Hermes - 01.05.1970, Blaðsíða 13

miklu út úr markaðnum og hvernig varð rekst-
ursútkoman?
Niðurstöðurnar voru svo keyrðar í gegnum
rafreikninn, sem skilaði efnahags- og reksturs-
reikningi ársfjórðungslega, og síðan var gert upp
eftir árið.
Voru niðurstöður nemenda mjög jákvæðar,
t. d. jókst eigið fé fyrirtækjanna stórlega. Er mér
kunnugt um, að enginn skóli hefur farið í þennan
stjórnunarleik fyrr hérlendis, ef undan er skilin
viðskiptadeildin í Háskólanum.
— Veturinn 1968—1969 leystu nemendur í öðr-
um bekk af hendi ákveðin hópverkefni í reksturs-
hagfræði og bókhaldi. Hver er skoðun þín á slíkri
hópvinnu og mun hún brátt leysa utanbókar-
staglið af hólmi?
— Ég er ekki í nokkrum vafa um það, að ef
hægt er að koma við slíkum hópverkefnum, þá
skila þau langtum betri árangri en venjuleg
kennsla, og bezt væri auðvitað, ef hver kennari
gæti kennt svona fimm manna hópi, en það þarf
fjármagn til slíks.
Þessi tilraun, sem gerð var í rekstrarbókhaldi
tókst að ég held mjög vel og sýndi, hvað hægt er
að gera í heimavistarskóla með ekki of marga
nemendur.
Til að styðja þetta enn betur, þá er hér ágætt
bókasafn og okkur hafa áskotnazt á síðustu mán-
uðum ýmis tímarit um efnahagsmál, sem mikill
fengur er að.
— Álítur þú þá núverandi stærð skólans heppi-
lega, og að orkað geti tvímælis, að stækka hann
frá því sem nú er?
— Ég held að þessi skóli megi ekki vera miklu
stærri, og ef hér væri t. d. 200 manna skóli, þá
væri hér ekki sú samheldni, sem er meðal nem-
enda þessa skóla. Þetta er eins og ein fjölskylda
hér.
— Hvaða munur finnst þér á, að hafa bæði
verið hér sem nemandi og kennari?
— Það er kannske ekki eins mikill munur og
halda mætti. Margvíslegir kostir fylgja því, að
hafa verið hér nemandi. Maður þekkir skólabrag-
inn, og sem kennari á maður auðveldara með að
setja sig í spor nemendanna. Mér finnst að skóla-
lífið hafi breytzt mjög lítið, og furðulegt hvað
við höldum í gamlar „tradisjónir“.
— Og nemendurnir, finnst þér þeir nokkuð
hafa breytzt?
— Mér virðist það ekki. Árgangarnir eru að
vísu misjafnir frá ári til árs varðandi áhugamál.
Nú eigum við t. d. mjög gott skáklið og góða
hljómsveit. í fyrra voru hér mjög góðir söng-
menn, og þegar ég var nemandi var hér gott
,,Happening“ (uppákoma) höfð í frammi í
Hátíðarsal skólans.