Hermes - 01.05.1970, Blaðsíða 26
HEIMSOKN I HOFSTADASEL
Rætt við Véstein Vésteinsson - Spyrill Álfur Ketilsson
Að lokinni Sæluviku lögðum við félagar, Tryggvi
Guttormur Eymundsson og ég, upp frá Króknum
til að sækja Véstein bónda Vésteinsson í Hof-
staðaseli heim. Norðaustan vornepjan andaði
köldu inn með Tindastólnum og fylgdi okkur yfir
sandinn og Hegranesið, en eftir að komið var
yfir eystra Eylendið, kyrrði, og heima á hlaði í
Seli var blæjalogn.
Hofstaðasel stendur í Út-Blönduhlíð í Við-
víkursveit undir hinum mikla fjallgarði milli
Skaga- og Eyjafjarðar, er Tröllaskagi nefndist til
forna. Landinu hallar frá fjalli niður að Héraðs-
vötnum, sem hníga straumlygn en djúpáluð út
Eylendið til sjávar. Grýttar brekkur hið efra en
djúpir svarfmóar og mýrardeigjur þar neðan við.
Hér má rækta hundruð hektara af nytjatúni, og
flæðiengjarnar niður við vötnin eru nýbærunum
sem hreinasta kjarnfóður. En fyrri eigendur tóku
ekki nema lítinn þátt í uppbyggingu nútímans,
og torfhýsin bera vitni þess, að mikil verkefni
bíða hér vinnufúsra handa.
Erindi okkar Tryggva til Vésteins var að leita
fregna fyrir Hermes, og eftir að hafa þegið góð-
gerðir og ungviðin Guðný og Vésteinn yngri
voru komin í værð og öðrum kvöldverkum lokið,
hófum við spjallið:
— Hvað segir þú um ætt og uppruna Vésteinn?
— Ég er fæddur í Ytri-Njarðvík snemma á
stríðsárunum — 1942 og faðir minn er Vésteinn
Bjarnason og móðir mín Rósa Guðmundsdóttir.
Pabbi er Vestfirðingur, úr Dýrafirði, og mamma
segist vera af Bergsætt og er drjúg með. Ættuð
frá Eyrarbakka en þaðan komi ættin úr Skafta-
fellssýslu.
— Hvaðan telur þú þig vera. Úr Njarðvíkun-
um?
— Ég veit nú varla hvaðan ég er. Ég var rúm
tíu ár þar og síðan önnur tíu á Akranesi og er nú
búinn að vera nærri 6 ár hér. Ég er ekki Skag-
firðingur. Það verður maður ekki á nokkrum
árum og ég er ekki meiri Akurnesingur en hvað
annað.
— En þú elst upp á Akranesi milli tektar og
tvítugs?
— Já, ég kom til Akraness 11 ára og þar var
maður í skóla á veturna en á sumrin í sveit og
síðar í vinnu út og suður. En ég kunni miklu
betur við mig á Akranesi en suður í Njarðvíkun-
um. Þar herjaði þessi plága kringum Keflavíkur-
flugvöll, sem allt ætlaði að drepa, heilbrigt at-
vinnulíf og annað. Þetta var hálfgerður villi-
mannabær þar suður frá — Villta vestrið.
— Hvar varstu í sveit?
— Upp í Borgarfirði, í Reykholtsdal, og síðar
var ég í byggingarvinnu við barnaskólann á
Kleppjárnsreykjum. Einnig var ég eitt sumar