svæði fyrir verslun og
fjölskyldugarð. Það er gríðarlega mikið
ónýtt pláss í miðjum bænum, sem hægt
væri að nýta fyrir margvíslega starfsemi og
einnig græn svæði því mikil áhersla kom
fram á fbúaþinginu um græn svæði."
Sigrún segir að þótt gamla íþróttavallar-
svæðið eigi sér ákveðinn sess í hugum
margra og staða íþróttavallarins viðkvæmt
mál fyrir ýmsa, verði þó einnig að spyrja
hvort þetta sé heppileg framtíðarstaða fyrir
vallarstarfsemi og hvort nauðsynlegt sé
huga að öðrum lausnum í því efni. „Við
eigum yfirbyggt knattspyrnusvæði og
spurning hlýtur að vera um hvort tengja
eigi útivallarsvæði við það með einhverj-
um hætti. Þetta eru hugmyndir sem þarf
að ræða í náinni framtíð."
Eitt miðbæjarsvæði - ein heild
„Fólki er greinilega annt um bæjarmynd-
ina og það vill ekki einhverjar róttækar
breytingar. Vissulega má þó einnig finna
þann áhuga en slagsíðan er fremur á hinn
veginn. Að umbylta ekki, heldur bæta um-
hverfið út frá þeirri bæjarmynd sem er til
staðar. Dæmi um það má nefna að kynnt-
ar hafa verið hugmyndir um háhýsabygg-
ingar á Sjallareitnum í miðbænum en mér
finnst þær ekki mæta miklum áhuga,
fremur andstöðu, þótt fólk telji nauðsyn-
legt að endurbyggja þann hluta miðbæjar-
ins með blandaðri byggð.
Niðurstöður íbúaþingsins sýna líka að
fólk vill ákveðna blöndu af þjónustusvæð-
um, íbúabyggð og grænum svæðum á
miðbæjarsvæðinu. Mér finnst
talsvert eindreginn vilji hafa
komið fram á meðal bæjarbúa
að fórna ekki grænum svæðum
fyrir byggingar og umferðar-
mannvirki. Það má taka hug-
myndirnar saman í stuttu máli
þannig að fólk sjái fyrir sér
blandaða byggð á gamla miðbæjarsvæð-
inu en tengja miðbæinn síðan með ein-
hvers konar útivistar- og fjölskyldusvæði
við verslunarsvæðið á Glerártorgi þannig
að það myndist ein heild, eitt miðbæjar-
svæði," segir Sigrún Björk.
Frá ibúaþinginu á Akureyri. - Ljósm.: ÞB.
„Ég held að fólk hafi bæði fengið að kynnast ólík-
um sjónarmiðum en einnig fengið mjög góða út-
rás fyrir sínar eigin skoðanir, sem allt kemur verk-
efninu að miklu gagni."
24