Sveitarstjórnarmál - 01.12.2004, Blaðsíða 7

Kennslan nær til 19 staða á landinu og ekkert útlit er fyrir annað en að fjöldi nemenda aukist enn frekar á
næstu árum.
Ijúka þeim verkum. Því má gera ráð fyrir
að um umtalsverðar byggingaframkvæmd-
ir verði að ræða á næstu árum. Trúlega á
öllum þessum áratug og ef til vill fram á
þann næsta."
Gluggi til annarra landa
Háskólinn á Akureyri sinnir ekki ein-
göngu starfsemi á innlendum vettvangi.
Þorsteinn rektor segir að með sinni al-
þjóðlegu starfsemi sé skólinn að mörgu
leyti gluggi bæjarsamfélagsins til annarra
landa. „Stofnunin á í mjög umfangsmikl-
um alþjóðlegum samskiptum og með
þeim kemur hún nafni bæjarins á kortið á
fjarlægum stöðum. í því sambandi má
nefna umfangsmikið samstarf um kennslu
og rannsóknir á norðurslóðum og stofnan-
ir sem sinna málefnum norðursvæða og
eru til húsa á háskólasvæðinu. Akureyrar-
bær er þegar orðinn virkur þátttakandi í
þessu norðurslóðasamstarfi á eigin for-
sendum."
Réttindaskortur að hverfa
Fyrir stofnun Háskólans á Akureyri var
mikill skortur á menntuðu vinnuafli á Ak-
ureyri og Eyjafjarðarsvæðinu. Hjúkrunar-
fræðinga vantaði til starfa, einnig grunn-
skólakennara og leikskólakennara. En eftir
að Háskólinn fór að útskrifa hjúkrunar-
fræðinga og kennara hefur reynst unnt að
fullmanna grunnskólana með réttinda-
kennurum; hlutfall réttindakennara í leik-
skólum eykst stöðugt og skortur á hjúkr-
unarfræðingum heyrir sögunni til. Þor-
steinn segir að þessar breytingar megi
rekja beint til þess að fólk getur sótt þessa
menntun á heimslóð og haldið sfðan út á
vinnumarkaðinn en hverfi ekki burtu að
námi loknu.
Sveitarfélögin hafa
sýnt mikinn metnað
Háskólinn á Akureyri þjónar ekki ein-
göngu Akureyrarkaupstað og Eyjafjarðar-
svæðinu heldur
teygja áhrif hans
sig um nær allt
land. Deildir
skólans eru í
samstarfi við
símenntunar-
stöðvar og sveit-
arfélög vítt og
breitt um landið. „Þessar símenntunarmið-
stöðvar eru í eigu viðkomandi sveitarfé-
laga auk þess sem framhaldsskólar, sam-
tök atvinnulífs og launafólks koma þar við
sögu," segir Þorsteinn og bendir á að með
þessu samstarfi við sveitarfélögin og at-
vinnulífið hafi tekist að mynda mjög öfl-
ugt fjarkennslunet sem geri kleift að bjóða
upp á fjarnám til háskólagráðu sem er að
miklu leyti sambærilegt við það staðar-
nám sem fer fram við Háskólann á Akur-
eyri. „Fólk sem stundar þetta nám er oft
lykilfólk í sínum byggðarlögum og vill
nýta fjarnámið til þess að styrkja stöðu
sína á vinnumarkaði og þetta námsfram-
boð gerir því einnig kleift að búa áfram í
heimahögum sínum jafnframt því að efla
menntun sína og stöðu byggðarlagsins út
frá því." Þorsteinn vitnar í blað um sí-
menntun, sem gefið var út sem fylgiblað
með Morgunblaðinu í byrjun skólaárs í
haust, og segir að þar hafi verið talað við
nokkuð marga fjarnemendur. Komið hafi í
Ijós að þeir hafi nánast allir stundað nám
við Háskólann á Akureyri, sem e.t.v. þurfi
ekki að koma á óvart í Ijósi þess hvað
skólinn bjóði víða upp á þessa þjónustu.
„Ég vil geta þess að sveitarfélögin hafa
sýnt mikinn metnað við uppbyggingu
þessarar símenntunar. Og það er eitt af
ánægjulegustu störfum mínum sem rektor
að fylgjast með þeim mikla áhuga sem
sveitarstjórnarmenn hafa sýnt við upp-
byggingu símenntunarstöðvanna og
möguleika á háskólanámi í heimabyggð."
Óraði ekki fyrir þessari þróun
Umrætt fjarnám hófst á árinu 1998 og er
áhersla lögð á að veita þessa þjónustu
jafnt í fámennum byggðum sem þéttari.
„Okkur óraði ekki fyrir þessari þróun,"
segir Þorsteinn. „Cjörbreyttir möguleikar
til gagnaflutninga eiga auðvitað stóran
þátt í að þetta hefur tekist en það sýnir
einnig þörfina sem er fyrir hendi og fer
vaxandi með hverju ári sem líður." Þor-
steinn segir að auk þess sem unnt sé að
skapa námsaðstöðu vítt og breitt um land-
ið þá henti þetta námsfyrirkomulag mörgu
fólki, ekki síst því sem sé að auka við
menntun sína, t.d. til þess að afla sér til-
tekinna starfsréttinda vegna þess hversu
sveigjanlegt námsfyrirkomulag sé um að
ræða. „Oft stundar fólk vinnu jafnframt
náminu en þetta fyrirkomulag gerir vissu-
lega meiri kröfur til þess um sjálfsaga en
staðarnámið. Það kemur þó jafnan ekki
að sök því oft er um eldri nemendur að
ræða sem búa yfir einbeittum vilja um
hvert skuli stefna. Samstarf Háskólans á
Akureyri og sveitarfélaganna í gegnum
símenntunarstöðvarnar hefur skapað nýja
möguleika fyrir fólk á landsbyggðinni til
þess að afla sér háskólamenntunar og ég
vonast til að unnt verði að efla og auka
þetta starf á komandi árum."
„Þetta fólk setur lit sinn á samfélagið og hefur
margvísleg áhrif hér, bæði með nýjum hugmynd-
um sem það flytur með sér og einnig með þeirri
þjónustu sem það kallar eftir."
SFS
TÖLVUMIÐLUN
www.tm.is
7