Sveitarstjórnarmál - 01.11.2004, Blaðsíða 12
Sameiningarmál
Stóriðja næsti kostur
Sér Jakob fyrir sér öflugan vinnuveitanda á borð við stóriðju á
þessu svæði? „Já, tvímælalaust geri ég það. Stóriðjumálin hafa
lengi verið til umræðu hér þótt ekki hafi verið farið af stað með
slíka framkvæmd og aðrir staðir orðið fyrir valinu. Þetta mál hef-
ur þó alltaf verið vakandi og nú hefur orðið vart við áhuga er-
lendra aðila á að fjárfesta í stóriðju á Norðurlandi. Unnið er að
könnun á möguleikum þess á að koma á fót svonefndri álþétta-
verksmiðju á Akureyri og á nýlega afstöðnu ársþingi Eyþings flutti
Þorkell Helgason orkumálstjóri erindi þar sem hann fjallaði m.a.
um orkuöflun til orkufreks iðnaðar á þessu svæði, hvaða kostir
væri í stöðunni og hvaða flutningsleiðir væri hagkvæmastar. Þótt
þarna hafi verið um frumathuganir að ræða og fremur lagðar
fram til þess að svara þeim spurningum sem óhjákvæmilega
koma upp f þessu sambandi, þá voru niðurstöður hans á þá leið
að hagkvæmast yrði að flytja orkuna til stóriðju á Eyjafjarðar-
svæðinu. Ég vil einnig benda á að ýmsar undirbúningsrannsóknir
hafa þegar farið fram í Eyjafirði. Þar er ákjósanlegt hafnarstæði
fyrir hendi í skipulagi og stór iðnaðarlóð." Jakob tekur fram að öll
þessi mál séu enn á undirbúningsstigi og því of snemmt að segja
fyrir um hvenær framkvæmdir af þessum toga myndu hefjast. „Ég
er engu að síður fullviss um að komi til orkufreks iðnaðar á Eyja-
fjarðarsvæðinu myndi það gerbreyta allri aðstöðu í atvinnulegu
tilliti. Uppbyggingin hér hefur einkum verið í kringum Háskólann
á Akureyri sem er af hinu góða, en við þurfum á fjölbreytni að
halda. Hér vantar störf fyrir fólk í iðnaði og svo myndu margfeld-
isáhrifin af stórum vinnustað skila sér strax inn í umhverfið," segir
Jakob og bendir á þau miklu umsvif sem orðið hafa á Austurlandi
að undanförnu og séu enn að aukast.
Öflugt sveitarfélag forsenda
Jakob segir að menn megi þó ekki einskorða sig við einn þátt í
þessari atvinnuuppbyggingu. Ekkert sé fast í hendi fyrr en gengið
hafi verið frá öllum endum. Þess vegna verði að hlúa að hverju
því sem til nýrrar atvinnustarfsemi heyri. Stórt og öflugt sveitarfé-
lag myndi gegna veigamiklu hlutverki í því efni. „Það hefur kom-
ið í Ijós, m.a. á Austurlandi, að stærri einingar á sveitarstjórnar-
stiginu eru forsenda þess að unnt verði að ráðast í stórar fram-
kvæmdir á sviði atvinnumála. Það hefur margoft komið fram að
myndun Fjarðabyggðar var ein grunnforsenda stóriðjufram-
kvæmdanna eystra og nú hafa íbúar á Héraði gengið öðru sinni
til sameiningar sveitarfélaga á svæðinu. Af þessu getum við lært
ávo og öðrum sameiningum sem átt hafa sér stað víðs vegar um
landið," segir Jakob Björnsson.
Fréttir
Skagamenn
horfa til
Reykjavíkur
Um 14% Akurnesinga nefndu Reykjavík í könnun sem Rann-
sóknastofnun Háskólans á Akureyri gerði á meðal íbúa á Vestur-
landi um afstöðu þeirra til sameiningar sveitarfélaga. Um 92%
Skagamanna reyndust hlynnt sameiningu í einhverri mynd og
horfa flestir þeirra til sameiningar við fjóra hreppa sunnan Skarðs-
heiðar. Um 11% þátttakenda á Akranesi nefndu sameiningu við
Borgarbyggð sem ákjósanlegan kost.
Sameiningarnefnd sveitarfélaga hefur ekki gert tillögur um
sameiningu Akraneskaupstaðar við önnur sveitarfélög. Nú fara
fram viðræður um sameiningu fjögurra hreppa sunnan Skarðs-
heiðar; Hvalfjarðarstrandarhrepps, Innri-Akraneshrepps, Leirár- og
Melahrepps og Skilamannahrepps og er niðurstöðu þeirra við-
ræðna beðið. Ekkert þessara fjögurra sveitarfélaga nær 200 íbúa
marki og samanlagður íbúafjöldi þeirra er innan við 600. I Akra-
neskaupstað búa hins vegar tæplega 6.000 manns eða um tífald-
ur íbúafjöldi hreppanna fjögurra.
Ef litið er til Vesturlands alls, eða þess svæðis sem könnun
Rannsóknastofnunar Háskólans á Akureyri náði til, eru sem fyrr
segir 92% Akurnesinga hlynnt sameiningu en aðeins 8% andvíg.
í Borgarbyggð eru 89% hlynnt sameiningu en 11% andvíg og í
Borgarfjarðarsveit eru 88% hlynnt sameiningu en 12% andvíg.
Nú standa yfir viðræður á milli Borgarbyggðar og Borgarfjarðar-
sveitar um sameiningu auk þriggja annarra sveitarfélaga í Borg-
arfirði norðan Skarðsheiðar.
12
Ö TÖLVUMIBLUN H-LaUtl wwvv.tm.is