Hermes - 01.05.1970, Blaðsíða 47
hent verðlaun fyrir sigur á hraðskákmóti NSS, en Jóhann
Örn nældi sér reyndar í spilaverðlaunin líka og fannst
sumum nóg um.
* * *
Sú nýbreytni var tekin upp sl. vetur í starfi NSS að taka
íþróttasali á leigu. Fékkst aðstaða bæði í Austurbæjar-
skólanum og undir stúkunni á Laugardalsvellinum. Kven-
fólkið hafði tíma í Austurbæjarskólanum en það heltist
fljótlega úr lestinni sökum lélegrar þátttöku og virðist því
ekki annt um línurnar.
Hins vegar stundaði karlpeningurinn æfingar vel, og
komust þátttakendur á annan tug á æfingu, þegar bezt
lét. Var fótbolti nær eingöngu stundaður, enda af nægum
stjörnum að taka úr röðum NSS-manna.
* * *
A síðastliðnu ári kom fram sú hugmynd, að NSS hæfi út-
gáfu sérstakrar árbókar, sem yrði send öllum nemendum
sem hefðu útskrifazt úr Samvinnuskólanum frá fyrstu
tíð. Yrði efni þessarar árbókar í fyrsta lagi úr Skólaskýrslu
Samvinnuskólans ár hvert. í öðru lagi af starfsemi NSS.
I þriðja lagi heimildasöfnun um eldri nemendur úr Sam-
vinnuskólanum. svo og um starfsemi skólans á liðnum
áratugum, og í fjórða lagi yrði safnað í slíka árbók heim-
ildum um upphaf Samvinnuskólans. Auglýsingasöfnun
myndi svo standa undir kostnaði við útgáfu á slíku ársriti.
Þessi hugmynd fékk jákvæðar undirtektir, en mönnum
var þó Ijóst, að útgáfa slíkrar árbókar mundi kosta mikla
vinnu. En nú er stefnt að því, að fyrsta árbókin komi út
fyrir lok þessa árs, og rætt hefur verið við nokkra af
elztu nemendum úr Samvinnuskólanum um aðstoð varð-
andi efni. Eru undirtektir þeirra mjög jákvæðar og ættu
allar aðstæður að vera fyrir hendi að hrinda þessu fram
af myndarskap.
* * *
Það tók mörg ár og kostaði mikinn höfuðverk að leysa
hringamálið svonefnda á sínum tíma. Nú er Samvinnu-
skólahringurinn hins vegar orðinn sannkallað sameining|
artákn fyrir nemendur úr Samvinnuskólanum og orðinn
þekktur langt út fyrir raðir NSS-félaga Hefur fólki þótt
hringurinn sérstæður og táknrænn, og er ekki laust við,
að þeir þykist menn að meiru, sem uppgötvast sem Sam-
vinnuskólanemar, þegar einhver rekur augun í hringinn,
og nemendur, sem ekki þekktust, en hafa kynnzt fyrir til-
stilli hringsins, eru orðnir margir og jafnvel komnir í það
heilaga saman „sumir" fyrir bragðið. Hringurinn kostar
nú kr. 475,00 og eru þeir, sem ekki hafa eignast hringfnn
eða tapað honum, hvattir til að snúa sér til síns fulltrúa
eða einhvers stjórnarmanns NSS.
9 9 9
Atli Freyr er mikill reglumaður og fyrir nokkru skaut
hann að Hermesarstjóra reglum varðandi veitingu Hrað-
skákstyttunnar og eru þær þannig:
1. grein. Nemendasamband Samvinnuskólans veitir ár
hvert verðlaun fyrir beztan árangur á hrað-
skákmóti NSS.
2. grein. Verðlaunin eru stytta. sem ber nafnið Hrað-
skákstyttan.
3. grein. Styttan vinnst ekki til eignar.
4. grein. Eftir tíu ár skal keppni um styttuna lokið, og
hún varðveitt í Samvinnuskólanum.
9 9 9
Innheimta ársgjalds NSS er nú nýhafin, og hafa bekkjar-
fulltrúarnir fengið í hendur skírteinin fyrir ársgjaldinu,
en það er nú kr. 300,00. Þegar þetta er pikkað á ritvélina
er sá helgi dagur, Hvítasunnudagur. Enginn nema sá sem
reynir veit, hvaða vinna liggur að baki eins lítils blaðs af
Hermesi. Allt efni, sem í Hermesi birtist, er samansett af
af áhugamennsku. Allt starf NSS er starf áhugamannsins
og oftast borið uppi af fámennum hópi. Það er því hart.
þegar komið er að því að bera þetta starf uppi fjárhags-
Iega, að til skuli vera einstaklingar, sem horfa með eftir-
sjá á eftir þeim þrjú hundruð krónum, sem renna til NSS
eða jafnvel neita að borga þær.
Mér er ekki grunlaust um, að þessi hópur hafi af því
óblandna ánægju, að lesa um sína skólafélaga í Hermesi,
taka í spil á Hótel Sögu í félaga hópi eða slást í leikhús-
ferð á sýningar Þjóðleikhússins .
* * *
Ekki þarf að undirstrika það. hve haldgott það er, að
spjaldskrá NSS sé sem réttust. Það kostar ekki mikla
fyrirhöfn að láta t. d. vita um breytingu á heimilisfangi,
en vill samt oft gleymast. Ef slíkt hefur hent þig félagi
góður og þú e. t. v. ekki fengið Hermes fyrir bragðið fyrir
en eftir dúk og disk, þá sendu spjaldskrárritaranum.
Agústi Haraldssyni, Blómvallagötu 2, Reykjavík nýja
heimilisfangið við fyrsta tækifæri.