Hermes - 01.05.1970, Blaðsíða 2

hermes
útgefandi:
NSS
1970 - 11. órg. -1. tbl.
ritstjóri:
REYNIR INGIBJARTSSON
aðrir I ritstjórn:
DAGUR ÞORLEIFSSON
GUÐMUNDUR PÁLL ÁSGEIRSSON
JÓNAS FR. GUÐNASON
setning og prentun:
PRENTSMIÐJA JÓNS HELGASONAR
myndamót:
RAFGRAF
Hér kemur fyrir sjónir ykkar félagar góðir fyrsta tölublað Her-
mesar á þessu ári og jafnframt hið eina í rúmt ár og er það miður.
Þetta blað er hið átjánda í röðinni frá upphafi og eru lesendur
beðnir að athuga það, að ekkert hefti númer 17 hefur komið út, þar
sem þau mistök urðu í fyrra, að hefti það, sem þá kom út bar sama
númer og annað tölublað frá 1968, sem fjallaði um Nóbelsverðlauna-
skáldið Asturias.
Ekkert Nóbelsblað kom út í fyrra og er orsök þess sú, að engin
Nóbelskynning var í Samvinnuskólanum í fyrravetur. í haust
verður hins vegar væntanlega gefið út blað af Hermesi, þar sem
fjallað verður um þau skáld bæði, sem kynnt voru á Bifröst í vetur
sem leið.
Eins og sjá má af efni þessa heftis hefur talsvert líf verið í starfi
NSS að undanförnu. Gallinn er bara sá að félagar, sem búsettir eru
utan Reykjavíkursvæðisins hafa litla möguleika til að vera með í
starfi. Þótt Hermes flytji þeim einhverjar fréttir, þá duga þær
skammt á móts við það, að fylla hóp skólafélaga. Hefur margt verið
rætt um úrbætur en fátt virðist um haldgóð úrræði, sem jafna
þennan aðstöðumun á milli dreifbýlismanna og þéttbýlisbúenda.
Eitt af því sem borið hefur á góma varðandi starfsemi NSS, er
þörf á húsnæði fyrir félagsstarfið. Hefur stjórn NSS í tilefni þess
m. a. ritað stjórn Sambands ísl. Samvinnufélaga bréf, þar sem
hreyft er hugmynd, sem áður hefur komið fram þess efnis, að gera
hús Jónasar Jónssonar frá Hriflu, sem er í eigu SÍS að félagsmiðstöð
Samvinnumanna og skapa þar aðstöðu fyrir margháttað félagsstarf.
Hús þetta, sem teiknað er af snillingnum Guðjóni heitnum Sam-
úelssyni, mun geta hentað mjög vel til félagsstarfsemi og væri mjög
við hæfi ef hús þetta, sem mun verða rýmt innan tíðar, yrði sann-
kallaður félagsvettvangur og NSS ætti þar hlut að máli.
í þessu hefti Hermesar hefur verið reynt að fylgja svipaðri efnis-
tilhögun og að undanförnu. Ef til vill finnst sumum efnið helzt til
skólabragslegt og djúpt á alvörunni. Vera má að svo sé. Ég held þó
að vettvangar fyrir alvörumeiri skrif séu nægir. Hugblær skóla-
áranna á líka sitt líf. Hvers vegna ekki að gefa hinum gáskafullu og
hugljúfu Bifrastarárum svolítið lengra líf á síðum Hermesar, þótt
nokkur ár séu liðin frá skólaslitadeginum á Bifröst hjá okkur
Reynir Ingibjartsson
sumum.