Hermes - 01.05.1970, Blaðsíða 38
SKÁK-
ÞÁTTUR
1. Jóhann Örn Sigurjónsson ........... 10 v
2. Jón Bjarni Stefánsson.............. 6 v
3. Einar Ólafsson .................... 5 v
4. Grímur Valdimarsson................ 4 v
5. Magnús Yngvason ................... 3 v
6. Gylfi Þorkelsson .................. 2 v
Hraðskákmót NSS fór fram öðru sinni í húsa-
kynnum TR við Grensásveg fyrir stuttu. Þátt-
takendur voru að þessu sinni aðeins 6, en 12 árið
áður. Tefld var tvöföld umferð og bar Jóhann
Örn Sigurjónsson sigur úr býtum með 10 vinn-
inga eða 100% (sjá töflu), en hann er nú eins og
kunnugt er nýbakaður Reykjavíkur- og íslands-
meistari í hraðskák. Það er full ástæða til að
benda hinum fjölmörgu skákmönnum, sem út-
skrifazt hafa úr Bifröst, á mót þetta, sem hefur
bæði árin verið mjög fjörugt og skemmtilegt,
sérstaklega virðist ástæða til að benda yngri
skákmönnum á að láta sjá sig í ríkara mæli en
þeir hafa gert til þessa. Mót þetta tekur ekki
nema eina kvöldstund, og ef þátttaka væri betri,
er fullvíst, að í fátt væri betur varið tíma þeim
sem í mótið fer. Það er undarlegt, ef hinir fjöl-
mörgu skákmenn, sem verið hafa í Bifröst, hafa
ekki gaman af því að rifja upp gömul kynni við
skólafélaga sína við taflborðið og kynnast skák-
mönnum annarra árganga og þreyta við þá
keppni í þessari sígildu íþrótt um titilinn hrað-
skákmeistari NSS. Stjórnin hefur nú gefið til
móts þessa mjög glæsilega styttu, sem nafn sigur-
vegarans er grafið í, en hún verður síðan varð-
veitt í bikarasafni NSS, er skjöldurinn rúmar
ekki fleiri nöfn eða ditto eins og maðurinn sagði.
Við skulum stefna að því að gera Hraðskákmót
NSS að árlegum viðburði í félagslífi okkar, það
er ekki aðalatriðið að sigra, heldur að vera með
og gera með því mótið skemmtilegt öllum þeim
sem taka þátt í því.
Jón Bjarni Stefánsson
Hraðskákmeistari NSS 1970, Jóhann Örn Sigurjónsson m'ð
Hraðskákstyttuna. Ljósmynd: Guðmundur Bogason.