Hermes - 01.05.1970, Blaðsíða 19
um þarna á sitt vald. Er hér var komið sögu
drógu þær úr pússi sínu andlitsfarða og klíndu
á búk Sigurði. En þar sem ákafinn var mikill
leið ekki á löngu þar til allt hans nakta hold var
hulið með lit og eigi lá annað fyrir en að afhjúpa
meira, kom illfyglum þessum í huga spakmælið
góðkunna, „hætta ber hverjum leik þá hæst hann
stendur“ og hurfu af staðnum, en létu Sigurð
liggja eftir yfirbugaðan og ferlegan ásýndum.
Var honum þó fljótlega komið til aðstoðar við
að þvo sig allan, og var síðan lagt á ráðin um
hefndir. Var ákveðið að beina gegn tilræðis-'
kvendunum þeirra eigin vopni. Var það gert og
þær málaðar á hinn afkáralegasta hátt og síðan
leiddar um sali öðrum til viðvörunar og þeim
sjálfum til sárrar skapraunar. Var þetta mál síð-
an að mestu látið niður falla.
En ef við lítum nú aðeins á Akademíuna, þenn-
an voðalega félagsskap, sem stjórnast af sýndar-
mennsku og hroka þeirra „idiota“, sem í félaginu
eru, þá kemur í Ijós, að ekki hafði hún sig eins
illilega í frammi. Þó voru þeir sem félagsskap-
inn skipuðu ekki alveg af baki dottnir, átu þeir
a. m. k. einu sinni sína gæs í borðstofu og mis-
þyrmdu verkum meistara með lélegum upplestri
o. fl. Voru deilur um félagið harðar mjög og
skoðanir mjög skiptar sem eðlilegt er um annað
eins skelfingar fyrirbrigði.
En það gerðist fleira en það sem flokka má
undir hálfgerða undirheimastarfsemi. Nokkrir
áhugamenn um ljóðagerð tóku sig til og stofnuðu
hagyrðingaklúbbinn Braga. Var starfsemin á
þann hátt, að með u. þ. b. hálfsmánaðar millibili
komu félagar saman og leiddu saman hesta sína
á sviði vísna- og ljóðagerðar. Kom margt
skemmtilegt frá þeim félögum, bæði lausavísur
og heil kvæði um ýmsa atburði sem áttu sér
Oskudagsfagnaður.
stað í skólanum. Þá ortu þeir einnig mikinn
hluta vísnanna sem í ECCE HOMO birtust. Má
segja, að Bragi sé nokkurn veginn endurvakning
á félagsskapnum Kvasir, sem nú starfar sem mál-
fundafélag pilta í 1. bekk, en var upphaflega fé-
lag fárra manna sem áhuga höfðu á kveðskap og
ljóðagerð.
Þá var það einnig nýlunda, að stúlkur 1. bekkj-
ar stofnuðu með sér málfundafélag. Var það í
febrúar sem félagið var stofnað, og starfaði síðan
með miklum blóma síðari hluta vetrarins. Nafn
félagsins var Kvarnir.
Eins og undanfarin ár í skólanum starfaði
íþróttanefnd, sem sá um framkvæmd alls skipu-
lagðs íþróttalífs á setrinu, en það var með mikl-
um blóma í vetur. Sett voru mörg skólamet í
hinum ýmsu íþróttagreinum, svo sem lyftingum,
langstökki og fleiru. Flest skólametin setti Ás-
geir Ragnarsson eða alls fimm. Þá voru háðar
keppnir við aðra skóla í Borgarfirði, auk ýmissa
keppna innan skólans.
Af þessu sem hér hefur verið sagt má sjá, að
lífið að Bifröst hefur eins og áður er sagt, verið