Sveitarstjórnarmál - 01.11.2004, Blaðsíða 19

Mánuðirnir frá febrúar til apríl eru dýrðlegir. Á vélsleða f nágrenni Seyðisfjarðar.
og listum. Hópur listamanna og áhuga-
manna stofnuðu félagsskap sem nefnist
Skaftfellshópurinn og er opinn öllum
þeim sem áhuga hafa. Grfðarlega mikil
sjálfboðavinna hefur átt sér stað og í
bland við fjármagn af fjárlögum Alþingis
hefur tekist að byggja upp einstaka mið-
stöð myndlistar. í húsinu er veitingahús á
jarðhæð, sýningarsalur á annarri hæð og
vinnustofa og íbúð fyrir listamenn á efstu
hæðinni. Skaftfell er vel þekkt meðal lista-
manna, bæði hér á landi og erlendis.
Sveitarfélögin á Austurlandi (SSA) gerðu
með sér samning um menningarmál og
gengu til samninga við hið opinbera um
fjármagn. í þeim samningi er gert ráð fyrir
fjórum menningarmiðstöðvum á fjórum
stöðum og er Skaftfell skilgreind sem mið-
stöð myndlistar á Austurlandi. Unnið hef-
ur verið að þróun miðstöðvanna þannig
að á Eskifirði er miðstöð tónlistar, á Egils-
stöðum verður miðstöð sviðslista og á
Höfn er miðstöð ritlistar. Stefnt er að því
að hver miðstöð sinni öllu svæðinu með
sérfræðiráðgjöf, námskeiðshaldi o.fl. á
sínu sérsviði. í kjölfar menningarsamn-
ingsins var Menningarráð Austurlands
stofnað sem hefur fjölþætt starfssvið á
sviði menningarmála, m.a. vinnur starfs-
maður ráðsins að samstarfi á fjórðungsvísu
og einnig að samstarfsverkefnum á milli
aðila á Austurlandi og Vesterálen í Noregi
svo dæmi séu tekin."
Á seyði 10 ára
Listahátíðin Á seyði hefur verið haldin frá
því 1995 er kaupstaðurinn hélt upp á 100
ára afmæli sitt. Aðalheiður segir fjölmarga
listamenn, innlenda sem erlenda, hafa lagt
leið sína til Seyðisfjarðar með listsköpun
sína í farteskinu. „Árið 2005 er merkisár
þar sem listahátíðin verður 10 ára og
kaupstaðurinn 110 ára. Það er eitt af verk-
efnum vetrarins að undirbúa hátíðarhöld
af þessu tilefni. Stefnt er að því að halda
myndlistarsýningar víða um bæinn og há-
tíðirnar í hátíðinni „Bláa kirkjan, LungA,
Karlinn í tunglinu og Norskir dagar" verða
færðar í sparibúning, svo mikið er víst."
Aðalheiður segir Seyðisfjarðarkaupstað
hafa staðið myndarlega að uppbyggingu
ferða- og menningarmála, lagt hafi verið
fjármagn í undirstöður sem tryggi þeim,
sem starfa í þessum mjög svo tengdu
greinum, betri aðstöðu til að þroska sig.
Þar með sé hægt að bjóða upp á betri
þjónustu sem nýtist, hvort heldur um er
að ræða bæjarbúa sjálfa eða gesti þá er
sækja Seyðisfjörð heim.
Til og frá Seyðisfirði er greið leið
r
til helstu staða á Islandi og í Evró
Upplýsingamiðstöð Ferjuleiru, sími 472-1551 netfang: ferdamenning@sfk.is Nánar á www.sfk.is