Hermes - 01.05.1970, Blaðsíða 3

Skýrsla
stjórnar
Starfsskýrsla flutt af formanni, Sœvari Sigurgeirssyni á
aðalfundi NSS að Bifröst, 31. ágúst 1969.
Starfsemi Nemendasambandsins á síðastliðnu ári
hófst að venju á, að haldinn var dansleikur í
Tjarnarbúð, kynningardansleikur fyrir verðandi
nemendur að Bifröst.
Þann 27. desember var haldinn aðaldansleikur
ársins og þá í Þjóðleikhúskjallaranum. Var að-
sóknin því miður ekki eins góð og við hafði verið
búizt, hvort sem kenna má um mislingum, sem
þá voru að ganga eða minnkandi samtakamætti
og félagshyggju. Annars einkenndist starfsemin
aðallega af tvennu. í fyrsta lagi: lélegum fjárhag
og í öðru lagi af tilraunum í starfseminni, sem
stundum áður hafði verið gefizt upp á. Til að
mynda var komið á fót þriggja kvölda tvímenn-
ingkeppni í bridge, sem 14 pör tóku þátt í og
heppnaðist ljómandi vel. Sama má segja um fé-
lagsvist sem haldin var að Hótel Sögu og hrað-
skákkeppni sem haldin var í sal Skáksambands-
ins. Sýndu þessar tilraunir, að góður grundvöllur
er til að halda áfram á þessari braut. Má þar
nefna jafnvel sveitakeppni í bridge og skák-
keppni þar sem keppt yrði um skákmeistaratitil
NSS. Gæti sú keppni staðið í einn til tvo mánuði.
Ennfremur getum við nefnt félagsvist, þar sem
spilað væri reglulega einu sinni í mánuði. Ein
tilraun er ónefnd, en hún er sú að tekin voru á
leigu húsakynni Dansskóla Hermanns Ragnars,
og var hugmyndin að bjóða þar upp á skemmtun
með plötumúsik, þar sem kostnaður væri enginn,
ef það væri hann sem fólk helzt setti fyrir sig.
En því miður tókst þetta ekki eins vel og vert
hefði verið.
í lok marz fór 19 manna hópur að Bifröst til
kynningar á NSS. Var haldinn kvöldvaka og
keppt við heimamenn í skák og stökkum, þar
sem aðilar skildu jafnir í hvorutveggja, en þeir
unnu aftur á móti knattspyrnuna. Þótti ferðin
takast mjög vel.
í tilefni af 10 ára afmæli Nemendasambandsins
og 50 ára afmæli Samvinnuskólans ákvað stjórn
NSS og fulltrúaráð að veita grip, er hljóta skyldi
nafnið Félagsstyttan, þeim nemanda er skarar
fram úr á sviði félagsmála ár hvert.
Var Sveinn Ólafsson myndskeri fenginn til að
smíða gripinn í stuðlabergsformi að sjálfsögðu.
4. maí fór fulltrúi frá NSS að Bifröst og afhenti
hann Félagsstyttuna við skólaslitin. Fyrstur til
að hljóta gripinn var Atli Freyr Guðmundsson,
en hann fékk afsteypu til eignar.
Nemendasambandið tók að sér dreifingu á
Vefaranum, þar sem 50 ára afmælis skólans var
sérstaklega minnzt. Félögum úti á landsbyggð-
inni var sent það að kostnaðarlausu en aðrir
greiddu 50 kr. fyrir blaðið.
í vor kom 16. tölublað Hermesar út. Var það
fjölbreytt að efnisvali og aðstandendum þess til
mikils sóma, sérstaklega Reyni Ingibjartssyni
ritstjóra.
Á árinu voru haldnir einir þrír fundir með
Fulltrúaráðinu en það skipuðu þessir fulltrúar.
Sigfús Gunnarsson fyrir 1957
Haukur Harðarson fyrir 1958
Þráinn Scheving fyrir 1959
Logi Runólfsson fyrir 1960