Sveitarstjórnarmál - 01.11.2004, Blaðsíða 6

Fréttir
Borgarfjörður sunnan Skarðsheiðar
Yfirgnæfandi fylgi við sameiningu
Yfirgnæfandi meirihluti íbúa fjögurra
hreppa í Borgarfirði sunnan Skarðsheiðar
samþykktu sameiningu sveitarfélaganna í
sameiningarkosningu 20. nóvember sl.
íbúar fjögurra hreppa í Austur-Húnavatns-
sýslu samþykktu einnig sameiningu þeirra
hreppa. Með ákvörðun um sameiningu
þessara 8 sveitarfélaga í 2 fækkar sveitar-
félögum í landinu úr 101 í 95 en alls hef-
ur verið kosið um að sveitarfélögunum
fækki um 9 á þessu ári.
Gert er ráð fyrir að sameining sveitarfé-
laganna í Borgarfirði og í Austur-Húna-
vatnssýslu taki formlega gildi við sveitar-
stjórnarkosningarnar 2006.
Mest andstaða í
Skilamannahreppi
Mesta andstöðu við sameininguna var að
finna í Skilamannahreppi í Borgarfirði þar
sem 34 kusu á móti sameiningu en 65
voru meðmæltir henni. Enginn greiddi at-
kvæði gegn sameiningu í Innri-Akranes-
hreppi, fjórir af 59 greiddu atkvæði gegn
sameiningu í Leirár- og Melahreppi og
fimm af 66 voru á móti sameiningunni í
Hvalfjarðarstrandarhreppi.
Afstaða íbúa hinna fjögurra hreppa í
Austur-Húnavatnssýslu með sameiningu er
ekki eins afgerandi þótt sameiningin hafi
verið samþykkt. Sameiningin átti mestu
fylgi að fagna í Sveinsstaðahreppi þar sem
aðeins sex manns af 51, sem þátt tók í
kosningunni, greiddu atkvæði gegn henni.
Talsverð andstaða var við sameininguna í
Svínavatnshreppi þar sem 29 greiddu at-
kvæði gegn henni en 38 voru henni fylgj-
andi. Mun minni andstaða var í Bólstaða-
Sofíía Lárusdóttir og Skúli Björnsson við undirritum meirihlutasamstarfs L- og D lista í hinu nýja sveitarfé-
lagi á Héraði.
Soffía forseti og Eiríkur
bæjarstjóri
Soffía Lárusdóttir verður forseti nýrrar bæj-
arstjórnar í sameinuðu sveitarfélagi á Hér-
aði, Eiríkur Björgvinsson verður bæjar-
stjóri og Skúli Björnsson formaður bæjar-
ráðs. Þetta var ákveðið eftir myndun
meirihluta L-lista félagshyggjufólks og D-
lista sjálfstæðismanna í kjölfar kosninga til
sveitarstjórnar í hinu nýja sveitarfélagi á
dögunum. Soffía var áður forseti bæjar-
stjórnar Austur-Héraðs og Eirfkur bæjar-
stjóri sama sveitarfélags áður en samein-
ing Austur-Héraðs, Norður-Héraðs og
Fellahrepps varð að veruleika.
Nokkrar nýjungar munu verða teknar
upp í stjórnskipulagi hins nýja sveitarfé-
lags með það markmið í huga að gera
stjórnsýslu þess flatari en áður var. Störf
sviðsstjóra, sem voru á Austur Héraði,
verða t.d. lögð niður en sérstökum
fagnefndum þess í stað komið á fót. Dæmi
um þær má nefna sérstakt fræðsluráð og
umhverfisráð sem munu hafa sinn hvorn
starfsmanninn og heyra beint undir bæjar-
stjórn. Gert er ráð fyrir að einhver störf
leggist af við nýja skipan mála en einnig
að ný störf verði að veruleika.
hlíðarhreppi og Torfalækjarhreppi. í Ból-
staðahlíðarhreppi greiddu 13 atkvæði
gegn sameiningu en 44 voru henni fylgj-
andi og íTorfalækjarhreppi voru 15 á móti
sameiningu en 38 meðmæltir.
Steinunn
Valdís borg-
arstjóri
Steinunn Valdís Óskarsdóttir borgarfull-
trúi tók við starfi borgarstjóra Reykja-
víkur um mánaðamótin nóvember -
desember. Samkomulag varð um ráðn-
ingu Steinunnar Valdísar á fundi borg-
arfulltrúa R-listans 10. nóvember sl. eft-
ir að Þórólfur Árnason, borgarstjóri
hafði sagt starfi sínu lausu.
Steinunn Valdís hefur átt sæti í borg-
arstjórn Reykjavíkurborgar frá árinu
1994. Hún átti sæti í viðræðunefnd
þeirra stjórnmálaflokka sem stóðu að
myndun R-listans fyrir borgarstjórnar-
kosningarnar það ár. Hún hóf afskipti
af félagsmálum á háskólaárum sínum,
starfaði í Röskvu og var formaður stúd-
entaráðs um skeið. Steinunn Valdís var
formaður ÍTR í átta ár en tók við for-
mennsku í skipulagsnefnd Reykjavíkur-
borgar að loknum síðustu sveitarstjórn-
arkosningum auk varaformennsku í
stjórn Orkuveitu Reykjavíkur. Steinunn
Valdís á einnig sæti í stjórn Sambands
íslenskra sveitarfélaga.
e
TÖLVUMIÐLUN H-LaUtT www.tm.is