Hermes - 01.08.1971, Blaðsíða 14
Grímur Valdimarsson, árgerð 1963, hefur síðastliðin fimm ár rek-
ið fyrirtækið Pólar hf. að Einholti 6 hér í bæ ásamt Magnúsi bróð-
ur sínum. Að vísu hafði fyrirtækið starfað nokkuð áður eða í
fimmtán ár, en á þessum tíma var kostur að festa fé í Pólum. Svo
Grímur sló til, skrapaði saman alla þá peninga sem hann gat og
raunar meira til. Er hann nú stór hluthafi.
Framleiðsluvörur Póla hf. eru rafgeymar í allar tegundir véla
á sjó og landi. Munu bátar vera stærstu viðskiptavinirnir í þessari
grein eða nær helmingur. Nýr þáttur framleiðslunnar eru rafgeym-
ar fyrir lyftara í vöruhúsum, en rafmagnslyftarar eru sem óðast að
leysa gömlu vélknúnu lyftarana af hólmi.
Það er mjög skemmtilegt að Pólar hf. eru all nátengdir sam-
vinnuhreyfingunni því þeir bræður hafa samstarf við SÍS. Er dreif-
ingarkerfi þeirra að miklu leyti byggt á kaupfélögunum með sam-
vinnu við véladeild SÍS.
Samstarfið við SÍS hófst að verulegu marki árið 1967 þegar
Pólar hf. tók upp samvinnu við Chloride Electrical Storage Co.
Ltd. í Englandi. Þetta er risafyrirtæki sem spannar um allan heim
og framleiðir bókstafiega allt til rafgeyma. Eiga meira að segja
sína eigin blýnámu. Hafði SÍS áður verið með aðalumboð fyrir
Chloride-rafgeyma hér á landi.
Með þessu samstarfi vænkaðist mjög hagur Póla hf. í stað þess
að áður var efnið til framleiðslunnar keypt í sex til sjö löndum,
er nú allt keypt á sama stað. Af þessu leiðir að innkaupsverð er
mun hagstæðara en áður og einnig fær fyrirtækið alla þá tækni-
legu aðstoð sem völ er á og geta því jafnan verið vissir um að hafa
á boðstólum vöru sem jafnast á við það fremsta í heiminum í dag.
Að vísu sagði Grímur að oft væri erfitt um útvegun rekstrarfjár,
eins og því miður er algengt hjá okkur íslendingum. Eins hafa
gengisfellingar síðustu ára verið þeim þungar í skauti.
14
Ekki munu þeir bræður hafa útfiutning í huga. Bæði væri slíkt
ekki gerlegt nema með samningum við Chloride hringinn og hrá-
efnið er allt keypt erlendis frá og vegna hins mikla fiutningskostn-
aðar yrðu íslenzkir rafgeymar vart samkeppnisfærir á erlendum
markaði. Enda með sívaxandi vélaeign landsmanna eru góðar
horfur á öruggum innlendum markaði.
- Sem samvinnumaður innst inni er ég mjög ánægður með að
starfa að vissu leyti á vegum samvinnuhreyfingarinnar, enda held
ég að reynslan hafi leitt í ljós að það samstarf hefur verið báðum
til góðs, segir Grímur og kveikir í pípu sinni.
í hádeginu hljóp ég inn til Andreasar Bergmann, árgerð 1962, þar
sem hann sat á skrifstofu sinni að Álfhólsveg 7, í Kópavogi, en þar
er saumastofan Bergmann hf. til húsa. Milli símtala skaut hann
orði að þefaranum.
- Þú hefur verið við verzlunarstörf siðan þú komst úr Bifröst?
- Ég starfaði í Timburverzluninni Völundur hf. þar til 1968, en
það haust stofnsetti ég verzlun í Norðurbrún 2 sem ég rak í eitt
ár. Haustið 1969 keypti ég svo Teddybúðina á Laugavegi 31, og
stofnaði þar verzlunina Melissu, sem ég fiutti svo sl. haust í P. Ó.
húsið að Laugavegi 66. Þar erum við í 70 ferm. húsnæði og verzlum
aðallega með ytri fatnað á böm.
- Svo stofnaðir þú saumastofu?
- Já, við stofnuðum Bergmann hf. 1970 og saumum hér alls
konar ytri fatnað á börn. Aðaldreifing okkar í Reykjavík er í Mel-
issu, en auk þess seljum við líka mikið út um land. Við hófum
rekstur þessarar saumastofu vegna þess að mjög fáir hérlendis hafa
áhuga á barnafatasaum og með því gátum við fengið ódýrari vöru
en erlendis frá.
- Hafið þið í huga útfiutning ?
4