Hermes - 01.05.1970, Blaðsíða 22

... í þessari borg hafa margir menn lifað ... ég
þekkti einn ... hann átti heima við hafið ... hann
var rithöfundur, skáld, myndhöggvari, listmálari
og tónskáld ... daga og nætur vann hann við list-
greinar sínar ... augu hans loguðu af sköpunar-
þrá ... menn forðuðust hann ... en ég var ekki
hræddur ... á hverjum degi fór ég heim til hans
og ræddi við hann ... ég var eini maðurinn, sem
hann þekkti...
Hann sagði: Ég er brjálaður maður, það vitum
við öll, en verk mín eru dáð af öllum heiminum,
Einar Björgvinsson
útskrifaðist fró Bifröst I vor
og starfar nú sem blaðamaður
við Tímann.
Einar hefur talsvert fengizt
við ritsmíðar m. a.
gefið út barnabók.
HIL.LING
smásaga efftir
EINAR BJÖRGVIN
og allir vilja hafa þau í híbýlum sínum. Samt
óttast mig allir — meira að segja þú, þótt þú
viljir ekki kannast við það. Ég er dæmdur til
þess að vera einn einn einn ætíð einn og lifa í
litauðugum heimi sköpunarinnar, sem ég geri,
og lifi glaður. Samt langar mig til þess að ganga
meðal fólksins og ræða við það. En fólkið ræður,
og á það ekki að ráða, er ég ekki vegna fólksins,
en ekki fólkið vegna mín. Ég á að skapa gleði
og þroska því til handa og ef til vill — því miður
skraut. Til þess er ég dæmdur, og allir verða að
taka dómi sínum með þögn, ef hann er réttlátur.
Þú spyrð kannske: En þessi dómur er ei rétt-
látur, hví mátt þú ekki eins og annað fólk ganga
um strætin. Og ég svara: Jú, vinur minn, þegar
almenningur dæmir eins, þá er dómurinn rétt-
látur, því að almenningur er rétturinn, lögin.
Sjáum til. Ef ég nú stæði upp og hrópaði: Af
hverju fæ ég óréttlátan dóm? Hvað mundi
gerast? Jú ég yrði höndum tekinn og sendur á
heimili þeirra geðveiku og sjá: Ég væri kominn
inn í samfélag mitt. En þá hefði ég ei lengur
sköpunarþrá og líkami minn myndi leysast upp
og að engu verða.
— daginn eftir að listamaðurinn mikli hafði
þetta mælt — var hann ei í híbýlum sínum þegar
ég kom til þess að heimsækja hann — ég gekk
þá út á meðal fólksins og spurði frétta — og
fólkið sagði mér, að listamaðurinn mikli hefði
verið brenndur á Torginu við sólarupprás ásamt
öllum sköpunarverkum hans — og hann hafði
sameinazt þeim í svörtum reykjarmekki, er
stigið hafði upp í kyrran bjartan himininn.
... og nú stend ég hér einn og græt yfir hinni
auðu borg, þar sem margir menn hafa búið ...