Sveitarstjórnarmál - 01.10.2004, Blaðsíða 25
Fréttir
Snæfellsnes
Fimm sveitarfélög fá viðurkenningu
Green Globe
Fimm sveitarfélög á Snæfellsnesi og þjóðgarðurinn Snæfellsjökull munu hljóta viðurkenningu fyrir
sjálfbæra ferðaþjónustu, sem afhent verður á Travel Mart ferðasýningunni í Tékklandi 10. nóvember
nk. Öll sveitarfélögin fimm hafa uppfyllt skilyrði Green Globe 21 um sjálfbæra ferðaþjónustu en þau
eru: Snæfellsbær, Stykkishólmsbær, Grundarfjarðarbær, Eyja- og Miklaholtshreppur og Helgafellssveit
Snæfellsnes er sjötta svæðið í heiminum
sem hlýtur þessa alþjóðlegu viðurkenn-
ingu og jafnframt eru þetta fyrstu sveitarfé-
lögin á norðurhveli jarðar sem ná þessum
árangri. Cuðlaugur Bergmann, ferðaþjón-
ustubóndi í Brekkubæ á Snæfellsnesi og
einn af aðalhvatamönnum um fram-
kvæmd Staðardagskrár 21 í Snæfellsbæ,
flutti erindi um Creen Globe á Snæfells-
nesi á ráðstefnu Staðardagskrár 21 á dög-
unum. í erindinu lýsti Guðlaugur mark-
miðum Green Globe og sagði einnig frá
því hvernig unnið hefði verið að málinu á
Snæfellsnesi.
Líffræðilegur fjölbreytileiki
Grundvallarþættir þessarar aðferðafræði
eru m.a. orkusparnaður, verndun and-
rúmsloftsins, að líta ekki á vatn sem sjálf-
sagða og óendanlega uppsprettu, draga
eins og unnt er úr úrgangi, takmarka notk-
un pappírs og fylgja ákveðinni stefnu við
notkun varnaðar- og hreinsiefna. Áhersla
er lögð á líffræðilegan fjölbreytileika og
gæði vatns og einnig að fyrirtæki í ferða-
þjónustu jafnt sem í öðrum greinum fái
umhverfisvottun. Guðlaugur sagði kynn-
ingu mikilvægan þátt við að hefja þetta
ferli en einnig verði að afla skilnings ráða-
manna á hverjum stað á málefninu og fá
þá til þátttöku.
Green Globe eru alþjóðleg vottunar-
samtök sem votta sjálfbæra ferðaþjónustu
um allan heim. Til að koma til móts við
þær viðmiðanir sem samtökin nota verður
að sýna fram á mælanlegan árangur á
hverju ári í ákveðnum verkefnum á sviði
umhverfis- og samfélagsmála. Verkefnis-
stjórn Green Globe á Snæfellsnesi hefur
annast undirbúning en sveitarfélögin og
þjóðgarðurinn sett upp ákveðna fram-
kvæmdaáætlun til þess að vinna eftir.
Frá Ólafsvík.
Skorradalur - Staðardagskrá 21
Staðardagskrá nýtist
í sameiningarstarfinu
Pétur Davíðsson, sveitarstjórnarmaður og
fulltrúi í staðardagskrárnefnd í Skorra-
dalshreppi, segir að þótt sveitarfélög séu
fámenn geti starf staðardagskrárnefnda
verið mjög öflugt. Það hafi sýnt sig í
Skorradal, þar sem sérstök staðardag-
skrárnefnd hefur fundað sjö sinnum á
hálfu ári og þar með náð að Ijúka mótun
fyrstu útgáfu Staðardagskrár 21 fyrir
Skorradalshrepp.
Skorradalshreppur á nú í sameiningar-
viðræðum með Borgarbyggð, Borgar-
fjarðarsveit, Hvftársíðuhreppi og Kol-
beinsstaðahreppi. Pétur segir að þessi
vinna staðardagskrárnefndarinnar nýtist
sveitarfélaginu í þeim sameiningarvið-
ræðum. „Með því að hafa plagg þar sem
kemur fram mótuð framtíðarsýn, komast
sjónarmið Skorradalshrepps betur til skila
inni í sameinuðu sveitarfélagi."
Pétur segir að til að kynna verkefnið
og fá fram skoðanir sumarhúsafólks hafi
verið haldinn fundur með þessum hags-
munahópi og var hann mjög vel sóttur.
Sumarhúsafólkið hafi almennt lýst yfir
ánægju með starfið og þau drög sem
kynnt voru en ein af fjölmennustu sumar-
húsabyggðum á landinu er í þessu fá-
menna sveitarfélagi.
Ætlunin er einnig að Skorradalshrepp-
ur gerist aðili að heimasíðu á svæðinu og
nýti hana til að koma upplýsingum og til-
kynningum á framfæri.
Ö
TÖLVUMIÐLUN
SFS
www.tm.is
25