Sveitarstjórnarmál - 01.11.2004, Blaðsíða 10
Sameiningarmál
Öflugt sveitarstjórnarstig
forsenda atvinnuuppbyggingar
Jakob Björnsson segir að efla þurfi atvinnulíf á Eyjafjarðarsvæðinu og auka fjölbreytni þess. Einnig
verði að efla sveitarstjórnarstigið, m.a. með sameiningu sveitarfélaganna á svæðinu.
„Ég hefði kosið að sjá öflugri uppbyggingu í atvinnulífinu hér á
svæðinu og örari fjölgun íbúa," segir Jakob Björnsson, formaður
bæjarráðs Akureyrarkaupstaðar. „Þetta hefur þó þokast í rétta átt
á undanförnum árum en hér er um verkefni að ræða sem raun-
verulega tekur aldrei enda." Jakob segir að baráttan hafi ein-
kennst af vörn um nokkurra ára skeið; einkum eftir að fjölmennar
atvinnugreinar hafi nánast horfið af sjónarsviðinu á skömmum
tíma. „Engu að síður tókst okkur að halda í horfinu en þessi varn-
arbarátta, sem varð að heyja, hefur eðlilega sett nokkurt mark á
framþróun atvinnulífsins og þar með möguleika til íbúfjölgunar."
Höfum styrkt undirstöðurnar
Jakob bendir á að Akureyrarkaupstaður hafi lagt sitt af mörkum til
þess að gera bæinn eftirsóknarverðan til búsetu. Unnið hafi verið
að því að styrkja undirstöður samfélagsins og innviði þess til þess
að geta veitt íbúum þá þjónustu sem nútíma samfélag gerir kröfu
um. „Ég tel að þetta hafi tekist ágætlega og sé þegar farið að skila
umtalsverðum árangri en því er ekki að leyna að nauðsynlegt er
að fá meiri fjölbreytni í atvinnulífið og fjölga störfum á Akureyri
og á Eyjafjarðarsvæðinu sem heild. Atvinnumálin í landinu eru
með þeim hætti að mun meiri þrýstingur er á sveitarfélög á
landsbyggðinni um að koma með einhverjum hætti að atvinnu-
málum en á höfuðborgarsvæðinu. Þau hafa reynt að bregðast við
þessu með þeim ráðum sem þeim eru tiltæk, m.a. með því að
styrkja innviði sína og bjóða aukna og betri þjónustu. Getu þeirra
er þó mjög þröngur stakkur skorinn í þeim efnum."
)akob Björnsson hlýöir á mál Þorkels Helgasonar orkumálastjöra á aöalfundi
Eyþings 25. september sl.
Eitt atvinnusvæði - eitt sveitarfélag
En hvernig sér Jakob Akureyri og Eyjafjarðarsvæðið sem eina
heild í framtíðinni? „Ég sé fyrir mér eitt samtengt atvinnusvæði.
Samgöngur eru orðnar mjög góðar og sveitarfélög hafa verið að
sameinast að undanförnu. Fyrir rúmum áratug voru 17 sveitarfé-
lög á þessu svæði en nú eru
þau tíu." Jakob segir að nú
séu hafnar viðræður um að
sameina Eyjafjarðarsvæðið í
eitt sveitarfélag og nýlega hafi
Rannsóknastofnun Háskólans
á Akureyri verið falið að
kanna áhrif slíkrar sameining-
ar. „Þetta hefur farið hægt af
stað en ég tel að niðurstöður könnunarinnar, sem eiga að liggja
fyrir í byrjun desember, geti orðið mjög mikilvægt innlegg í um-
ræðuna. Vissulega er um umtalsverða breytingu að ræða verði
þetta svæði gert að einu sveitarfélagi eins og sameiningarnefnd
sveitarfélaga leggur raunar til. Við eigum við einn vanda að glíma
sem ekki er fyrir hendi annars staðar á landinu. Hann er sá að
eitt sveitarfélagið, Akureyrarkaupstaður, er meira en tvisvar sinn-
um fjölmennara en öll hin sveitarfélögin, frá Siglufirði í vestri til
Grýtubakkahrepps í austri, til samans." Jakob segir að skoðanir
séu skiptar um þetta á Eyja-
fjarðarsvæðinu eins og annars
staðar og fyrir mörgum sé um
viðkvæmt mál að ræða. Þess
vegna skipti undirbúningurinn
svo miklu. Hann kveðst ekki á
þessu stigi vilja spá um hvenær
svo víðtæk sameining muni
verða að veruleika. „Hugsanlega getur það orðið í sameiningar-
kosningunum, sem eiga að fara fram á vori komanda en svo get-
ur einnig farið að þetta þurfi meiri tíma og verði að eiga sér stað í
einhverjum áföngum."
„Ég vil einnig benda á að ýmsar undirbúnings-
rannsóknir hafa þegar farið fram í Eyjafirði. Þar er
ákjósanlegt hafnarstæði fyrir hendi í skipulagi og
stór iðnaðarlóð."
Ö
TOLVUMIÐLUN
H-Laun
www.tm.is
10